જે 18 વર્ષની દિકરીને પાનેતરમાં સાસરે વળાવવાના કોડ હતા, તેને કોરોના ભરખી જતાં પિતાએ સ્મશાનમાં અગ્નિદાહ દેવો પડ્યો.

Published By : B.K.NEWS DAINIK
Published Date : 2021-05-03 13:59:21
Views : 364
Modified Date : 2021-05-03 13:59:21

ભરૂચના કોવિડ સ્મશાનમાં રોજેરોજ અનેક મૃતદેહો આવે છે. પરંતુ આજે કોવિડ સ્મશાન શરૂ કરાયુ ત્યારથી આજદિન સુધીમાં સૌથી નાની વયનો મૃતદેહ આવ્યો હતો. એક 18 વર્ષીય યુવતીનું મૃત્યુ થતાં તેના મૃતદેહને અગ્નિદાહ આપવામાં આવ્યો હતો. કોરોનાના કારણે દિન પ્રતિદિન મૃત્યુ આંક ખૂબ ઊંચો જઇ રહ્યો છે. ભરુચ ખાતે કોવિડ સ્મશાનમાં ચિતાઓ સતત સળગી રહી છે. ત્યારે આજે કોવિડ સ્મશાનમાં આવેલ એક મૃતદેહના કારણે ખુદ સ્માશનના સંચાલકો પણ ચોંકી ઉઠ્યા હતા. આજે કોવિડ સ્મશાનમાં માત્ર 18 વર્ષની યુવતીના મૃતદેહને અગ્નિસંસ્કાર માટે લાવવામાં આવ્યો હતો.

અંકલેશ્વરના માંડવા ગામ ખાતે તળાવ ફળીયામાં રહેતી 18 વર્ષીય યુવતી પારસ રણછોડભાઈ વસાવા કોરોનામાં સપડાઇ હતી. જેણીને સારવાર અર્થે 2 મે ના રોજ ભરુચ સિવિલ હોસ્પિટલ ખસેડવામાં આવી હતી. પરંતુ સારવાર માટે ખસેડાઇ તેના બીજા જ દિવસે તેને અંતિમ શ્વાસ લીધો હતો. આજરોજ તેણીને ભરૂચના કોવિડ સ્મશાન ખાતે કોવિડ પ્રોટોકોલ સાથે નવો સ્ટ્રેન નાની ઉંમરના લોકોને પણ બાનમાં લઈ રહ્યો છે હતી.

કોવિડ સ્મશાનના સંચાલક ધર્મેશ સોલંકીએ જણાવ્યું હતું કે અમે છેલ્લા 1 વર્ષથી કોવિડ સ્મશાનમાં સેવા આપીએ છીએ. પરંતુ આજે આ સૌથી નાની વયનો કોવિડ પોઝિટિવ મૃતદેહ આવ્યો છે. જે બાદ અમારા હ્રદય પણ કંપી ઉઠ્યા છે. કોરોનમાં અગાઉ મોટી ઉંમરના લોકોના મૃત્યુ વધુ થતાં હતા. પરંતુ હવે આ નવો સ્ટ્રેન નાની ઉંમરના લોકોને પણ બાનમાં લઈ રહ્યો છે. જે ચિંતા ઉપજાવનાર છે. તો યુવતિના પિતા રણછોડભાઈ યુવાન દીકરીના મોતથી હતપ્રભ થઈ ગયા હતા અને કાંઈ બોલી શક્યા ન હતા. તેઓએ માત્ર એટલું કહ્યું હતું કે ભગવાન સૌને આ બીમારીથી બચાવે.