અમદાવાદ જિલ્લાના વિરમગામમાં સપ્તધારાથી સ્વાસ્થ્ય અંતર્ગત મેલેરીયા અંગે પપેટ શો દ્વારા જનજાગૃતિ કરાઇ

Published By : B.K.NEWS DAINIK
Published Date : 2019-04-30 12:37:26
Views : 392
Modified Date : 2019-04-30 12:37:26

અમદાવાદ જિલ્લા મેલેરીયા શાખા અને તાલુકા હેલ્થ ઓફિસ વિરમગામના સંયુક્ત ઉપક્રમે વિરમગામ શહેરમાં આવેલ ગાયત્રી મંદિર આંગણવાડી ખાતે મેલેરીયા અંગે જનજાગૃતિ કાર્યક્રમ રજૂ કરવામાં આવ્યો હતો. વિરમગામ તાલુકાની સપ્તધારાથી સ્વાસ્થ્ય ટીમ દ્વારા વિશ્વ મેલેરીયા દિવસની ઉજવણીના ભાગરૂપે ગાયત્રી મંદિર આંગણવાડીમાં આંગણવાડી કાર્યકર બહેનોને પપેટ શો દ્વારા મેલેરીયા અંગે સમજ આપવામાં આવી હતી અને જનજાગૃતિ કરવામાં આવી હતી. આ ઉપરાંત થોડી સાવચેતી રાખવામાં આવે તો મેલેરીયાથી બચી શકાય છે તે અંગે સમજણ આપવામાં આવી હતી. “મેલેરિયાને રોકો ન આપો એને ફેલાવાનો મોકો” અને “મેલેરીયાના અંતની શરૂઆત મારા પ્રયત્નોથી” સ્લોગન અંગે સમજ આપવામાં આવી હતી. વિરમગામ તાલુકા હેલ્થ ઓફિસના તાલુકા સુપરવાઇઝર કે.એમ મકવાણા, નીલકંઠ વાસુકિયા, જયેશ પાવરા, આંગણવાડી કાર્યકર દ્વારા મેલેરીયા અંગે સમજ આપતો પપેટ શો રજૂ કરવામાં આવ્યો હતો. જે આકર્ષણનું કેન્દ્ર બન્યું હતું.અમદાવાદ જિલ્લા મેલેરીયા અધિકારી નરેન્દ્રસિંહ રાઠોડ અને તાલુકા હેલ્થ ઓફિસર ડા.વિરલ વાઘેલાએ જણાવ્યુ હતુ કે, વિરમગામ તાલુકા સહિત સમગ્ર અમદાવાદ જિલ્લાના વિવિધ તાલુકાઓમાં વિશ્વ મેલેરીયા દિવસની ઉજવણી કરવામાં આવી હતી અને સપ્તધારાથી સ્વાસ્થ્ય ટીમ દ્વારા જનજાગૃતિ કાર્યક્રમ રજૂ કરવામાં આવ્યા હતા. વિરમગામમાં પપેટ શો દ્વારા મેલેરીયા અંગે જનજાગૃતિ કરવામાં આવી હતી અને સમજ આપવામાં આવી હતી કે, ઉલટી ઉબકા થાય, માથામાં દુઃખાવો થાય, શરીરમાં કળતર થાય, ઠંડી અને ધ્રુજારી સાથે તાવ આવે જેવા કોઇ પણ લક્ષણો જોવા મળે તો નજીકના સરકારી દવાખાનામાં જઇને નિઃશુલ્ક લોહીની તપાસ કરાવવી જોઇએ. મેલેરીયાથી બચવા માટે પાણીના ખુલ્લા વાસણો હવા ચુસ્ત ઢાંકણથી ઢાકીને રાખવા. પાણીની ટાંકી, ફુલદાની, કુલર, ફ્રીજની ટ્રે અઠવાડીયામાં એક વખત અવશ્ય સાફ કરો. ઘરની આસપાસ પાણી ન ભરાવા દો. પાણીના ખાડા ખાબોચિયા પુરી દો અથવા તો વહેવડાવી દો. કોઇ પણ તાવ મેલેરીયા હોય શકે છે. ઉલટી ઉબકા થાય, માથામાં દુઃખાવો થાય, શરીરમાં કળતર થાય, ઠંડી અને ધ્રુજારી સાથે તાવ આવે જેવા કોઇ પણ લક્ષણો જોવા મળે તો નજીકના સરકારી દવાખાનામાં જઇને નિઃશુલ્ક લોહીની તપાસ કરાવવી જોઇએ. મેલેરીયાનો ફેલાવો મચ્છરથી જ થાય છે એટલે મચ્છરની ઉત્પત્તિ અટકાવશો તો મેલેરીયા થતો રોકી શકાશે.