આગામી 6 મહિના ભયંકર હશે, કોરોનાથી 2 લાખ લોકો મરશે, બિલ ગેટ્સે પણ ડરાવ્યા.

Published By : B.K.NEWS DAINIK
Published Date : 2020-12-14 12:47:43
Views : 649
Modified Date : 2020-12-14 12:47:43

વિશ્વમાં કોરોના દર્દીઓની સંખ્યા 7.26 કરોડને પાર થઈ ગઈ છે. 5.08 કરોડથી વધુ લોકો સાજા થયા છે. અત્યારસુધીમાં 16 લાખથી વધુ લોકોએ જીવ ગુમાવ્યો છે. આ આંકડા Www.worldometers.info/coronavirus મુજબના છે.અમેરિકન બિઝનેસમેન અને માઈક્રોસોફ્ટ કંપનીના માલિક બિલ ગેટ્સે જહયું કે આગામી 4 થી 6 મહિના મહામારીના સૌથી ખરાબ દિવસ હશે. ઈન્સ્ટિટ્યૂટ ઓફ હેલ્થ મેટ્રિક્સ એન્સ ઇવેલ્યુએશન (IHME)અનુસાર, આ સમયગાળા દરમિયાન 2 લાખથી વધુ લોકોના મૃત્યુ થશે. જો આપણે નિયમોનું પાલન કરીએ, માસ્ક પહેરીએ અને ભીડમાં ન જઇએ તો આપણે આ મૃત્યુઆંકને મોટા પ્રમાણમાં અટકાવી શકીશું. ગેટ્સે સીએનએનને આપેલા ઇન્ટરવ્યુમાં આ વાત કરી હતી. તેમણે કહ્યું કે જ્યારે વેક્સિન આવશે ત્યારે તે સૌની સામે લગાવશે.

દરમિયાન બહેરીને ચીનની ફાર્મા કંપની સિનોફાર્મની વેક્સિનને મંજૂરી આપી દીધી છે. તેણે વેક્સિનેશન માટે ઓનલાઈન નોંધણી શરૂ કરી દીધી છે. 18 વર્ષથી વધુ વયના લોકો ફ્રીમાં વેક્સિન લગાવવા માટે નોંધણી કરાવી શકે છો. સિનોફાર્મની આ વેક્સિનની ઇજિપ્ત, બહેરીન અને જોર્ડનમાં ત્રીજા તબક્કાની ટ્રાયલ ચાલી રહી છે. દેશમાં અત્યારસુધીમાં 89 હજાર 143 લોકોને સંક્રમણ લાગ્યું છે અને 348 લોકોનાં મૃત્યુ થયાં છે.રશિયામાં છેલ્લા 24 કલાકમાં 28 હજાર 80 નવા કેસ સામે આવ્યા છે. દેશમાં અત્યારસુધીમાં 26 લાખથી વધુ લોકોને સંક્રમણ લાગ્યું છે અને 46 હજારથી વધુ લોકોએ પોતાનો જીવ ગુમાવ્યો છે. રશિયાની રાજધાની મોસ્કોમાં છેલ્લા 24 કલાકમાં 75 હજાર દર્દી મોતને ભેટ્યા છે. એ દરેકમાં ન્યુમોનિયા થયો હતો. બાદમાં તપાસ કરતાં તેમના રિપોર્ટ પોઝિટિવ મળ્યા હતા. રવિવારે તે તમામ દર્દીઓએ પોતાનો જીવ ગુમાવ્યો હતો. આ સાથે જ અત્યારસુધીમાં કુલ મૃત્યુ આંક 9945 થયો છે. મોસ્કોમાં અત્યારસુધીમાં 6 લાખથી વધુ લોકોને સંક્રમણ લાગ્યું છે. ગત સપ્તાહેથી વેક્સિનેશન શરૂ થઈ ચૂક્યું છે.

ઇઝરાયેલ તેના વેક્સિનેશન કાર્યક્રમની નક્કી કરેલા સમય પહેલા જ શરૂઆત કરી શકે છે. આરોગ્ય પ્રધાન યુલી એડેલસ્ટીને રવિવારે કહ્યું- પ્રથમ વેક્સિનેશન માટે ડિસેમ્બર 27નો સમય નક્કી નિશ્ચિત કરવામાં આવ્યો હતો. જોકે વેક્સિનેશન કેન્દ્રોમાં તૈયારીઓ લગભગ પૂર્ણ થઈ ગઈ છે. આવી સ્થિતિમાં, અમે આવતા મહિનાથી વેક્સિનેશન ડ્રાઇવ શરૂ કરી શકીએ છીએ. પ્રથમ તબક્કામાં 60 હજાર લોકોને વેક્સિન લગાવવામાં આવશે. ઇઝરાયેલમાં ગત સપ્તાહે ફાઇઝરની વેક્સિનનો પ્રથમ જથ્થો પહોંચી ચૂક્યો છે. ઇઝરાયેલમાં અત્યારસુધીમાં 3 લાખથી વધુ લોકો સંક્રમણની ઝપેટમાં આવ્યા છે અને 2990 લોકોનાં મૃત્યુ થયાં છે.બ્રિટનમાં 24 કલાકમાં 18 હજાર 447 કેસ નોંધાયા હતા અને 144 લોકોનાં મોત થયાં હતાં. આ સાથે દેશમાં સંક્રમિતોની સંખ્યા 18 લાખને પાર થઈ ગઈ છે. અહીં 64 હજારથી વધુ લોકોનાં મૃત્યુ થયાં છે. દેશના ઘણા વિસ્તારોમાં નવા કેસ વધી રહ્યા છે. રાષ્ટ્રીય આરોગ્ય સેવા (NHS)ના વડાએ વડાપ્રધાન બોરિસ જોહન્સનને પત્ર લખીને જાણકારી આપી હતી. તેમણે વડાપ્રધાનને 23 ડિસેમ્બરથી 27 ડિસેમ્બર સુધી ક્રિસમસ રજાઓ પર સખત નિયંત્રણો લાગુ કરવા જણાવ્યું હતું.

ન્યૂઝીલેન્ડમાં વિદેશી કેદીઓની મુશ્કેલીઓ વધી છે. મુક્તિના 10 મહિના પૂરા થયા પછી પણ તેમને પાછા તેમના દેશમાં મોકલવામાં આવ્યા નથી. ફ્લાઇટ ઓછી હોવાને કારણે આવું બન્યું છે. 8 ડિસેમ્બર સુધીમાં દેશમાં આવા 15 જેટલા કેદી હતા. માર્ચમાં એર ન્યૂઝીલેન્ડે આંતરરાષ્ટ્રીય ફ્લાઇટ્સમાં 95% ઘટાડો કર્યો હતો. રવિવારે દેશના ઇમિગ્રેશન પ્રધાન ક્રિસ ફાફોઇએ આ બાબતે માહિતી આપી હતી. ન્યૂઝીલેન્ડમાં અત્યારસુધીમાં 2096 લોકોને સંક્રમણ લાગ્યું છે અને 25થી વધુનાં મોત થયાં છે.

અમેરિકા	16,737,267	306,459	9,724,439
ભારત	9,884,716	143,393	9,387,608
બ્રાઝિલ	6,901,990	181,419	5,982,953
રશિયા	2,653,928	46,941	2,106,235
ફ્રાન્સ	2,376,852	57,911	176,995
બ્રિટન	1,849,403	64,170	ઉપલબ્ધ નથી
ઈટાલી	1,843,712	64,520	1,093,161
તુર્કી	1,836,728	16,417	1,603,780
સ્પેન	1,741,439	47,624	ઉપલબ્ધ નથી
આર્જેંન્ટીના	1,498,160	40,766	1,335,317