હાથીના સાથી કોણ ? સાતસણમાં એક સાથે ચાર હાથી બિનવારસી મળી આવતા લોકોમાં કુતૂહલ

Published By : B.K.NEWS DAINIK
Published Date : 2021-02-03 11:11:45
Views : 535
Modified Date : 2021-02-03 11:11:45

બનાસકાંઠા જિલ્લાના
પાંથાવાડા પાસે આવેલા સાતસણ ગામમાં એક સાથે ચાર હાથી બિનવારસી હાલતમાં મળી આવતા લોકોમાં કુતૂહલ વ્યાપ્યો છે. ચાર હાથી બિનવારસી હાલતમાં મળી આવ્યાના સમાચાર મળતાં જ ફોરેસ્ટ વિભાગ ઘટનાસ્થળે પહોંચી હાથીઓને કોણ મૂકી ગયું અને હાથી માટે શું વ્યવસ્થા કરવી તે માટેની તજવીજ હાથધરી છે.
બનાસકાંઠા જિલ્લાના રાજસ્થાનની સરહદને અડીને આવેલા સાતસણ ગામમાં મંગળવારે ચાર હાથી બિનવારસી હાલતમાં મળી આવ્યા હતા.આ ચાર હાથી માદા હાથી છે. સાતસણ ગામની સીમમાં પથ્થરો પાસે ચાર હાથી બાંધેલી હાલતમાં દેખાયા હતા.ચાર હાથી એક સાથે દેખાતા હાથીને જાેવા માટે લોકોના ટોળે ટોળા ઉમટી
પડ્યા હતા. ત્યારબાદ સ્થાનિક લોકો દ્વારા આ ચારે હાથીઓને ખોરાક અને પાણીની વ્યવસ્થા કરવામાં આવી હતી.
જ્યારે સ્થાનિક લોકોએ ફોરેસ્ટ વિભાગની જાણ કરતા રેન્જ ફોરેસ્ટ વિભાગના તમામ અધિકારીઓ ઘટનાસ્થળે
પહોંચી હાથી પર કબજાે મેળવ્યો હતો. જે બાદ ફોરેસ્ટ વિભાગ દ્વારા હાથીના ડોક્ટરને બોલાવી હાથી તપાસ કરાવી હતી. જે તપાસમાં અત્યારે હાથી સંપૂર્ણ સ્વસ્થ છે. ચાર હાથી મામલે અત્યારે ફોરેસ્ટ વિભાગે આજુબાજુના ગામ તેમજ સ્થાનિક લોકોના
ઉપયોગ થકી આ હાથીનો માલિક કોણ છે તે મામલે
તપાસ હાથ ધરી છે. સ્થાનિક લોકોનું કહેવું છે કે જ્યાં સુધી ગામની સીમમાં હાથી રહેશે ત્યાં સુધી ગામ લોકો તેમની સેવામાં હંમેશા તત્પર રહેશે. તો બીજી તરફ હાલ સ્થાનિક પોલીસ અને ફોરેસ્ટ વિભાગની ટીમે હાથીના માલિકની શોધખોળ કરવાની શરૂઆત કરી દીધી છે