હવે LICની યુલિપ પોલિસીને ફ્રીમાં ઓનલાઇન સ્વિચ કરી શકાશે, કોલ સેન્ટર અનેક પ્રાદેશિક ભાષાઓમાં હશે.

Published By : B.K.NEWS DAINIK
Published Date : 2020-12-12 12:25:03
Views : 262
Modified Date : 2020-12-12 12:25:03

દેશની સૌથી મોટી જીવન વીમા કંપની લાઇફ ઇન્શ્યોરન્સ કોર્પોરેશન (LIC)એ ગ્રાહકોને નવી સુવિધા આપી છે. હવે ગ્રાહકો તેની યુલિપ પોલિસી ઓનલાઇન સ્વિચ કરી શકે છે. આ ઉપરાંત, LICએ હવે તેના કોલ સેન્ટરને ઘણી વધુ પ્રાદેશિક ભાષાઓમાં વિસ્તૃત કર્યાં છે.LIC દ્વારા જાહેર કરાયેલા નિવેદનમાં જણાવ્યા પ્રમાણે, કોરોનાકાળમાં ગ્રાહકો માટે આ એક સારી સુવિધા આપવામાં આવી રહી છે. LICના પોલિસીધારકો માટે ગ્રાહક કેન્દ્રિત સુવિધાઓ શરૂ કરવામાં આવી રહી છે. તેમાં ઓનલાઇન ફેસિલિટીમાં યુલિપ પોલિસી હેઠળ ફંડ્સ સ્વિચ કરી શકાય છે. તેને LICના કસ્ટમર પોર્ટલ પર જઇને કરી શકાય છે. જે ગ્રાહકોએ પ્રીમિયર સર્વિસિસ માટે કસ્ટમર પોર્ટલ પર રજિસ્ટ્રેશન કરાવ્યું છે તેઓ આ સુવિધાનો ફાયદો મેળવી શકે છે. LICએ કહ્યું કે, 7 ડિસેમ્બરથી ગ્રાહકો તેમની પોતાની પોલિસી, તેમનાં બાળકોની પોલિસીનો લાભ મેળવી શકે છે. આ સુવિધા તેની ત્રણ પોલિસી પર લાગુ પડશે. આમાં ન્યૂ એન્ડોમેન્ટ પ્લસ (પ્લાન 935), નિવેશ પ્લસ (પ્લાન 849) અને SIP (SIP પ્લાન 852) નો સમાવેશ થાય છે. આ ત્રણ પ્લાન અત્યારે વેચવામાં આવે છે. ઓનલાઇન ફંડ સ્વિચ કરવા પર કોઈ ચાર્જ લેવામાં આવશે નહીં. આ એક સંપૂર્ણ ફ્રી સર્વિસ છે.

આ સુવિધા હેઠળ દરરોજ ફક્ત એક જ વાર સ્વિચ કરવાની સુવિધા હશે. આ સુવિધા વન ટાઇમ પાસવર્ડ (OTP) પર આધારિત હશે, જ્યાંથી ઓથેન્ટિકેશન કરવામાં આવશે. આ સાથે જ LIC દ્વારા કોલ સેન્ટર્સમાં પ્રાદેશિક ભાષાઓની સંખ્યા પણ વધારી દેવામાં આવી છે. ગ્રાહકો ઈચ્છે તો હવે અન્ય ભાષાઓમાં પણ વાત કરી શકે છે. તેમાં પહેલેથી હિંદી અને અંગ્રેજી ભાષા ચાલતી હતી. પરંતુ હવે મરાઠી, તમિલ અને બંગાળી ભાષાઓની સુવિધા પણ આપવામાં આવી છે. બે ભાષાની સુવિધા સપ્ટેમ્બર 2018માં શરૂ કરવામાં આવી હતી.LICએ કહ્યું કે, તે સુવિધાને આગળ વધારવાની યોજના ધરાવે છે. તેનો અર્થ એ કે તેમાં વધુ ભાષાઓ ઉમેરવામાં આવશે. જેથી દરેક ભાષાના પોલિસીધારકો તેમની સુવિધા પ્રમાણે બોલી શકે. LICના પોલિસીધારકો દરેક ભાષામાં દરેક ક્ષેત્રમાં હોય છે. તેથી, તેનો ફાયદો તેના પોલિસીધારકોને થશે. આ ઉપરાંત, કોર્પોરેશન દ્વારા આર્ટિફિશિયલ ઇન્ટેલિજન્સની સુવિધા પણ આપવામાં આવી છે. તે બે ભાષાઓમાં ચેટબોટ પર વાત કરી શકે છે.

LIC મિત્ર તેની વેબસાઇટ પર એક ઓપ્શન છે, જેના દ્વારા તમામ પ્રકારની માહિતી આપવામાં આવે છે. તેમાં તેની ભરવાની તારીખ, તમામ પ્રોડક્ટ્સ અને નવી લોંચિંગ સ્કીમ્સ અને ગ્રાહકોની ક્વેરી વગેરે સામેલ છે. આ વર્ષે જાન્યુઆરીથી ચેટબોટે 1.20 કરોડ જવાબો આપ્યા છે.