લેબ ડાયમંડનો મોહ ગાયબ : ડીમાંડ ઘટી ગઈ : ભાવ 65 ટકા તૂટયા

Published By : B.K.NEWS DAINIK
Published Date : 2024-08-12 19:06:53
Views : 224
Modified Date : 2024-08-12 19:06:53

ભારતીય પ્રયોગશાળામાં તૈયાર કરવામાં આવેલ હીરાનો ઉદ્યોગ કિંમતોમાં નોંધપાત્ર ઘટાડો, ઉપભોક્તા હિતમાં ઘટાડો અને આયાતમાંથી સ્પર્ધા જેવા પડકારોનો સામનો કરી રહ્યો છે.થિંક ટેન્ક ગ્લોબલ ટ્રેડ રિસર્ચ ઇનિશિયેટિવ જીટીઆરઆઈએ જણાવ્યું હતું કે, ભારત ઉત્પાદન ઓવરકેપેસિટીના મુદ્દાનો સામનો કરી રહ્યું છે. તે મોટા પ્રમાણમાં આયાત કરવાનું ચાલું રાખે છે આ મુદ્દાની તપાસની જરૂર છે.આ પડકારોનો સામનો કરવા માટે, સરકારે ગુણવત્તા, પ્રમાણપત્ર અને બજાર પ્રથાઓને પ્રમાણિત કરવા માટે સ્પષ્ટ અને સુસંગત નિયમો સેટ કરવા જેવા ચોક્કસ પગલાં લેવાની જરૂર છે.આયાતની ગુણવત્તા ચકાસવા માટે ગુણવત્તા નિયંત્રણ આદેશ જારી કરવો અને ઉત્પાદન પ્રક્રિયાઓને સુધારવા, ખર્ચ ઘટાડવા અને પ્રયોગશાળામાં તૈયાર કરવામાં આવેલા હીરાની ગુણવત્તા વધારવા માટે સંશોધન અને વિકાસમાં રોકાણ કરવું જરૂરી છે અહેવાલ મુજબ ભારતીય પ્રયોગશાળામાં તૈયાર કરવામાં આવેલ હીરાનો ઉદ્યોગ એક મોટા પડકારનો સામનો કરી રહ્યો છે.જેમાં સ્થાનિક અતિઉત્પાદન અને વિદેશમાંથી વધુ પડતી આયાતને કારણે પાછલા વર્ષમાં કિંમતો 65 ટકા ધટી છે. પહેલાં 60000 કિંમત હતી જે હાલ 20000 પ્રતિ કેરેટ થઈ ગઈ છે, જે વધુ પડતાં ઉત્પાદન તરફ નિર્દેશ કરે છે. ભારતમાં પ્રયોગશાળામાં તૈયાર કરવામાં આવતા હીરાનું ઉત્પાદન કરતાં એકમોની સંખ્યા વધીને 10000 થઈ ગઈ છે, જેના કારણે પુરવઠો વધુ પડતો થાય છે.ઉદ્યોગમાં આવી પ્રથાઓ તપાસતા સ્પષ્ટ નિયમોનો અભાવ છે, જેના કારણે ગુણવત્તાની ખાતરી કરવી મુશ્કેલ બને છે. જીટીઆરઆઈના સ્થાપક અજય શ્રીવાસ્તવના જણાવ્યાં અનુસાર યોગ્ય પ્રમાણપત્રનો અભાવ અને ઓછા વિશ્વાસના કારણે બજારની કામગીરી અને ઉદ્યોગની વૃદ્ધિને ધીમી કરી શકે છે.તેમણે ઉમેર્યું હતું કે રફ લેબ દ્ગારા તૈયાર કરવામાં આવેલા હીરાની ભારતમાં 98 ટકા આયાત હોંગકોંગ અને યુએઈમાંથી થાય છે. વર્ષ 2024 માં, ભારતે 1.14 બિલિયન ડોલરના રફ લેબ દ્ગારા તૈયાર કરવામાં આવેલા હીરાની આયાત કરી હતી અને 1.3 બિલિયન ડોલરના કટ અને પોલિશ્ડ હીરાની નિકાસ કરી હતી.જીટીઆરઆઈએ જણાવ્યું હતું કે, નેચરલ હીરાની કિંમત કેરેટ દીઠ આશરે 3.5 લાખ છે અને આ કિંમતમાં ઘટાડો ઉત્પાદકો માટે લેબ દ્ગારા તૈયાર કરવામાં આવેલા હીરા બનાવવાના મશીનો ખરીદવા માટે લીધેલી લોનની ચૂકવણી કરવી મુશ્કેલ બનાવી રહી છે, જેના કારણે તેઓ આર્થિક તંગી ભોગવી રહ્યા છે.