એનએસયુઆઇએ યુનિવર્સિટી દ્વારા લેવામાં આવેલી પૂરક પરીક્ષાના પરિણામો જાહેર કરવા કુલપતિને આવેદનપત્ર આપ્યું

Published By : B.K.NEWS DAINIK
Published Date : 2019-11-26 11:16:43
Views : 490
Modified Date : 2019-11-26 11:16:43

હેમચંદ્રાચાર્ય ઉત્તર ગુજરાત યુનિવર્સિટી દ્વારા રજીસ્ટ્રેશન
પૂર્ણ થઇ ગઇ હોય એવા સ્નાતક અનુસ્નાતકના વિદ્યાર્થીઓને અભ્યાસક્રમ પૂર્ણ કરવાની તક આપવા માટે ખાસ પરીક્ષા લેવામાં આવી હતી. જે પરીક્ષાને બે થી ત્રણ મહિના જેટલો સમય વિતી ગયો હોવા છતાં હજુ સુધી પરિણામ જાહેર કરવામાં આવતાં સોમવારે એન.એસ.યુ.આઇ.ના કાર્યકર્તાઓએ કુલપતિ અને
પરીક્ષા નિયામક વિરૂધ્ધ સુત્રોચ્ચાર કરી આવેદનપત્ર આપ્યું હતું અને ઝડપથી
પરિણામો જાહેર કરવાની માંગ કરી હતી.
યુનિવર્સિટી દ્વારા બે-ત્રણ મહિના અગાઉ સ્નાતક કક્ષાએ છ વર્ષ અને અનુસ્નાતક કક્ષાએ ૪ વર્ષ અભ્યાસક્રમના પૂર્ણ થઈ ગયા હોય અને જેમનો રજીસ્ટ્રેશન રદ થઇ હોય. પરંતુ આવા વિદ્યાર્થીઓનો અભ્યાસક્રમ અધવચ્ચે જ અધુરો રહી ગયો હોય તેવા વિદ્યાર્થીઓને તેમનો અભ્યાસક્રમ પૂર્ણ કરવા માટેની તક આપવા માટે ખાસ પરીક્ષાનું આયોજન કરવામાં આવ્યું હતું અને વિદ્યાર્થીઓની પરીક્ષા લેવામાં આવી હતી પરંતુ આ
પરીક્ષા લીધા બાદ ત્રણ મહિના જેટલો સમય વિતી ગયો હોવા છતાં પરીક્ષાનું પરિણામ જાહેર કરવામાં આવ્યું નથી બીજી તરફ ટાટની પરીક્ષામાં અરજી કરવા માટે ૨૮મી નવેમ્બર અંતિમ તારીખ છે. ત્યારે વિદ્યાર્થીઓનું પરિણામ જાહેર ન થવાના કારણે વિદ્યાર્થીઓ ટાટની
પરીક્ષા આપી શકે તેમ નથી. જેથી વિદ્યાર્થીઓનું ભવિષ્ય ન બગડે તે માટે પાટણ જિલ્લા એન.એસ.યુ.આઈ. દ્વારા યુનિવર્સિટી ખાતે આવી વિદ્યાર્થીઓનું પરિણામ જાહેર કરવાની માંગ સાથે કુલપતિ અને પરીક્ષા નિયામક વિરૂધ્ધ સુત્રોચ્ચાર કર્યા હતા. તેમજ કુલપતિની ચેમ્બરમાં પાસે રામધૂન બોલાવી હતી ત્યારબાદ કુલપતિ ડોક્ટર અનિલભાઈ નાયકને આવેદનપત્ર આપી વિદ્યાર્થીઓનું પરિણામ ઝડપથી જાહેર કરવાની માંગ કરી હતી જેને લઇ કુલપતિએ એન.એસ.યુ.આઇ.ના કાર્યકર્તાઓની હાજરીમાં પરીક્ષા નિયામક મિતુલભાઈ દેલીયાને ટેલિફોનિક વાતચીત કરી ઝડપથી પરિણામ જાહેર કરવા સૂચના આપી હતી. યુનિવર્સિટીના પરીક્ષા નિયામક સમયસર પરિણામ જાહેર ન કરી શકતા હોય તો સ્વેચ્છાએ તેમણે રાજીનામું આપી દેવું જોઈએ તેમ કાર્યકર્તાઓએ કુલપતિને રજૂઆત કરી હતી .