વડગામ તાલુકાની આંગણવાડી કેન્દ્રોમાં કીટની ખરીદીમાં લાખોનો ભષ્ટ્રાચાર

Published By : B.K.NEWS DAINIK
Published Date : 2020-03-04 11:45:38
Views : 503
Modified Date : 2020-03-04 11:45:38

વડગામ તાલુકાની આંગણવાડી કેન્દ્રોમાં કન્ટીજન્સી કીટની ખરીદીમાં લાખોનો ભષ્ટ્રાચારની અરજદારે રજૂઆત કરતા પી.ઓ. ઓફિસર પેપોલ ગામે તપાસ માટે દોડી આવ્યા હતા અને જણાવ્યું કે હું તટસ્થ તપાસ કરીશ અને જવાબદાર સામે યોગ્ય પગલાં ભરવામાં આવશે તેવું આશ્વાસન આપ્યું હતું. ત્યારે આંગણવાડી કાર્યકર બહેને જણાવ્યું કે આ કીટ અમે અમારા સેજા વાઇઝના આંગણવાડીમાંથી પોતાના ખર્ચે લાવેલા છીએ.
વડગામ તાલુકા પંચાયત કચેરીના આઇ.સી.ડી.એસ. શાખામાં જવાબદાર અધિકારીઓએ કન્ટીજન્સી કીટની ખરીદીમા લાખોનો ભષ્ટ્રાચારની અરજદારે રજૂઆત કરતા પ્રોગ્રામ ઓફિસર પોતે તપાસ માટે
પપોળ ગામે આંગણવાડીમાં દોડી આવ્યા હતા. ત્યારે
કન્ટીજન્સી કીટની ખરીદીની સામગ્રી બજારમાં ૧૧૦૦
રૂપિયામાં મળી જાય છે. ત્યારે આ કીટના બીલ ૩૦૦૦ હજાર રૂપિયાનું બનાવી લાખો
રૂપિયાનો ભ્રષ્ટાચાર આચર્યો હોવાની રજૂઆત છ મહિના
પહેલાં અરજદાર કાનજીભાઈ ચૌહાણ દ્વારા કરવામાં આવી હતી. ત્યારે આંગણવાડી કેન્દ્રોએ કન્ટીજન્સી કીટની ખરીદી દર વર્ષે રૂ. બે હજારની આંગણવાડી કાર્યકર બહેનાએ જાતે કરવાની હોય છે. ત્યારે આ વખતે સુપરવાઇઝર બહેનોએ જાતે ખરીદી કરેલ છે. જે તમામ કાર્યકરો બહેનોના લેખિતમાં જવાબો અને સહીઓ કરાવી દીધી છે. જે બાબતે
અરજદાર કાનજીભાઈએ કેટલીક આંગણવાડી કેન્દ્રોમાં મુલાકાત કરતા કાર્યકર બહેનોએ ખરીદી બાબતે કોઈજ જવાબ આપવા તેયાર નથી અને ક્યાંથી ખરીદી કરેલ છે જેની કોઈજ ખબર નથી તેવું જણાવ્યું હતું. ત્યારે સુપરવાઈઝરોને આ અંગે વાત કરતાં આ ખરીદી કોને કરી અને ક્યાંથી થઈ તે બાબતની ખુદ સુપરવાઈઝર બહેનોને પણ ખબર નથી. આ ખરીદી બે હજારની કાર્યકરને કરવાનું ખુદ સી.ડી. પી.ઓ. અરજદારને જણાવી રહ્યા છે.
પરંતુ ખરીદીના બીલ ત્રણ હજારના છે. માલ સામાન દરેક સુપરવાઈઝરોના સેજા વાઈઝની આંગણવાડી કેન્દ્રમાં ઉતારવામાં આવી અને ત્યાંથી દરેક આંગણવાડી કાર્યકરો રીક્ષામાં
પોતાના ખર્ચે લઈ ગયા હતા. આ તમામ કીટનું ખરીદીનું બીલ એક જ પેઢીનું છે. જેને લઇ અને સવાલો ઉભા થાય છે. ત્યારે અરજદારે ઉચ્ચ કક્ષાએ રજૂઆત કરતા આ કન્ટીજન્સી કીટ અંગેની તપાસ કરવા પી.ઓ. યશ્વંતીબેન ચાવડા ઓફિસર પેપોલ ગામે દોડી આવ્યા હતા. ત્યા રૂબરૂ તપાસ કરી પ્રોગ્રામ ઓફિસરે તમામ આંગણવાડી કેન્દ્રોમાંથી બીલ મંગાવી તટસ્થ તપાસ કરાવવાની ખાત્રી આપી હતી. ત્યારે તેમની સાથે મહિલા અને બાળ કલ્યાણ ચેરમેન જિલ્લા પંચાયતના યસુમતી બેન પરમાર, સી.ડી.પી.ઓ.જાસ્નાબેન નાઈ, અરજદાર કાનજીભાઈ ચૌહાણ, આંગણવાડી કાર્યકર હાજર રહ્યા હતા. ત્યારે આ અંગે અરજદારે જણાવ્યું હતું કે આ બાબતે પીઓ બેન દ્વારા યોગ્ય તપાસ કરવામાં આવે અને જવાબદાર સામે કાયદેસરની કાર્યવાહી કરવામાં આવે તેવી મારી માંગ છે. ભીનું સંકેલવામાં આવશે તો અમે ઉચ્ચ કક્ષાએ રજૂઆત કરી વિજીલન્સની તપાસ હાથ ધરાય તેવી માંગ કરાશે.