કાંકરેજ તાલુકામાં પાટણ-૩ લોકસભા ચૂંટણીમાં ૫૫ ટકા મતદાન સાથે શાંતિપૂર્ણ માહોલમાં મતદાન સંપન્ન

Published By : B.K.NEWS DAINIK
Published Date : 2019-04-24 05:51:10
Views : 515
Modified Date : 2019-04-24 05:51:10

સમગ્ર ભારત દેશમાં લોકશાહીના મહાપર્વમાં ચાલી રહેલ લોકસભાની ચૂંટણી તા.૨૩-૦૪-૨૦૧૯ ના યોજાયેલ પાટણ-૩ લોકસભા ચૂંટણીનુ મતદાન યોજાયુ. તેમાં ટોટલ ૭ તાલુકાનો સમાવેશ થતો હતો. તે અંતર્ગત કાંકરેજ તાલુકામાં લોકસભા ચુંટણીનું ગઈ કાલ મતદાન યોજાયુ. તેમાં સમગ્ર કાંકરેજ તાલુકામાં તમામ ગામોમાં સવારે ૭ વાગ્યે મતદાન ચાલુ કરવામાં આવ્યુ હતુ.મતદાન દરમિયાન મતદાન મથક ઉપર મતદારોમાં ભારે નિરસતાની સાથે શુષ્ક વાતાવરણ જોવા મળ્યુ હતુ.મતદાન મથકે મતદારોમાં પોતાનો મત આપવા ભારે ઉત્સાહ જોવા મળતો હતો. તેમાં ધણો તફાવત જોવા મળ્યો હતો. શિરવાડામાં સવારે શરૂઆતમાં ઇ.વી.એમ.મશીન ખોટકાતાં મતદારો અટવાયા હતા. તો કયાંક ગરમીના માહોલમાં મતદારોમાં ઉત્સાહ ઓછો જોવા મળ્યો હતો. તેમાં શિરવાડામાં ૯૫ વર્ષિય વૃધ્ધ માજી જોષી સાંકુબેન હરીભાઇએ અને જામપુરના ૧૦૨ વર્ષના શતાયુ મતદાર ચૌધરી માંનાભાઇ કરશનભાઇ, રાજપુરના ઠાકોર શાંતાબેન સરદારભાઈ અને જોષી અમરબેન રામસુંગભાઇ શિરવાડા દિવ્યાંગ મતદારે મતદાન કર્યુ હતુ.તેમાં કાંકરેજ ધારાસભ્ય કિર્તિસિંહ વાધેલા, થરા માર્કેટયાર્ડ ચેરમેન અણદાભાઇ પટેલ, કોંગ્રેસ તાલુકા પ્રમુખ હેમુભાઇ જોષી, જિલ્લા પંચાયત સદસ્ય ભુપતજી ઠાકોર, વગેરે પોતાનો કિંમતી મત આપ્યો હતો. યુવાનોને મતદાન કરવા માટે સંદેશો આપ્યો હતો. દરેક યુવાનો અને વડીલોને મસ્તક નીચુ કરાવી મતદાન અંગેની જાગૃતતા દર્શાવી હતી. ૫ વાગ્યા સુધીમાં અંદાજીત ૫૫ ટકા મતદાન થવા પામ્યુ છે. કાંકરેજ તાલુકામાં ટોટલ ૩૦૨ બુથોમાં ટોટલ ૨૬૨૯૩૧ મતદારોમાંથી
પુરૂષો-૧૩૮૩૨૦
સ્ત્રી- ૧૨૪૬૦૭ મતદારો છે.આ વખતે ચુંટણીપંચ દ્વારા વિશેષ સુવિધાઓ ગોઠવવામાં આવી હતી. તેમાં કાંકરેજના તાંણા, ભાવનગર, રતનપુરા (શિહોરી), ઉંબરી, ખોડલા જેવા ૫ મતદાન મથકો મહિલા મતદાન તરીકે ફાળવવામાં આવ્યા હતાહ. તેમાં સમગ્ર બુથનુ સંચાલન કરનાર તમામ મહિલા કર્મચારી હતા. અને ૧-શિહોરી રતનપુરામાં વિકલાંગ મતદાન મથકની અલાયદી વ્યવસ્થા કરવામાં આવી હતી. આ વખતે દરેક મતદાન મથકો ઉપર ઠંડાપાણીની વ્યવસ્થા, વિકલાંગો માટે વ્હીલચેર, ગરમીથી રાહત માટે ટેન્ટની સુવિધાઓ આપવામાં આવી હતી. તેમાં કાંકરેજ તાલુકામાં ટોટલ ૩૦૨-બુથો પર કુલ ૧૬૬૦ પોલિંગ કર્મચારીઓ, અંદાજીત ૬૦૪ જેટલા પોલીસ જવાનોના કાફલા સાથે ચુસ્ત પોલીસ બંદોબસ્ત સાથે શાંતીપુર્ણ માહોલમાં મતદાન સંપન્ન થયુ હતુ.