સંત સરોવરના દરવાજા ખુલ્યા ઃ અમદાવાદમાં સાબરમતી નદી હિલોળે ચઢી સાબરમતી બે કાંઠે વહેતા પાટનગરનો કચરો નદીના વહેણ સાથે રિવરફ્રન્ટ તરફ

Published By : B.K.NEWS DAINIK
Published Date : 2020-08-26 12:06:52
Views : 321
Modified Date : 2020-08-26 12:06:52

સરકાર દ્વારા નદીના શુદ્ધિકરણ માટે ચાલી રહેલા અભિયાનમાં ગાંધીનગર મ્યુનિસિપલ કોર્પોરેશનની બેદરકારી પડકાર સમાન બની રહી છે. ગાંધીનગરમાંથી વહેતી સાબરમતી નદીના કિનારે સમગ્ર શહેરનો કચરો એકઠો કરવામાં આવે છે. સાબરમતી નદી બે કાંઠે થવાની રાહ જોતા નાગરિકો માટે આ ડમ્પિંગ સાઈટ ચિંતાજનક બની છે. કારણ કે ધોધમાર વરસાદના કારણે પાણીની સાથે કચરાનો પ્રવાહ પણ નદીના પાણીમાં ભળી જતો હોય છે. ગાંધીનગરમાં સંત સરોવરના દરવાજા ખુલતા જ અમદાવાદમાં સાબરમતી નદી બે કાંઠે હિલોળા લેવા માંડે છે. નદીના આ ધસમસતા નીરની સાથે ડમ્પિંગ સાઈટ પરનો કચરો પણ તણાઈને આવે છે.
પાટનગરના મુક્તિધામ નજીક નદી કિનારે બનેલી ડમ્પિંગ સાઈટ પર કચરાના ઢગલા સતત મોટા થઈ રહ્યા છે. ડમ્પિંગ સાઈટના પ્રદૂષણથી મુક્ત રાખવા માટે કમ્પાઉન્ડ વોલ બનાવવામાં કે કચરાનો વૈજ્ઞાનિક ઢબે નિકાલ કરવામાં મ્યુનિ. ના અધકચરા પ્રયાસોના કારણે ધોધમાર વરસાદના કારણે ભીનો થયેલો કચરો પાણીની સાથે જ પોતાનો રસ્તો પણ શોધી લે છે. જેવી રીતે ચોમાસામાં પર્વતોની વચ્ચે ઝરણા ફૂટતાં હોય છે તેવી રીતે વરસાદના કારણે ભીના થયેલો કચરાની ધારાઓ નદીની વાટ પકડતી હોય છે. ડમ્પિંગ સાઈટ અને નદી વચ્ચેનું અંતર જાણે કે આ ધારાઓ દૂર કરી રહી છે. ગાંધીનગરનું સંત સરોવર ભરાઈ ગયું છે. હવે, સંત સરોવરના દરવાજા ખોલતાની સાથે જ અમદાવાદમાંથી વહેતી સાબરમતી નદી બંને કાંઠે હિલોળા લેશે. નદીના આ પ્રવાહની સાથે ગાંધીનગરની ડમ્પિંગ સાઈટનો કચરો પણ અમદાવાદ શહેરની પરિક્રમા કરતો રિવરફ્રન્ટમાં ભેગો થશે. કોઈ ઔદ્યોગિક એકમ દ્વારા નદીમાં કચરો ઠાલવવામાં આવે ત્યારે સરકાર દ્વારા આકરી કાર્યવાહી થતી હોય છે. જો કે ગાંધીનગર મનપા દ્વારા નદી કિનારે ઠલવાતા કચરાના કારણે થઈ રહેલા પ્રદૂષણ સામે ક્યારેય કાર્યવાહી થતી નથી. સવચ્છ સર્વેક્ષણ દરમિયાન પણ ગાંધીનગર મ્યુનિ. ની આ ક્ષતિ સામે ટકોર થઈ હતી અને કેન્દ્ર સરકારે તાત્કાલિક ડમ્પિંગ સાઈટને નદી કિનારેથી ખસેડવા આદેશ આપ્યો હતો. આ વાતને લાંબો સમય વીતી ગયો છે,
પરંતુ ડમ્પિંગ સાઈટ ખસેડવાની કામગીરી આગળ વધતી નથી. તંત્રમાં ર્નિણયશક્તિના અભાવની સાથે રાજકીય દખલગીરી પણ આ માટે જવાબદાર હોવાનું સૂત્રોએ જણાવ્યું હતું.

Download Our B K News Today App

Related News

Recent Posts

Environment

Women Special

Tweets by BkNewsToday

Follow Us

About us

Head Office (B.K. News)

Quick Links