બનાસડેરીની ચૂંટણીમાં વધુ બે બેઠકો બિનહરીફ શાનદાર જીત તરફ આગળ વધતા શંકરભાઈ ચૌધરી

Published By : B.K.NEWS DAINIK
Published Date : 2020-10-06 11:09:15
Views : 1208
Modified Date : 2020-10-06 11:09:15

બનાસડેરીની ચૂંટણીમાં સોમવારે વધુ બે બેઠકો બિનહરીફ થતાં બિનહરીફ બેઠકોનો સરવાળો ૧૧ થવા
પામ્યો છે. કુલ ૧૬ માંથી ૧૧ બેઠકો બિનહરીફ થતા જિલ્લાના પશુપાલકોમાં આનંદ છવાયો છે. સોમવારેે થરાદ બેઠક પર સાંસદ પરબતભાઇ પટેલ અને ભાભર બેઠક પર સામતભાઈ હેમાભાઇ ચૌધરી સામેના ઉમેદવારોએ પોતાના ઉમેદવારીપત્રો પરત ખેંચતા બંને ઉમેદવારો બિનહરીફ થવા પામેલ છે.
બનાસડેરીના ૧૬ ડિરેક્ટરની ચૂંટણીની પ્રક્રિયા અંતિમ તબક્કામાં છે. પ્રથમ તબ્બકે ડેરીના વર્તમાન ચેરમેન શંકરભાઈ ચૌધરી તરફે સમર્થિત ૯ બેઠકો બિનહરિફ થઈ છે અને હવે વધુ બે બેઠકો બિનહરિફ થતાં શંકરભાઈ ચૌધરી પુન ઃ ચેરમેન પદે નિશ્ચિત છે.
બનાસડેરીનું ટર્ન ઓવર
૪પ૦૦ કરોડથી વધીને ૧ર૦૦૦ કરોડે પહોંચ્યું છે અને આવનાર પાંચ વર્ષમાં તે વધીને રપ૦૦૦ કરોડ પહોંચશે તેવો વિશ્વાસ પશુપાલકોને આપનાર ડેરીના ચેરમેન શંકરભાઈ ચૌધરીના સમર્થનમાં ૯ બેઠકો ઉપર માત્ર એકજ ઉમેદવારીપત્ર ભરાતા આ બેઠકો બિનહરિફ થઈ છે અને થરાદ બેઠક પર સાંસદ પરબતભાઇ પટેલ અને ભાભર બેઠક પર સામતભાઈ હેમાભાઇ ચૌધરી સામેના ઉમેદવારોએ ઉમેદવારીપત્ર પાછુ ખેચી આ બે બેઠકો પણ બિનહરિફ થઈ છે.
પેનલો બનાવીને ચૂંટણી લડવાની અટકળો ચલાવનારાઓને ઉમેદવારો
પણ ન મળતાં ચૂંટણી એક તરફી બની ગઈ છે. અને પેનલ બનાવવાની વાતો હવામાં જ ઓગળી ગઈ છે. શંકરભાઈ ચૌધરી પુન ઃ ડેરીના સુકાની બનશે તેવું નિશ્ચિત છે. બનાસડેરી સાથે સંકળાયેલા
પશુપાલકોને ઉચ્ચત્તમ વળતર મળે તે માટે શંકરભાઈ ચૌધરી જણાવ્યું હતું કે, આવનારા સમયમાં જમીણ વિહોણા લોકો ઈચ્છે તો પશુપાલક થઈ શકશે. તેના માટે ઘર આગળ જ હાઈડ્રોપોનિક સિસ્ટમ લગાવીને તેમાં ઘાસચારો મેળવી શકશે. જેના માટેનું ટ્રાયલ બનાસડેરી દ્વારા શરૂ કરી દેવામાં આવ્યું છે. અને તેના
પરિણામ પણ સારા મળી રહ્યા છે. આમ દૂધ, દૂધના વ્યવસાય સાથે બટાટા, મધ, ગોબર, ટીએચઆર ઓઈલ જેવા અનેક ઉદ્યોગો શરૂ કરીને જિલ્લાના
પશુપાલકોને વધુ નફો મળે તેવા પ્રયાસો કર્યા છે.
ઉલ્લેખનીય છે કે શરૂઆતના તબક્કે બહુ ગાજેલી બનાસડેરીની ચૂંટણીમાં ચેરમેન શંકરભાઈ ચૌધરીના પ્રયાસોથી એક પછી એક ૧૧ જેટલી બેઠકો બિનહરીફ થતાં ચૂંટણીમાં આવેલો ગરમાવો શાંત થઇ ગયો છે.
પ્રથમ તબ્બકે બિનહરીફ ઉમેદવારો
રાધનપુર – શંકરભાઈ ચૌધરી
સાંતલપુર - રાઘાભાઈ આયર
સુઈગામ - મુળજીભાઈ પટેલ
ધાનેરા - જોઈતાભાઈ પટેલ
દાંતીવાડા - પરથીભાઈ જે. ચૌધરી
અમીરગઢ - ભાવાજી રબારી
વાવ - રાયમલભાઈ કે. ચૌધરી
દાંતા - દિલીપસિંહ બારડ
લાખણી - ધુડાભાઇ ઉ. ચૌધરી