દાંતા પોલીસ મથકમાં ફેવીકોલની જેમ ચીપકેલા જમાદારની બદલી સુઈગામ કરાય તેવી માંગ

Published By : B.K.NEWS DAINIK
Published Date : 2019-04-13 06:07:20
Views : 518
Modified Date : 2019-04-13 06:07:20

એક તરફ ગુજરાત સરકાર પારદર્શી વહીવટની વાત કરી રહી છે તો બીજી તરફ દિવા તળે અંધારું જોવા મળી રહ્યું છે. આવો જ એક કિસ્સો સરહદી દાંતા તાલુકામાં જોવા મળ્યો છે.
બનાસકાંઠાના સૌથી
પછાત તાલુકો દાંતા પોલીસ મથકમાં વર્ષોથી અડિંગો જમાવી બેઠેલા ચંદનસિંહ વાઘેલા દાંતા પોલીસ મથકમાં નોકરી કરી લાખો રૂપિયાની સંપત્તિ બનાવી કાઢી છે તેવી ચર્ચાઓએ જોર પકડયું છે. ત્યારે દાંતાના કેટલાક જાગૃત નાગરિક દ્વારા એસીબીમાં ફરિયાદ કરવાના ચક્રો ગતિમાન થયા છે. દાંતા ત્રિશુળીયા ઘાટીથી મુમનવાસ સુધી પોતાનો વહીવટ કરવાના કારણે લોકો તેના ત્રાસથી હેરાન થયા છે. દાંતાના લોકોમાં ચાલતી ચર્ચા મુજબ આ ચંદનસિંહ બોલવામાં ગંદી ભાષાનો ઉપયોગ કરે છે અને ડીએસપી કરતા વધારે પાવર રાખે છે અને દાંતાના એક મોટા પરિવારની ચમચાગીરી કરી વારંવાર બદલી કરી દાંતા પોલીસ મથકમાં આવી જાય છે. તે પણ મોટા ભાગે ટ્રાફિકની કામગીરી કરી મોટો વહીવટ કરે છે. તેને પોતાના હાથ નીચે કેટલાય ફોલ્ડરીયા રાખી અંબાજી માર્ગ - હડાદ માર્ગ- સતલાસણા માર્ગ અને પાલનપુર માર્ગ તરફ પોતાનું શાસન સ્થાપ્યું છે અને વારંવાર આ ચંદનસિંહ પર આરોપ લાગ્યા છે કે તે દારૂની ગાડીઓ પાર કરાવવાની કામગીરી કરે છે. જો કોઈ તેના વિરુદ્ધ ડી.એસ.પી. ઓફિસ ફરિયાદ કરે તો ડી.એસ.પી. ઓફિસના કેટલાક કર્મચારીઓ તેની આ ફરિયાદ પોલીસ વડા સુધી જવા દેતા નથી અને અરજી કરનારનું નામ ચંદનસિંહ સુધી આવી જાય છે. તેને
શામ - દામ અને દંડથી પતાવટ કરી દેવાના કિસ્સાઓ ભૂતકાળમાં બનેલા છે.
તાજેતરમાં વહેતી થયેલી વાતો મુજબ આ ચંદનસિંહ રાવણ ટેકરી આસપાસ
પોતાની કામગીરીના બહાને
પીકઅપ ડાલુ અને સેન્ટ્રો ગાડી કાળા કાચ વાળી રાખી અમુક ચોક્કસ નંબરની ગાડીઓ દાંતાની હદ પાર કરવાની કામગીરી કરે છે તાજેતરમાં વાયરલ થયેલા ફોટોમાં આ ચંદનસિંહ સાથે ખાનગી ફોલ્ડરીયા કાનજી પોલીસ જેવી કામગીરી સાદા કપડાં માં કરી, અને દાંતા ટ્રાફિકનો વહીવટ કરી પાલનપુર સુધી હપ્તાઓ આપી રહ્યો છે. કેટલાંક મોટા માથાને સાચવી ભ્રષ્ટ્રાચાર કરી રહ્યો છે તેવી લોક ચર્ચા ઉભી થઇ છે. થોડા મહિનાઓ
પહેલા એક એક્ટિવિસ્ટ દ્વારા માહિતી માંગવામાં આવતા તેને મોટી રકમ આપી આર.ટી.આઈ. પરત ખેચાડવામાં આવી હતી. આમ વર્ષોથી દાંતા પોલીસ મથકમાં મલાઈ ચાટતો ચંદનસિંહ વિરુદ્ધ અંબાજી દાંતા તાલુકા પત્રકાર સંઘ તરફથી ગૃહ મંત્રી, જિલ્લા પોલીસ વડા અને ચૂંટણી અધિકારીને કાયદેસર ફરિયાદ કરવામાં આવશે.
દાંતા રાવણ ટેકરી પોલીસ પોઇન્ટ પર સીસીટીવી કેમેરા લગાવવામાં આવે અને કેમેરા ની હાજરી માં ચેકીંગ કરવામાં આવે તેવી માંગ દાંતા ની જનતા કરી રહી છે , અહીં ખાનગી ફોલ્ડરીયાઓ પોલીસ સાથે મળી નિર્દોષ ગાડીઓ વાળાઓને હેરાન કરે છે અને કોઈ દારૂ પીધેલી હાલત માં કે શંકાસ્પદ માણસ લાગે તો અહીં બેઠેલા કેટલાક લોકો તેને કેસ કરવો પડશે તેમ કહી દાંતા પોલીસ મથક આગળ આવેલા એક ઝાડ નીચે ઉભા રાખી વહીવટ કરી કેસ કર્યા વગર જવા દે છે તેવી ચર્ચાઓ હાલમાં દાંતામાં સાંભળવા મળી રહી છે. દાંતાના એક મોટા પરિવારના વકીલ સાથે અસભ્યતાથી વર્તન કરતા થોડા વર્ષો પહેલા તેની અંબાજી મંદિરની સધન સુરક્ષામાં બદલી કરવામાં આવી હતી. ત્યારબાદ ફરીથી આ ચંદનસિંહે દાંતા ખાતે બદલી કરાવી હતી અને હજી સુધી દાંતા પોલીસ મથકમાં જ નોકરી કરે છે. કલેક્ટર બદલાય - ડીએસપી બદલાય - વહીવટી કર્મચારી બદલાય પણ ગુજરાતમાં એક એવો જમાદાર છે જે વર્ષોથી દાંતા પોલીસ માં પોતાના ખાનગી માણસો રાખતો હોવા છતા ગુજરાત પોલીસ તેની ઉપર કાયદેસર પગલાં ભરતી નથી.
અંબાજીના આરટીઆઈ એÂક્ટવિસ્ટ અમિત પટેલ દ્વારા ચંદનસિંહ જમાદારની કાયદેસર ફરિયાદ ચૂંટણી વિભાગને કરવામાં આવી છે અને આવનારા દિવસોમાં ગુજરાત એસીબી વિભાગમાં પણ કાયદેસર ફરિયાદ કરવામાં આવશે. પોલીસ વિભાગમાં ચાલતી પોલંપોલ વિષે ગૃહમંત્રીને પણ રૂબરૂ રજૂઆત કરવામાં આવશે.