દાંતા નજીક આવેલ માનપુરના જગલમાં આગ ફોરેસ્ટ વિભાગની ટિમ પણ ઘટના સ્થળે દોડી આવી

Published By : B.K.NEWS DAINIK
Published Date : 2020-05-22 15:34:05
Views : 543
Modified Date : 2020-05-22 15:34:05

બનાસકાંઠા જિલ્લામાં કોરોના વાયરસ વચ્ચે દાંતાના જગલોમાં આગ લાગતા સ્થાનિક લોકોમાં ભયનો માહોલ છવાયો હતો. હાલમાં સમગ્ર ભારતભરમાં કોરોના વાયરસની મહામારી ચાલી રહી છે ત્યારે કોરોના વાયરસની આ મહામારી વચ્ચે બનાસકાંઠા જિલ્લાના દાંતા ખાતે આવેલ માનપુરના પહાડમાં ભીષણ આગ લાગી હતી. આ આગ એટલી ભયંકર હતી કે આગ એક કિલોમીટર સુધી ફેલાઈ હતી. આગ લાગતાની સાથે જ આજુબાજુના સ્થાનિક લોકોમાં દોડધામ મચી ગઈ હતી અને તાત્કાલિક આજુબાજુના લોકોએ ફોરેસ્ટ વિભાગમાં જાણ કરતા જ ફોરેસ્ટ વિભાગની ટિમ પણ ઘટના સ્થળે દોડી આવી હતી અને આ આગને કાબુમાં મેળવવા માટેના પ્રયાસો હાથ ધર્યા હતા. ફોરેસ્ટ વિભાગ દ્વારા આ આગ ક્યાં કારણોથી લાગી છે તે પણ તપાસ હાથ ધરી છે. આ આગ એટલી ભયંકર હતી કે આજુબાજુના સ્થાનિક લોકોમાં ભયનો માહોલ છવાયો હતો. બીજી તરફ આગ લાગતા જનજતુંઓને નુકશાન થવાની શક્યતાઓ લોકમુખે ચર્ચાઈ રહી છે.