અમદાવાદના નારણપુરામાં બનશે આંતરરાષ્ટ્રીય કક્ષાનું સ્પોર્ટ્સ કોમ્પ્લેક્ષ, કેન્દ્રીય ગૃહમંત્રી અમિત શાહ કરશે ભૂમિપૂજન

Published By : B.K.NEWS DAINIK
Published Date : 2022-05-24 11:26:08
Views : 233
Modified Date : 2022-05-24 11:26:08

અમદાવાદમાં ઠેર ઠેર વિકાસના કાર્યો થઇ રહ્યા છે. ક્યાંક મલ્ટીલેવલ પાર્કિંગ તો ક્યાંક ઓવરબ્રિજ તો ક્યાંક મેટ્રોરેલની કામગીરી ચાલી રહી છે. આમ અમદાવાદની ઓળખ મેટ્રોસિટી અને સ્માર્ટ સિટી તરીકેની થઇ રહી છે. ત્યારે આવનારા દિવસોમાં સ્પોર્ટ્સ સિટી કહેવાય તો તેમાં કંઇ ખોટું નહી કારણ કે અમદાવાદમાં બનવા જઇ રહ્યું છે આંતરરાષ્ટ્રીય સ્પોર્ટ્સ કોમ્પ્લેક્ષ.

અમિત શાહના હસ્તે ભૂમિપૂજન

જી, હા અમદાવાદના નારણપુરામાં આંતરરાષ્ટ્રીય કક્ષાનું સ્પોર્ટ્સ કોમ્પ્લેક્ષ બનશે. નારણપુરાના વરદાન ટાવરની બાજુમાં સ્પોર્ટ્સ કોમ્પ્લેક્ષ માટે જમીનની ફાળવણી કરવામાં આવી છે. જેના ભૂમિપૂજન માટે અમિત શાહ 29મેના રોજ અમદાવાદ આવશે. ભૂમિપૂજન કાર્યક્રમને લઇને તમામ તૈયારીઓ શરુ કરી દેવામાં આવી છે. વિશાળ ડોમ બાંધવામાં આવ્યો છે, લોકો બેસી શકે તેવી વ્યવસ્થા કરવામાં આવી છે. અમિત શાહ જાહેર જનતાને સંબોધન પણ કરવાના છે.

આ સ્પોર્ટસ કોમ્પલેક્ષ વરદાન ટાવર પાસે અંદાજીત 82,507 ચોમી ક્ષેત્રફળવાળા પ્લોટમાં વિકસાવવામાં આવશે. અંદાજિત 284 કરોડના ખર્ચે આ પ્રોજેક્ટ છે તે પાર પાડવાની શક્યતાઓ દર્શાવી છે. આ માટે એએમસી સૌથી વધુ કિંમતની 600થી 700 કરોડની જમીન આ પ્રોજેક્ટ માટે ફાળવશે. ભૂમિપૂજન બાદ કામગીરી શરુ કરવામાં આવશે. મહત્વનું છે કે તૈયારીઓને લઇને થોડા દિવસ પહેલા જ ગૃહરાજ્યમંત્રી હર્ષ સંઘવીએ મુલાકાત કરી હતી.

સ્પોર્ટ્સ કોમ્પ્લેક્ષમાં કેવી હશે સુવિધા

એક્વાટિક કોમ્પ્લેક્ષ

જેમાં સ્વિમિંગ પુલની સાઇઝ FINA એપ્રુવ્ડ રાખવામાં આવેલી છે. જેની પ્રેક્ષક ગેલરી 1500ની ક્ષમતાની હશે.

ફીટ ઈન્ડિયા ઝોન

સિનિયર સીટીઝન માટે સીટિંગ એરિયા પણ હશે. આ ઉપરાંત સ્કેટીંગ રીંગ , કબડ્ડી , ખો - ખો ગ્રાઉન્ડ , ચીલ્ડ્રન ઝોન અને જોગીંગ ટ્રેકનો સમાવેશ કરવામાં આવેલ

આઉટ ડોર સ્પોર્ટસ

6 ટેનિસ કોર્ટ , 1 બાસ્કેટબોલ , 1 વોલીબોલ કોર્ટનો સમાવેશ થાય છે.

આ સ્પોર્ટસ કોમ્પેલક્ષમા 800 ટુ વ્હિલર અને 850 ફોર વ્હિલરના પાર્કિંગની હશે વ્યવસ્થા.

ઈન્ડોર મલ્ટી સ્પોટર્સ અરેના

80 મીટર × 40 મીટર સાઈઝના વિશાળ હોલમાં વિવિધ આંતરરાષ્ટ્રીય કક્ષાની ઈવેન્ટ કરવામાં આવશે .

કુલ 16 બેડમીન્ટન કોર્ટ , 04 બાસ્કેટબોલ કોર્ટ , 04 વોલીબોલ કોર્ટ અને 04 જીમ્નેસ્ટીક મેટ હશે.

આ ઉપરાંત તેમાં ટેકવાન્ડો કુસ્તી અને ટેબલ ટેનિસ માટે ટ્રેનિંગના હેતુ માટે મલ્ટી પર્પઝ હોલની પણ સુવિધા હશે.

જેમાં એક સાથે 5200 પ્રેક્ષકો મેચ નિહાળી શકે તે મુજબનું આયોજન કરવામાં આવેલું છે.

આ ઉપરાંત વોર્મ - અપ એરીયા , ખેલાડીઓ , જજીસ , કોચ , રેફરી અને વી.આઈ.પી. માટે લોન્જ એરીયા , સેન્ટ્રલ એડમીન ઓફીસ , સ્પોટર્સ ફેડ્રેશન માટેનો રૂમ , ડોપીંગ એરીયા , મેડીકલ સર્વિસ સ્ટેશન , મીડીયા રૂમ , કોલ રૂમ , તદ્દઉપરાંત મીડીયા અને અન્ય ટેકનીકલ , ઓપરેશન સુવિધા માટેના રૂમની વ્યવસ્થા કરવામાં આવેલ છે .

સેન્ટર ફોર સ્પોર્ટસ એકસેલન્સ

આ સેન્ટર ફોર સ્પોર્ટ્સ એકસેલન્સમાં 42 મી . × 24 મી . ના મુખ્ય 2 હોલ કે જેમાં 02 બાસ્કેટ બોલ કોર્ટ, વોલીબોલ કોર્ટ અથવા બેડમીન્ટન કોર્ટ તરીકે એક જ સમયે વપરાશ થઇ શકશે .

આ હોલ એવી રીતે ડીઝાઇન કરેલ છે કે ઉપરોકત જણાવેલ રમતોની આંતરરાષ્ટ્રીય કક્ષાની સ્પર્ધા યોજી શકાશે .

આ સેન્ટરના મલ્ટી સ્પોર્ટસ હોલમાં ૦૪ કબડડી કોર્ટ અથવા ૦૪ રેસલીંગ અથવા ૧૨ ટેબલટેનીસ મેચ એક જ સમયે યોજી શકાશે . આ કોમ્પલેક્ષમાં ખેલાડીઓ માટે લોન્જ સાથેનું 01 સ્પોર્ટસ સાયન્સ અને ફીટનેસ સેન્ટર , ચેન્જ રૂમ , લોકર્સ , ઇક્વીપમેન્ટ સ્ટોર , મેડીકલ સર્વિસ સ્ટેશન , ઓડીયો - વિડીયો ફેસીલીટી સાથેનો ટ્રેનિંગ રૂમ , વહીવટી ઓફીસ બનાવવામાં આવનાર છે . વધુમાં આ સેન્ટરમાં કોચ માટે 08 ડબલરૂમ , ખેલાડીઓ માટેના 89 ટ્રીપલ બેડ રૂમ તેમજ 150 કોર્પોરેટ માટેના ડાઇનીંગ હોલનો સમાવેશ કરેલ છે .