બંને દેશોએ DGMO લેવલની વાતચીતમાં LoCની ચર્ચા કરી, જૂની સમજુતીઓ પર ફરી અમલની સહમતી.

Published By : B.K.NEWS DAINIK
Published Date : 2021-02-25 14:03:22
Views : 276
Modified Date : 2021-02-25 14:03:22

લાંબા સમય પછી ફરી એક વાર ભારત-પાકિસ્તાનના સંબંધ સુધારવાની મથામણ શરૂ થઈ છે. બુધવારે બંને દેશોના ડિરેક્ટર જનરલ ઓફ મિલિટ્રી ઓપરેશન્સ (DGMO)ની બેઠક થઈ હતી. તેમાં નક્કી થયું કે, આજે એટલે કે 24-25ની રાતથી તે દરેક જૂની સમજુતીઓને ફરી અમલમાં મુકવામાં આવશે જે જુદા-જુદા સમયે બનાવવામાં આવી હતી.હોટલાઈન પર વાતચીત દરમિયાન સીઝફાયર ઉલ્લંઘન, યુદ્ધવિરામ, કાશ્મીર મુદ્દા સહિત ઘણી સમજૂતીઓ પર ચર્ચા કરવામાં આવી હતી. બંને દેશોએ લાઈન ઓફ કંટ્રોલ (LoC)ની સ્થિતિ વિશે સમીક્ષા કરી હતી. ત્યારપછી ભારત-પાકિસ્તાને જોઈન્ટ સ્ટેટમેન્ટ પણ જાહેર કર્યું હતું.

1. હોટલાઈન કોન્ટેક્ટ મિકેનિઝમ તૈયાર કરવામાં આવશે. જેની મદદથી બંને દેશો વચ્ચે સમયાંતરે વાતચીત થતી રહેશે.
2. સીઝ ફાયર ઉલ્લંઘન, ફાયરિંગ, ઘુસણખોરી સહિત અન્ય મુદ્દાઓનો વાતચીત દ્વારા ઉકેલ લાવવામાં આવશે.
3. નિયમિત ફ્લેગ મીટિંગ ફરી શરૂ કરવામાં આવશે. તેના દ્વારા બંને દેશો વચ્ચેની ગેરસમજ દૂર કરવામાં આવશે.

ઈન્ડિયન આર્મીએ કહ્યું કે, બંને દેશોની હોટલાઈન પર વાતચીત દરમિયાન જમ્મુ-કાશ્મીરમાં આતંકીઓ વિરુદ્ધ ચલાવવામાં આવતુ અભિયાન પહેલાંની જેમ જ ચાલુ રાખવામાં આવશે. તેમાં કોઈ પણ પ્રકારની છૂટ આપવામાં આવશે નહીં. LACથી ઘુસણખોરી રોકવા માટે ઓપરેશન્સ ચાલુ જ રાખવામાં આવશે.

નવેમ્બર 2003માં ભારત અને પાકિસ્તાનની સરકારે LoC પર સીઝફાયર એગ્રીમેન્ટ કર્યું હતું. તે પ્રમાણે બંને દેશની સેના એકબીજા પર ગોળી બાર નહીં કરે. ત્રણ વર્ષ સુધી એટલે કે 2006 સુધી બંને તરફથી આ સમજૂતી માન્ય રાખવામાં આવી હતી. પરંતુ ત્યારપછીથી પાકિસ્તાને સતત સીઝફાયરનું ઉલ્લંઘન કર્યું હતું. તેની આડમાં LoC નજીક બનાવવામાં આવેલા આતંકી લોન્ચપેડ્સમાં ઘૂસણખોરી કરવામાં આવી અને પાકિસ્સાની સેનાએ તેમાં મદદ પણ કરી હતી.

સીઝફાયર તોડવાના મામલે પાકિસ્તાને 2020માં છેલ્લા 17 વર્ષનો રેકોર્ડ તોડી નાખ્યો છે. આ વર્ષે પાકિસ્તાન તરફથી 4100 વખત સીઝફાયર તોડવામાં આવ્યું છે. નવેમ્બરમાં 128 વખત, જ્યારે ઓક્ટોબરમાં 394 વખત સીઝફાયરનું ઉલ્લંઘન કરવામાં આવ્યું છે. વર્ષ 2020માં સીઝફાયરમાં જમ્મુ-કાશ્મીરમાં 21 લોકોના મોત થયા છે, જ્યારે 70થીવધારે લોકો ઘાયલ થયા છે. 2019માં 3233 વખત સીઝફાયરનું ઉલ્લંઘન કરાયું છે. 2015માં 405 વાર અને તે પેલાં 2014માં 583 સીઝફાયર તોડવામાં આવ્યું છે.