વડોદરામાં શરદ પૂનમે દારૂની બોટલની વેશભૂષામાં ગરબે ઘૂમ્યો યુવક

Published By : B.K.NEWS DAINIK
Published Date : 2024-10-18 18:25:35
Views : 237
Modified Date : 2024-10-18 18:25:35

શરદપૂર્ણિમા નિમિત્તે બુધવારે વડોદરા શહેરના વિવિધ વિસ્તારોમાં નવરાત્રિનું આયોજન કરવામાં આવ્યું હતું. જેમાં રાજમહેલ રોડ સ્થિત ગરબા મહોત્સવમાં એક યુવક વિદેશી દારૂની બોટલની વેશભૂષા કરી ગરબે ઘૂમતો જાેવા હતો. જેનો વીડિયો આજે વાયરલ થતાં ગરબાના ખેલૈયાઓમાં ચર્ચાનો વિષય બન્યો છે. આ સાથે લોકો ગરબા આયોજકો સામે પણ ફિટકાર વરસાવી રહ્યા છે. શરદ પૂર્ણિમાની ઉજવણી નિમિત્તે વડોદરાના રાજમહેલ રોડ જૂની કાછિયા પોળ કોઠી ફળિયા યુવક મંડળ દ્વારા ગરબાનું આયોજન કરવામાં આવ્યું હતું. જેમાં કેટલાક લોકો વિવિધ વેશભૂષામાં આવ્યા હતા, પરંતુ તેમાં એક યુવાન વ્હિસ્કીની બોટલ બનીને ગરબે ઘૂમતો જાેવા મળ્યો.. સમગ્ર મામલે વીડિયો વાઈરલ થતા હોબાળો મચ્યો. લોકોએ ગરબા આયોજકો પર રોષ ઠાલવ્યો. જેથી આયોજકોએ પોતાનો બચાવ કરવા મેદાનમાં આવ્યા અને દાવો કર્યો કે યુવકને જાેઈને કેટલાક લોકોએ વાંધો ઉઠાવ્યો હતો. જાે કે બાદમાં તેને ગરબામાંથી બહાર નીકાળી દેવાયો હતો. નવરાત્રિ કે શરદ પૂનમે ગરબાની સાથે મોટા ભાગે વિવિધ વેશભૂષા, નાટક સહિતના કાર્યક્રમો યોજાતા હોય છે. જાે કે વડોદરામાં જે કંઈ થયું, તે તો હદ પાર થઈ કહેવાય. એક તરફ રાજ્યમાં દારૂબંદી છે અને છતાં આ યુવકે ગરબામાં જાણે રીતસર દારૂને પ્રોત્સાહન આપ્યું. આ દરમિયાન તેને ગરબા આયોજકો એ કે બીજા લોકોએ રોક્યો કેમ નહીં, એ પણ એક સવાલ છે. ગણેશોત્સવ કે નવરાત્રિમાં લોકો સમાજમાં જાગૃતિ ફેલાય તેવા સંદેશ આપવા માટે અવનવા નુસખા અપનાવે છે. જ્યારે આ યુવકે દારૂની જાહેરાત કરતા માતાજીના ગરબામાં શ્રદ્ધા ધરાવતા લોકો ભડક્યા હતા.