વડોદરામાં રિલ્સ બનાવવાની ઘેલછામાં નબીરાઓએ રસ્તા પર કર્યા જોખમી સ્ટંટ.

Published By : B.K.NEWS DAINIK
Published Date : 2023-08-18 16:50:13
Views : 93
Modified Date : 2023-08-18 16:50:13

જીવ જોખમમાં મૂકી રિલ્સ બનાવી ફેસમ થવાનું જાણે હવે સામાન્ય બની ગયું હોય તેવું લાગી રહ્યું છે. દરરોજ અનેક જોખમી રીતે સ્ટંટ કરતા વાયરલ વીડિયો સામે આવે છે. ત્યારે વડોદરામાં ફરી આવો જ એક વીડિયો સામે આવ્યો છે. પ્રથમ દ્રશ્યોમાં જોઈ શકાય છે કે નબીરાઓએ પોતાનો જીવ તો જોખમમાં મૂક્યો જ, સાથે સાથે અન્ય વાહનચાલકોનો જીવ પણ જોખમમાં મૂક્યો છે.સ્વતંત્રતા દિવસના રોજ 5થી 6 કાર ચાલકોએ રિંગ રોડ પર જોખમી સ્ટંટ કર્યાં હતા. નબીરાઓએ જોખમી રીતે વાહનોને ઓવરટેક કર્યા હતા. તેમજ કારની બહાર નીકળી સીનસપાટા કર્યા હતા. રીલ્સની ઘેલછામાં રોડ પર જોખમી સ્ટંટ કરનારા પોલીસના સકંજામાં આવી ગયા છે. તો પોલીસે ex.MLAનું લખાણ લખેલી એક કારને પણ કબ્જે કરી છે.અને બાપોદ પોલીસે રફતારબાજો સામે IPC 279, 184 કલમ મુજબ ગુનો દાખલ કર્યો છે. પોલીસે 5 લોકોની અટકાયત કરી જેમાં 3 સગીરનો પણ સમાવેશ છે. પોલીસે જપ્ત કરેલી કારમાં ex.MLAનાં લખાણ મુદ્દે જણાવ્યું કે આ પ્લેટ માત્ર સ્ટેટસ ઉભું કરવા ખોટી રીતે લગાવાઈ હતી.