દોલતપુરા ગામે સમાજના અગ્રણીઓ દસ વર્ષથી ત્રાસ આપતા હોઇ સ્યુસાઈડ નોટ લખી યુવકની કેનાલમાં લગાવી મોતની છલાંગ

Published By : B.K.NEWS DAINIK
Published Date : 2021-10-06 12:32:50
Views : 2302
Modified Date : 2021-10-06 12:32:50

થરાદના દોલતપુરા ગામના યુવકે નર્મદા કેનાલમાં તરવૈયાની સામે જ દમ તોડ્યો થરાદ તાલુકાના દોલતપુરા ગામના યુવકે સમાજના લોકો છેલ્લા દસ વર્ષથી હેરાન કરતાં હોવાની સ્યુસાઈડ નોટ લખી નર્મદા કેનાલમાં આપઘાત કર્યો હતો . સ્યુસાઈડમાં યુવકે એવા પણ આક્ષેપો કર્યા છે કે , થરાદ પોલીસમથકે ઉપરોક્ત શખસો સામે 9 માર્ચ 2013 ના રોજ થરાદ પોલીસ મથકમાં અરજીઓ પણ આપવામાં આવી હતી . પરંતુ પોલીસે કોઇ કાર્યવાહી કરી ન હતી . નગર પાલિકાના તરવૈયા સુલતાન મીર અને તેમની ટીમ કેનાલમાં પાણીની મોટર અંગેની કામગીરી કરી રહ્યા હતા . આ વખતે દોલતપુરા ગામનો નટવરભાઈ જગસીભાઈ પંડ્યા દોડતો દોડતો તેમની નજર સામે જ વાવ હાઈવે પર આસારામ આશ્રમ સામેના પૂલ નીચે કેનાલમાં પડ્યો હતો . જે તેમણે જોઈ લેતાં તેને બચાવવા માટે દોડ્યા હતા . પરંતુ ત્યાં સુધીમાં ડુબી જતાં બચાવી શકાયો ન હતો . પંદરેક મિનિટમાં જ તેનો મૃતદેહ શોધી કાઢ્યો હતો . બપોરે અઢી વાગ્યા સુધી તેનો મૃતદેહ કેનાલ ઉપર જ પડી રહ્યો હતો . આ અંગે પરિવારને જાણ કરાઈ હતી . ન સ્યુસાઈડ નોટ : મારો દસ વરસથી વિરોધ કરે છે પંડ્યા અંબારામભાઈ જગસીભાઈ , ધર્મીબેન અંબારામભાઈ , હેમંતભાઈ અંબારામભાઈ , નથાભાઈ જગસીભાઈ , શાંતાબેન નથાભાઇ તથા પ્રકાશભાઈ નાથાભાઈના ઉપર જે નામની યાદી બનાવી તે મારો દસ વર્ષથી વિરોધ કરે છે . એ મારા દુશમન માનો , 10 વર્ષ પહેલા મને મારા ઘરે આવીને માર મારી પલોટેથી નથાભાઇના ઘર સુધી મને મારતા આવ્યા હતા . સેંગલ રમેશભાઇ તથા ભાઇના પડોશી છે . તે આવ્યા એટલે મને પકડેલ હતો તે છોડાવ્યો એટલે હું રાત્રે 9 વાગ્યે બહાર દોડી ગયો . આજસુધી મારો વિરોધ કરે છે . આ બાબતે અરજી પોલીસ સ્ટેશને આપી હતી . અરજી માટે કયાંય કામ ની આવેલ . મારા ભાઇઓ મને એમ કહે છે.થરાદ , પાલનપુર કે ગાંધીનગર સુધી અને કોઇ પોલીસ ધમકી પણ ન આપી શકે . એટલી અમારામાં તાકાત છે . ને શુક્રવારની મારી છોકરીને તેમને ઘેર લઇ ગયેલ છે . અત્યારે એમને ઘેર છે.જનતા હાઇસ્કુલે આવીને છોકરીને તેડી જવાનું કહેતા મારા દોલતપુરા ગામના વ્યકિતને પુછી લેવાનું કે પંડ્યા નટવરભાઇ કેટલા વર્ષથી ઘેર આવ્યા નથી.