બનાસકાંઠા જિલ્લામાં મગફળીની ટેકાના ભાવે ખરીદી શરૂ થઈ ચૂકી છે. ટેકાના ભાવે ખરીદી નો આજે બીજો દિવસ હોવા છતાં હજુ સુધી એક પણ ખેડૂત મગફળી કેન્દ્ર પર પોતાની મગફળી વેચવા માટે આવ્યો નથી

Published By : B.K.NEWS DAINIK
Published Date : 2021-11-11 12:58:59
Views : 277
Modified Date : 2021-11-11 12:58:59

સરકાર દ્વારા ખેડૂતોને પોષણક્ષમ ભાવ મળી રહે તે માટે ટેકાના ભાવ ની જાહેરાત કરવામાં આવે છે. છેલ્લા કેટલાક સમયથી સરકાર દ્વારા ચોમાસુ મગફળી ના ટેકાના ભાવ જાહેર કરવામાં આવે છે.અને ખેડૂતો ટેકાના ભાવે મગફળી નું વેચાણ કરી પોષણક્ષમ ભાવો મળતા હોય છે. પરંતુ આ વર્ષની વાત કરવામાં આવે તો આ વર્ષે ખેડૂતો ટેકાના ભાવે મગફળી વેચવાનું ટાળી રહ્યા છે. બનાસકાંઠા જિલ્લામાં પણ લાભપાંચમથી મગફળીની ટેકાના ભાવે ખરીદી કરવાની શરૂઆત થઇ ચૂકી છે અને આજે ટેકાના ભાવે મગફળી ખરીદવાનો બીજો દિવસ હોવા છતાં હજુ સુધી એક પણ ખેડૂત મગફળી કેન્દ્ર ઉપર પોતાની વેચાણ કરવા માટે આવ્યો નથી. આ વર્ષે મગફળી ખરીદવા માટેની કામગીરી રાજ્ય અન્ન નાગરિક પુરવઠા નિગમને સોંપવામાં આવી છે. ડીસામાં આ કામગીરી છેલ્લા બે દિવસથી ચાલી રહી છે પરંતુ હજુ સુધી એક પણ ખેડૂત પોતાની મગફળી ટેકાના ભાવે વેચાણ કરવા માટે કેન્દ્ર પર પહોંચ્યો નથી. મગફળીની ટેકાના ભાવે ખરીદી કરી રહેલા અધિકારીઓ દ્વારા ૫૦થી વધુ ખેડૂતોને એસએમએસ દ્વારા જાણ કરવામાં આવી હોવા છતાં હજુ સુધી મગફળી કેન્દ્ર પર એક પણ ખેડૂત મગફળીના વેચાણ માટે આવ્યો નથી. આ બાબતે અમે જ્યારે તપાસ કરી ત્યારે જાણવા મળ્યું કે આ વર્ષે ખુલ્લા બજારમાં મગફળીના ભાવો ખૂબ જ સારા છે. અને ટેકાના ભાવ કરતાં પણ વધુ ભાવ મળતા હોવાથી ખેડૂતો પોતાની મગફળી ખુલ્લા બજારમાં વેચી રહ્યા છે અને તેના કારણે ટેકાના ભાવે મગફળી વેચવાનું ટાળી રહ્યા છે.

બનાસકાંઠા જિલ્લામાં પ્રથમ વાર એવું જોવા મળ્યું છે કે ખેડૂતો સરકાર દ્વારા નક્કી કરવામાં આવેલા ટેકાના ભાવે પણ વેચાણ કરવાનું ટાળી રહ્યા છે. અને તેનું મુખ્ય કારણ એ છે કે સરકાર દ્વારા જે ભાવ નક્કી કરવામાં આવ્યા છે તે મગફળીના પ્રતિમણ અગિયારસો અને પાંચ રૂપિયા નક્કી કરવામાં આવે છે ત્યારે ખેડૂતોને ખુલ્લા બજારમાં 1200થી 1300 રૂપિયા નો ભાવ મળતો હોવાના કારણે ખેડૂતો ખુલ્લા બજારમાં મગફળીનું વેચાણ કરવા માટે પ્રેરાઈ રહ્યા છે.

Download Our B K News Today App

Related News

Recent Posts

Environment

Women Special

Tweets by BkNewsToday

Follow Us

About us

Head Office (B.K. News)

Quick Links