પાટનગરમાં ઢોરના વધતા જતા ત્રાસથી નાગરિકો ત્રાહિમામ

Published By : B.K.NEWS DAINIK
Published Date : 2021-08-05 12:42:11
Views : 285
Modified Date : 2021-08-05 12:42:11

ગાંધીનગર શહેરમાં વિકટમા વિકટ મોટો પ્રશ્ન શહેરમાં રખડતાં ઢોર ગાયોનો છે. શહેરના તમામ સેકટરમાં રોજ સવાર-સાંજ રખડતી ગાયો મળે છે. રાત્રી દરમ્યાન સેકટરમાં કોમન અક્ષ્ચોક અને શહેરના જાહેર રોડ આંતરિક રસ્તા વચ્ચે ગાયો ઉભી અથવા રખડતી હોય છે જેને કારણે અવરજવર કરતા નાગરિકોને જીવલેણ અકસ્માત થયા છે. આ કામગીરીમાં મહાનગરપાલિકા ઉણુ ઉતાર્યું છે. નવા કમિશનર અને વહિવટદાર દ્વારા આ બાબતે કોઈ ઠોસ કામગીરી હાથ ધરી નથી. ત્યારે હાલ રાજકીય કાર્યક્રમો, સરકારી કાર્યક્રમમાં વ્યવસ્થતા જણાય છે. શહેરે ઉડીને આંખે વળગે તેવી કોઈ કામગીરી થઈ નથી તેવા આક્ષેપો મહાસંઘ દ્વારા કરવામાં આવ્યા છે.

શહેરના નાગરિકો દર વર્ષે કરોડોનો મિલકત વેરો ભરે છે જેનો ઘણી જગ્યાએ સદ્દઉપયોગને બદલે દુરુપયોગ થઈ રહ્યો હોવાના પણ આક્ષેપ કરવામાં આવ્યા છે. ગાંધીનગર શહેરમાં છેલ્લા દશ દિવસથી ધીમે ધીમે વરસાદ પડી રહ્યો છે. જેને કારણે વાદળોછાયું વાતાવરણ હોવાથી શહેરમાં વરસાદને કારણે સેકટરમાં નીચાણવાળા ભાગમાં ખાબોચિયામાં પાણી ભરાવવાને કારણે પુષ્કળ જીવજંતુઓ મચ્છરોનો ઉપદ્રવ થયો છે. પાલિકા દ્વારા નાગરિકો પાસેથી મિલકતવેરો લેવામાં આવે છે પરંતુ સાફસફાઈ કરવામાં આવતી નથી. જેથી ધીમા વરસાદને કારણે ગંદકી થાય છે. તેમજ નાગરિકો જીવલેણ રોગો ટાઈફોઈડ, મેલેરિયા, કોલેરા જેવા રોગનો ભોગ બની શકે તેમ છે. આથી મેલેરિયા કચેરી દ્વારા સત્વરે સેકટરમાં સાફસફાઈ અને જીવજંતુ નાશક દવાઓ છંટકાવની તાતી જરૂર છે. તેવી માંગ વસાહત મહાસંઘ દ્વારા કરવામાં આવી છે. અઠવાડિયે માત્ર એજન્સી દ્વારા દેખાડો પૂરતો ચક્કર મારે છે.

વસાહત મહાસંઘના પ્રમુખ કેશરીસિંહે જણાવ્યું હતું કે અઠવાડિયે તથા એક મહિને ફક્ત સેકટરમાં કામ સોપેલ એજન્સી દ્વારા ચક્કર મારવામાં આવે છે. અનેક ફરિયાદો આવતી હોવા છતાં તંત્ર દ્વારા કોઈ કડક કાર્યવાહી કરવામાં આવતી નથી. ઢોર પકડવા જતાં પહેલા માલિકને અગાઉ જાણ થાય છે. આ ઉપરાંત મહાસંઘે આક્ષેપ કર્યા છે કે ઢોર પકડવા જતાં પહેલા એજન્સી અથવા તંત્ર દ્વારા આ બાબતે ઢોર માલિકને અગાઉ જાણ થાય છે કે તંત્ર દ્વારા આજે ઢોર પકડવાની કામગીરી કરવામાં આવશે. જે બાદ એજન્સીના માણસો પકડવા આવે ત્યારે સાધનની આજુબાજુ મોટી સંખ્યામાં ઢોર માલિક દોડતા નજરે પડે છે અને લોકચરચા પ્રમાણે ઢોર છોડાવવા આર્થિક તોડ પણ થાય છે.