હું મોદીજી માટે યાત્રામાં જોડાયો છું, ખેડૂત આંદોલન અમેરિકાએ શરુ કરાવ્યું છે, જે મોદીને દબાવવા માટેનું આંદોલન છે.

Published By : B.K.NEWS DAINIK
Published Date : 2021-03-12 14:54:25
Views : 294
Modified Date : 2021-03-12 14:54:25

અમદાવાદમાં ‘આઝાદીનો અમૃત મહોત્સવ’ કાર્યક્રમ બાદ વડાપ્રધાને દાંડી યાત્રાનો પ્રારંભ કરાવ્યો હતો. આ યાત્રામાં દેશના અન્ય રાજ્યમાંથી પણ લોકો જોડાયાં હતાં. 81 લોકોમાં બિઝનેસમેન, સ્પોર્ટ્સ કોચ, કોલેજ સ્ટુડન્ટ્સ, શૉફ, નોકરિયાત, સામાજિક કાર્યકરો, કૃષિ નિષ્ણાંતો, યોગા ટ્રેનર જેવા ક્ષેત્રોના લોકો જોડાયાં છે. ત્યારે પદયાત્રા કરનારા કેટલાક લોકો સાથે દિવ્યભાસ્કરે વાતચીત કરી હતી.

મધ્યપ્રદેશથી આવેલા એક વયોવૃદ્ધે દિવ્યભાસ્કરને જણાવ્યું કે મારાથી યાત્રામાં ચાલતા દાંડી જવું એ ભગવાન કરાવી રહ્યો છે. આ દેશમાં શું ચાલી રહ્યું છે એની એક એક વાત ભગવાને મને જણાવી છે. દેશને બચાવવાના તમામ રસ્તાઓ છે મારી પાસે. આ યાત્રા ગાંધીજી પ્રેરિત છે એટલે કે મોદી પ્રેરિત છે એટલે તમે આવ્યાં છો એના જવાબમાં એમણે જણાવ્યું હતું કે અમે મોદી માટે જ જઈ રહ્યાં છીએ. અમેરિકાએ આ ખેડૂત આંદોલન શરુ કરાવ્યું છે એ મારા આત્માએ મને કહ્યું છે. આ મોદીને દબાવવા માટે આ ખેડૂત આંદોલન ચાલી રહ્યું છે. આ ઉગ્રવાદીઓનું ષડયંત્ર છે આ કોઈ ખેડૂત આંદોલન નથી.

મધ્યપ્રદેશના એક ડૉક્ટર પણ આ યાત્રામાં જોડાયા છે. તેમણે દિવ્યભાસ્કર સાથેની વાતચીતમાં જણાવ્યું હતું કે ગાંધીમાં આ દેશની આત્મા વસે છે. દેશના વિકાસ માટે આત્મનિર્ભર ભારત અને લોકલ ફોર વોકલ, ગામડાનો વિકાસ જેનાથી દેશનો વિકાસ થશે. આપણે ગ્રામિણ વિસ્તારોમાં પોતાની જુની બાબતો ભુલી રહ્યાં હતાં. એટલે આપણે કમજોર થઈ રહ્યાં હતાં. હવે મોદીના નેતૃત્વમાં આ ભારત ફરીથી મજબૂત થશે.

દાંડીયાત્રામાં જોડાનાર મધ્યપ્રદેશના આશરે 30થી વધુ પદયાત્રીઓ યાત્રામાં જોડાયા છે. પીએમના કાર્યક્રમમાં પર્ફોર્મ કરવા તમિલનાડુથી એક ગ્રૂપ આવ્યું હતું.અભયઘાટ ખાતે અમદાવાદ શહેર અને જિલ્લા અને તાલુકામાંથી સભામાં ભાગ લેવા લોકો પહોંચી ગયાં હતાં. VVIP અને ગાંધીવાદીઓ માટે અલગ અલગ બેઠક વ્યવસ્થા કરવામાં આવી હતી. જેના માટે ખાસ ડોમ બનાવવામાં આવ્યા હતાં.