રાજ્યમાં ૨૪ કલાકમાં કોરોનાના કુલ કેસ ૧,૧૬૧ અને કુલ ૯ લોકોનાં મૃત્યુ થયા છે.

Published By : B.K.NEWS DAINIK
Published Date : 2020-10-18 11:47:33
Views : 300
Modified Date : 2020-10-18 11:47:33

ગુજરાતમાં કુલ ૧,૫૮,૬૩૫ લોકો કોરોનાથી સંક્રમિત થયા છે. આ તા.૧૭/૧૦/૨૦૨૦ ના રોજ કુલ નવા કોરોનાના કેસ ૧,૧૬૧ નોંધાયા હતા. આ સાથે સમગ્ર દેશમાં કોરોનાના મહત્તમ કેસો ધરાવતા રાજ્યોની કક્ષામાં ૧૫માં ક્રમે છે. આ ઉપરાંત કુલ કેસ ૧.૫૮ લાખની સાપેક્ષે એક્ટિવ કેસ ૧૪,૫૮૭ નો ગુણોત્તર જોઇએ તો તે હાલ ૯.૧ ટકા છે અને ૧,૨૭૦ દર્દીઓને ડિસ્ચાર્જ આપવામાં આવ્યો છે. આ સહિત ગુજરાતમાં સાજા થયેલાં કુલ દર્દીઓની સંખ્યા ૧,૪૦,૪૧૯ પહોંચી છે. ગુજરાતનો રિકવરનો રેટ ૮૮.૬ ટકા છે. ગુજરાતમાં અત્યાર સુધીમાં કુલ ૫૩.૨૨ લાખ સેમ્પલ લેવાયા છે.

રાજ્યમાં છેલ્લા ૨૪ કલાકમાં ૯ લોકોનાં મૃત્યુ થયા છે તે પૈકી અમદાવાદ શહેરમાં અને સૂરત શહેરમાં ૨-૨ અને, રાજકોટ શહેરમાં ૩ તથા વડોદરા શહેર અને ગીર સોમનાથ જિલ્લામાં ૧-૧ કોરોના દર્દીનું મોત થયું છે. આ સાથે મૃત્યુઆંક હવે ૩,૬૨૯ થયો છે જ્યારે રાજ્યમાં અત્યાર સુધીનો સરેરાશ મૃત્યુદર ૨.૩ ટકા છે. હજુ ૭૯ દર્દીઓની હાલત ગંભીર છે.