બનાસકાંઠા જિલ્લામાં આજથી ગુજરાત રાજ્ય માધ્યમિક અને ઉચ્ચતર માધ્યમિક બોર્ડની પરીક્ષાઓ શરૂ થઇ છે જેમાં કુલ 84582 વિદ્યાર્થીઓ આજે સીસીટીવી કેમેરાની બાજનજર હેઠળ પરીક્ષામાં પ્રવેશ મેળવ્યો

Published By : B.K.NEWS DAINIK
Published Date : 2022-03-29 11:16:05
Views : 179
Modified Date : 2022-03-29 11:16:05

બનાસકાંઠા જિલ્લામાં આજથી ગુજરાત રાજ્ય માધ્યમિક અને ઉચ્ચતર માધ્યમિક બોર્ડની પરીક્ષાઓ શરૂ થઇ છે જેમાં કુલ 84582 વિદ્યાર્થીઓ આજે સીસીટીવી કેમેરાની બાજનજર હેઠળ પરીક્ષામાં પ્રવેશ મેળવ્યો હતો આજથી શરૂ થયેલી બોર્ડની પરીક્ષાઓને લય વહીવટી તંત્ર દ્વારા પણ તમામ પ્રકારની તૈયારીઓ કરી દેવામાં આવી હતી.

સમગ્ર ગુજરાતમાં આજથી ગુજરાત રાજ્ય માધ્યમિક અને ઉચ્ચતર માધ્યમિક બોર્ડની પરીક્ષાઓ શરૂ થઇ છે..કોરોનાવાયરસની મહામારી બાદ પ્રથમવાર આજે ગુજરાત રાજ્ય માધ્યમિક અને ઉચ્ચતર માધ્યમિક બોર્ડની પરીક્ષાઓ યોજાતા વિદ્યાર્થીઓમાં પણ એક આનંદનો માહોલ જોવા મળ્યો હતો..ખાસ કરીને વાત કરવામાં આવે તો આજે બનાસકાંઠા જિલ્લામાં ગુજરાત રાજ્ય માધ્યમિક અને ઉચ્ચતર માધ્યમિકની પરીક્ષાઓ યોજાઇ હતી જેમાં સૌપ્રથમ ધોરણ 10ના વિદ્યાર્થીઓ બોર્ડની પરીક્ષાઓ આપવા માટે પરીક્ષા કેન્દ્ર પર પહોંચ્યા હતા..ધોરણ 10ના વિદ્યાર્થીઓ પ્રથમવાર બોર્ડની પરીક્ષાઓ આપતા હોવાથી વિદ્યાર્થીઓમાં પણ આનંદનો માહોલ જોવા મળ્યો હતો..બોર્ડની પરીક્ષાઓને લઈ શાળાઓ બહાર મોટી સંખ્યામાં વાલીઓ પોતાના બાળકો પરીક્ષા કેન્દ્ર પર પહોંચતા શુભકામનાઓ પાઠવી હતી..ગુજરાત રાજ્ય શિક્ષણ વિભાગના માધ્યમિક અને ઉચ્ચત્તર માધ્યમિક બોર્ડ દ્રારા ઘો.10 અને 12 બોર્ડના વિદ્યાર્થીઓની વાર્ષિક પરીક્ષાઓ આજથી શરૂ થઈ છે.જેમાં બનાસકાંઠા જિલ્લા શિક્ષણ વિભાગ દ્રારા આ બોર્ડની પરિક્ષાને લઈ તડામાર તૈયારીઓ કરવામાં આવી હતી. જેમાં 14 તાલુકાના વિવિધ 102 કેન્દ્રની 275 બિલ્ડીંગમાં આજથી 12 એપ્રિલ સુધી પરીક્ષા લેવામાં આવનાર છે.જેમાં ધો.10 માં 53,960 ધો.12 સામાન્ય પ્રવાહમાં 26,242 અને ધો.12 વિજ્ઞાન પ્રવાહમાં 4,371 મળી કુલ 84582 વિદ્યાર્થીઓ બોર્ડની વાર્ષિક પરીક્ષામાં ભાગ લીધો હતો.. આજે ધોરણ 10ના વિદ્યાર્થીઓ પરીક્ષા કેન્દ્ર પર પહોંચતા વિવિધ સંસ્થાઓ દ્વારા તેમને કુમકુમ તિલક તેમજ મોં મીઠું કરાવી શાળામાં પ્રવેશ અપાવ્યો હતો..ત્યારે ચોક્કસથી કહી શકાય કે આજથી શરૂ થતી બોર્ડની પરીક્ષાઓને લઈ બનાસકાંઠા જિલ્લા શિક્ષણ વિભાગ દ્વારા પણ તમામ પ્રકારની તૈયારીઓ કરી દેવામાં આવી છે...બનાસકાંઠા જિલ્લામાં આજથી ધોરણ-૧૦ અને ૧૨ની ગુજરાત રાજ્ય માધ્યમિક અને ઉચ્ચતર માધ્યમિકની પરીક્ષાઓ શરૂ થઇ છે આ પરીક્ષાઓ શાંતિપૂર્ણ માહોલમાં યોજાય તે માટે બનાસકાંઠા જિલ્લા શિક્ષણ વિભાગ દ્વારા તમામ પ્રકારની વ્યવસ્થા કરી દેવામાં આવી છે જોકે પરીક્ષા દરમ્યાન કોઈ ગેરરીતી ન આચરાય અને શાંતિપૂર્ણ માહોલમાં પરીક્ષા સંપન્ન થાય તે માટે સીસીટીવી કેમરા ન ધરાવતા આઠ બિલ્ડીંગમાં ટેબલેટ અને બાકીના બિલ્ડીંગમાં સીસીટીવી કેમેરાની બાજ નજર હેઠળ પરિક્ષા લેવામાં આવશે..

Download Our B K News Today App

Related News

Recent Posts

Environment

Women Special

Tweets by BkNewsToday

Follow Us

About us

Head Office (B.K. News)

Quick Links