રથયાત્રા યોજવા કરેલી અરજી ગુજરાત હાઈકોર્ટે ફગાવી દીધી

Published By : B.K.NEWS DAINIK
Published Date : 2020-06-23 11:37:32
Views : 382
Modified Date : 2020-06-23 11:37:32

અમદાવાદમાં ભગવાન શ્રી જગન્નાથજીની ૧૪૩મી રથયાત્રા કાઢવા માટે ગુજરાત હાઈકોર્ટમાં કરવામાં આવેલી અરજીને તત્કાલ સુનાવણીમાં ફગાવી દેવામાં આવી છે. આ સાથે જ અમદાવાદમાં દર અષાઢી બીજે ભગવાન શ્રી જગન્નાથની રથયાત્રા હવે મંદિર પરિસરમાં જ ફરશે. કોરોનાના વધતા જતા કેસોને લીધે તાજેતરમાં ભગવાન શ્રી જગન્નાથની ૧૪૩મી રથયાત્રા રદ કરવા માટે ગુજરાત
હાઈકોર્ટમાં કરાયેલી અપીલના સંદર્ભે શહેરમાં રથયાત્રા યોજવા પર મનાઈ ફરમાવી હતી. જેના સંદર્ભમાં હિન્દુ યુવા વાહીની દ્વારા હાઈકોર્ટ સિમીત રૂટ પર રથયાત્રા કાઢવા કરી હતી. અરજી જેની તત્કાલ
સુનાવણીમાં હાઈકોર્ટ અગાઉનું વલણ આખરી રાખી અરજી ફગાવી દીધી હતી. આ મંદિર પરિસરમાં જ નીકળશે તે
નીશ્ચિત થયું છે. રથયાત્રા પહેલા આજે ભગવાન જગન્નાથ, ભાઈ બલરામ અને બહેન સુભદ્રાજીએ સોનાવેશ ધારણ કર્યો છે. વર્ષમાં એકવાર આજના દિવસે ભગવાન સોનાના અલંકાર ધારણ કરે છે અને લોકોને દર્શન કરવા લોકો ઉમટી પડ્યા હતા. રવિવારે નેત્રોત્સવ વિધિ પૂર્ણ કરવામાં આવી હતી. હાથીનું પૂજન કરવામાં આવ્યું હતું. સાંજે રથનું પૂજન કરાયુ હતું.
સવારે મંદિર પરિસરમાં ત્રણેય રથને લાવવામાં આવ્યા હતા. રથને લાવ્યા બાદ તેની સાફ સફાઈ કરવામાં આવી હતી. મંદિરના મહંત અને પૂજારી દ્વારા શણગારેયાલા
ગજરાજાનું પૂજન કરાયું હતું. વિપક્ષના નેતા સાંજે રથનું પૂજન કરશે. જ્યારે મુખ્યમંત્રી વિજય રૂપાણી સાંજની આરતીમાં ભાગ લીધો હતો. સવારના રથયાત્રાની શરૂઆતમાં કરાતી વિધીમાં પરંપરાગત રીતે મુખ્યમંત્રી દ્વારા કરવામાં આવે છે જે વિધિ મુખ્યમંત્રી વિજય રૂપાણી દ્વારા કરવામાં આવશે

મુખ્યમંત્રીની આરતી બાદ જાહેરાત
૧૪૩મી રથયાત્રા કાઢવા સરકારની રાત્રે અરજી
જગન્નાથ પુરીમાં ભગવાન શ્રી જગરન્નાથની રથયાત્રા કાઢવા માટે સુપ્રિમ કોર્ટે આપેલ શરતી મંજુરીને પગલે ગુજરાત સરકાર તાબડતોડ જાગી છે. ગુજરાત હાઈકોર્ટમાં મોડી રાત્રે ભગવાન શ્રી જગન્નાથની ૧૪૩મી રથયાત્રા કાઢવા માટેની મંજુરી માંગતી અરજી ગુજરાત હાઈકોર્ટમાં દાખલ કરી છે. જેની સુનાવણી મઘરાત્રે હાથ ધરાય તેવી શક્યતા છે. ઉલ્લેખનીય છે કે ગુજરાત હાઈકોર્ટ આજે બપોરે અમદાવાદમાં રથયાત્રા કાઢવાની અરજી ફગાવી દીધી છે. જ્યારે બીજીબાજુ ભગવાન જગરન્નાથ ભક્તો અને મંદિરના મહંત દીલીપદાસજી મહારેજ જગરન્નાથ પુરીમાં મંજુરી મળી હોવાથી ૧૪૩ વર્ષ જુની પરંપરા જળવાઈ રહે અને ભગવાન અષાઢી સુદ બીજના દિવસે નગરયાત્રાએ નીકળે તેવી લાગણી વ્યક્ત કરી હતી. મોડીસાંજે મુખ્યમંત્રી જગરન્નાથ મંદિરે આરતી કરી બાદ પત્રકારોને જણાવ્યું હતું કે, રાજ્ય સરકાર રથયાત્રા શરતી કાઢવા માટે મંજુરીની માંગણી કરીશું ત્યારબાદ કાયદા વિભાગે એડવોકેટ જનરલ કમલ ત્રિવેદી અને મુખ્ય સરકારી વકીલને રથયાત્રા કાઢવાની અરજી કરવા સૂચના આપી હતી.

ડીસા ખાતે ૨૨ વર્ષમાં પ્રથમવાર ભગવાન જગન્નાથ નગર ચર્યા નહી કરે

કોરોના વાયરસની વૈશ્વિક મહામારીના કારણે દેશમાં રથયાત્રા નીકાળવા ઉપર સુપ્રિમ કોર્ટ તેમજ હાઈકોર્ટે મનાઈ ફરમાવેલ હોઈ સરકારની પણ રથયાત્રા નીકાળવાની મંજુરી ન મળતા આ વર્ષે ડીસા નગરમાં રથયાત્રા નિનીકળશે નહી. ભક્તો મંદિરમાં જઈ દર્શનનો લાભ લેશે.
અષાઢી બીજના દિવસે સાંજે દરેક પરિવારો
પોતપોતાના ઘરની અગાસી કે ઓટલા ઉપર દિવા કરી ભગવાન જગન્નાથજીનું ધ્યાન ધરવા સુભાષચંદ્ર બોઝ સેવા સમિતી ડીસા દ્વારા અનુરોધ કરવામાં આવ્યો હતો.