રાજ ઠાકરેએ સરકાર પર પ્રહાર કર્યા, કહ્યું- લતા મંગેશકર અને સચિનને અભિયાનમાં ન ઘસેડવા જોઈએ.

Published By : B.K.NEWS DAINIK
Published Date : 2021-02-07 12:54:50
Views : 259
Modified Date : 2021-02-07 12:54:50

ખેડૂત આંદોલનના મુદ્દા અંગે ઘણી વિદેશ હસ્તિઓએ ટ્વિટ કર્યા, જેના અંગે દેશનું રાજકારણ પણ ગરમાયું છે. હવે મહારાષ્ટ્ર નવનિર્માણ નેતા રાજ ઠાકરેએ પણ આ મુદ્દા અંગે નિવેદન આપ્યું છે. તેમણે કહ્યું કે, સચિન અને લતા મંગેશકર જેવા ભારત રત્ન પ્રાપ્ત લોકોનો ઉપયોગ કરવો ખોટું હતું. આ બન્નેએ સમર્થનમાં ટ્વીટ નહોતું કરવાનું.સરકારે ભારત રત્નથી સન્માનિત થયેલી આવી હસ્તિઓ પાસેથી સમર્થન મેળવીને તેમની પ્રતિષ્ઠાને દાવ પર ન લગાવવી જોઈએ.તેમના માટે અક્ષય કુમાર જેવી હસ્તિ તેમના આવા કાર્ય માટે પૂરતી છે.સરકારે આવા કામ માટે અક્ષય કુમાર જેવા વ્યક્તિનો સહારો લેવો જોઈએ.

સચિને ટ્વિટ કરી કહ્યું કે, આપણો દેશ તેની સમસ્યાઓનું સમાધાન કરવાનું જાણે છે અને બહારના લોકોને દેશના આંતરિક મામલામાં રસ લેવાની જરૂર નથી. સિચનનના આ ટ્વિટથી કેરળના ખેડૂત નારાજ થઈ ગયા છે. તેમણે લખ્યું કે, ભારતની સાર્વભૌમત્વ સાથે ચેડા ન કરી શકાય. વિદેશી દળો પ્રેક્ષક હોઈ શકે છે, પણ સહભાગી નહીં. ભારતને ભારતીયો જ ઓળખે છે અને તેઓ જ નિર્ણય કરશે. એક દેશ તરીકે એકજૂથ થવાની જરૂર છે.

પહેલા પણ ઠાકરેએ કહ્યું હતું કે, ક્રિકેટ સ્ટાર સચિન અને ગાયક કલાકાર લતા મંગેશકરે સોશિયલ મીડિયા પર ટ્રોલ થઈ રહ્યાં છે. આ અભિયાનમાં સરકારે લતા મંગેશકર અને સચિન તેડુલકરને ઘસેડવાના નહોતા.તેમણે વધુમાં કહ્યું, આ બન્ને (સચિન તેડુંલકર અને લતા મંગેશકર) પોત પોતાના ક્ષેત્રમાં સાચા દિગ્ગજ છે, પણ સામાન્ય જીવનમાં તે ઘણા સરળ લોકો છે. તેમને એક જ હેશટેગ સાથે ટ્વિટ કરવા માટે નહોતું કહેવાનું. તેમણે ટ્વિટ કર્યું કે, સરકારે તેમને ટ્વિટ કરવા માટે કહ્યું, અને હવે તે ટ્રોલ થઈ રહ્યાં છે.

* લતા મંગેશકરે ટ્વિટ કર્યું
લતા મંગેશકરે ટ્વિટ કરતા લખ્યું કે, ભારત મહાન દેશ છે અને અમે સૌ ભારતીયોને તેનું ગૌરવ છે. મને પુરો વિશ્વાસ છે કે જે મુદ્દા અથવા સમસ્યાઓનો સામનો અમે કરી રહ્યાં છીએ, અમે એ લોકોના હિતને ધ્યાનમાં રાખીને તેમનું સમાધાન કરવા માટે પુરી રીતે સક્ષમ છીએ.