પાલનપુર ખાતે જી.આઇ.ડી.સી.ના ચેરમેન બળવંતસિંહ રાજપૂતના અધ્યક્ષસ્થાને શ્રેષ્ઠ શિક્ષક પારિતોષિક વિતરણ સમારોહ યોજાયો

Published By : B.K.NEWS DAINIK
Published Date : 2021-09-06 12:21:48
Views : 280
Modified Date : 2021-09-06 12:21:48

`પાલનપુર મુકામે આવેલ શ્રી કાનુભાઇ મહેતા હોલ ખાતે ગુજરાત ઔધોગિક વિકાસ નિગમના ચેરમેનશ્રી બળવંતસિંહ રાજપૂતના અધ્યક્ષસ્થાને શ્રેષ્ઠ શિક્ષક પારિતોષિક વિતરણ સમારોહ યોજાયો હતો. જેમાં જિલ્લાકક્ષાના ૨, ૧ બી.આર.સી.કો-ઓર્ડનેટર અને તાલુકા કક્ષાના ૨૧ મળી કુલ-૨૪ શ્રેષ્ઠિ શિક્ષકોને પુરસ્કાર ચેક, પારિતોષિક આપી, શાલ ઓઢાડી સન્માન કરવામાં આવ્યું હતું.

આ પ્રસંગે ગુજરાત ઔધોગિક વિકાસ નિગમના ચેરમેન બળવંતસિંહ રાજપૂતે પારિતોષિક મેળવનાર શ્રેષ્ઠ શિક્ષકોને અભિનંદન પાઠવતાં જણાવ્યું હતુ કે, આપણા દેશના પૂર્વ રાષ્ટ્રપતિ ર્ડા. સર્વપલ્લી રાધાકૃષ્ણળનના જન્મદિને દર વર્ષે શિક્ષક દિનની ઉજવણી કરવામાં આવે છે. તેમણે કહ્યું કે, આપણા શાસ્ત્રોમાં પણ ગુરૂ ગોવિંદ દોનો ખડે કિસકો લાગુ પાય..... કહીંને ગુરૂને ગોવિંદ કરતા પણ મહાન દરજ્જાે આપવામાં આવ્યો છે. આમ સાચા અર્થમાં ગુરૂ જ માર્ગદર્શક છે. આ રાષ્ટ્રિના ઘડતરમાં શિક્ષકોનું બહુ મોટું યોગદાન છે. તેમણે કહ્યું કે, આપણા રાજ્યના તત્કાલીન મુખ્યમંત્રી અને હાલના લોકપ્રિય વડાપ્રધાન નરેન્દ્રભાઇ મોદીએ શિક્ષણ ક્ષેત્રે આમૂલ પરિવર્તન લાવવા કન્યા કેળવણી મહોત્સવ અને શાળા પ્રવેશોત્સવ, ગુણોત્સવ, શાળાઓમાં ઓરડાઓ, કોમ્પ્યુખટર લેબ સહિતની ભૌતિક સુવિધાઓ આપીને નવીન પહેલ કરી હતી. તેમના રાહ પર ચાલી મુખ્યમંત્રી વિજયભાઇ રૂપાણી અને નાયબ મુખ્યમંત્રી નીતિનભાઇ પટેલના નેતૃત્વવાળી રાજ્ય સરકાર આગળ વધી રહી છે. તેમણે જણાવ્યું કે, વિકાસ અને સુશાસન માટે ગુજરાત મોડેલની સમગ્ર દેશ અને દુનિયામાં ચર્ચા થાય છે. બનાસકાંઠા જિલ્લાની પ્રગતિ વિશે વાત કરતાં ચેરમેને કહ્યું કે, છેલ્લા દોઢ-બે દાયકામાં બનાસકાંઠા જિલ્લાએ તમામ ક્ષેત્રોમાં હરણફાળ વિકાસ કરી પ્રગતિના નવા સોપાનો સર કર્યા છે. તેમણે જણાવ્યું કે, આજે સ્કીલનો જમાનો છે. તમારી પાસે સ્કીલ હોય તો રોજગારી સરળતાથી મળી જાય છે એટલે જ સરકાર દ્વારા સ્કીલ આધારીત શિક્ષણ આપી રોજગારીની નવી તકોનું સર્જન કરવામાં આવી રહ્યું છે. ચેરમેને શિક્ષકોને અનુરોધ કરતાં જણાવ્યું કે, આપણે સૌ ૨૧ મી સદીમાં જીવી રહ્યાં છીએ ત્યારે વિજ્ઞાન અને ટેકનોલોજીની ૨૧ મી સદીને અનુરૂપ શિક્ષણ આપી શક્તિશાળી રાષ્ટ્રનું નિર્માણ કરીએ.

આ પ્રસંગે લોકસભાના સાંસદ પરબતભાઇ પટેલે જણાવ્યું કે, કોઇપણ વ્યક્તિ, સમાજ કે રાષ્ટ્રનો વિકાસ શિક્ષણ સિવાય શક્ય જ નથી ત્યારે બાળકોના ઘડતર અને ઉજ્જવળ ભવિષ્યકના નિર્માણ માટે આપણા વડાપ્રધાન નરેન્દ્રભાઇ મોદીના નેતૃવવાળી કેન્દ્ર સરકારે ૨૦૨૦થી નવી શિક્ષણ નીતિ અમલી બનાવી છે. તેમણે કહ્યું કે, બાળકોના શિક્ષણ સાથે સમાજજીવન ઘડતરનું અને સમાજને નવી દિશા આપવાનું કામ શિક્ષકો કરે છે. સાંસદે કહ્યું કે ભૂતકાળમાં પછાત ગણાતા બનાસકાંઠા જિલ્લામાં આજે શિક્ષણક્ષેત્રે નોંધપાત્ર પ્રગતિ થઇ છે. છેલ્લા બે દાયકામાં સમગ્ર રાજયમાં ઠેર ઠેર શિક્ષણની વ્યાપક સુવિધાઓ ઉપલબ્ધ બનવાતા શિક્ષણ ક્ષેત્રે ક્રાંતિકારી પરિવર્તન આવ્યું છે. તેમણે કહ્યું કે, વડાપ્રધાન નરેન્દ્રભાઇ મોદીએ વર્ષ-૨૦૦૩માં શાળા પ્રવેશોત્સવ અને કન્યા કેળવણી મહોત્સવનો પ્રારંભ કરાવ્યો હતો જેના લીધે ડ્રોપ આઉટ રેશિયો ઘટ્યો છે અને દિકરીઓ ઉચ્ચ શિક્ષણ મેળવતી થઇ છે.

આ પ્રસંગે રાજ્ય સભાના સાંસદ દિનેશભાઇ અનાવાડીયાએ પારિતોષિક મેળવનારા શ્રેષ્ઠ શિક્ષકોને અભિનંદન પાઠવતાં જણાવ્યું કે, મહાન આચાર્ય ચાણક્યએ પણ કહ્યું છે કે શિક્ષક કભી સાધારણ નહીં હોતા, પ્રલય ઔર નિર્માણ ઉનકી ગોદ મેં પહલતે હૈ... આવતીકાલના ઉજ્જવળ ભવિષ્યધનું નિર્માણ શિક્ષકોના હાથમાં છે. તેમણે કહ્યું કે, વિદ્યાર્થીઓમાં બાળપણથી રાષ્ટ્ર ભક્તિના ગુણો કેળવાય અને સુંદર સંસ્કારોનું સિંચન થાય તે માટે શિક્ષકો અથાક મહેનત કરે છે. તેમણે દેશ માટે કંઇક કરી છૂટવાની ભાવનાવાળા નાગરિકો તૈયાર કરવા શિક્ષકોને અપીલ કરી હતી.

આ પ્રસંગે પ્રતિભાશાળી બાળકોનું પ્રમાણપત્ર આપી સન્માન કરવામાં આવ્યું હતું. કાર્યક્રમના પ્રારંભમાં જિલ્લા શિક્ષણાધિકારી ર્ડા. નરેન્દ્રસિંહ ચાવડાએ સ્વાગત પ્રવચન કર્યુ હતું. જયારે અંતમાં જિલ્લા પ્રાથમિક શિક્ષણાધિકારી સંજય પરમારે અભારવિધિ કરી હતી. આ કાર્યક્રમમાં જિલ્લા વિકાસ અધિકારી સ્વપ્નીલ ખરે, અગ્રણીઓ સર્વ ગુમાનસિંહ ચૌહાણ, ઉમેશભાઇ પટેલ, સંજયભાઇ દવે, રતુભાઇ ગોળ, નિલેશભાઇ મોદી, અમૃતભાઇ દેસાઇ, દશરથસિંહ સોલંકી, ઇશ્વરસિંહ સોલંકી, ભુરાજી રાઠોડ, ભરતભાઇ પરમાર, ડાયટના પ્રાચાર્ય ર્ડા. એમ. જે. નોગોસ, નાયબ જિલ્લા પ્રા. શિક્ષણાધિકારી મુકેશભાઇ ચાવડા, નૈનેષભાઇ દવે, આનંદભાઇ મોદી સહિત શિક્ષણપ્રેમી અગ્રણીઓ, બી.આર.સી., સી.આર.સી. કો-ઓર્ડીનેટર અને શિક્ષકો ઉપસ્થિત રહ્યા હતાં.

બનાસકાંઠા જિલ્લાના ૨૪ શ્રેષ્ઠ શિક્ષકોને પારિતોષિક આપી સન્માનિત કરાયા

- ભાભરની લાડુલા પ્રા. શાળાના શિક્ષકા રમીલાબેન મકવાણા અને લાખણીની મોરાલ પ્રા. શાળાના સુખદેવરામ જાેષીને જિલ્લા કક્ષાના પારિતોષિક એનાયત કરાયા

બનાસકાંઠા જિલ્લા શિક્ષણાધિકારી ર્ડા. નરેન્દ્રસિંહ ચાવડાએ જણાવ્યું હતું કે, જિલ્લા અને તાલુકા કક્ષાએ શિક્ષણ ક્ષેત્રે શ્રેષ્ઠ કામગીરી કરનાર શિક્ષકોને રાજ્ય સરકાર દ્વારા પારિતોષિક એનાયત કરવામાં આવે છે. વર્ષ-૨૦૨૧ માટે બનાસકાંઠા જિલ્લામાંથી જિલ્લા અને તાલુકા કક્ષાના ર૪ શિક્ષકોને શ્રેષ્ઠ શિક્ષક જાહેર કરવામાં આવ્યા છે. જિલ્લા કક્ષાના શ્રેષ્ઠ શિક્ષક પારિતોષિક-૨૦૨૧માં પ્રાથમિક વિભાગમાંથી ૨ શિક્ષકો પસંદગી કરવામાં આવી છે. જેમાં લાખણી તાલુકાની મોરાલ પ્રાથમિક શાળાના શિક્ષક સુખદેવરામ ઇશ્વરલાલ જાેષી અને ભાભર તાલુકાની લાડુલા પ્રાથમિક શાળા શિક્ષિકા રમીલાબેન દાનાભાઇ મકવાણાને જિલ્લા કક્ષાનો શ્રેષ્ઠ શિક્ષક પારિતોષિક એનાયત કરવામાં આવ્યો છે. સી.આર.સી./બી.આર.સી./કે.નિ./એચટાટ આચાર્ય વિભાગમાંથી દાંતીવાડા બી.આર.સી. કો.ઓર્ડિનેટર જીગર જયંતીલાલ જાેશીને પારિતોષિક અપાયો છે.

તાલુકા કક્ષાના શ્રેષ્ઠો પારિતોષિક ૨૧ શિક્ષકોને એનાયત કરવામાં આવ્યાં છે. જેમાં પાલનપુર તાલુકાની સરીપડા પ્રા. શાળાના દલજીભાઇ વિરસંગભાઇ રાતડા અને ભૂતેડી પ્રા.શાળાના પરેશકુમાર બાબુભાઇ પુરોહિત, વડગામ તાલુકાની નાવીસણા પ્રા.શાળાના ભરતજી પરબતજી રાઠોડ અને સીસરાણા પે. કેન્દ્ર શાળાના દિલીપકુમાર હરગોવનભાઇ પ્રજાપતિ, દાંતા તાલુકાની બારવાસ પ્રા. શાળાના હેતલબેન દશરથભાઇ પટેલ, ભાભર તાલુકાની રણછોડપુર પ્રા. શાળાના મહેન્દ્રકુમાર છનાભાઇ રાવળ, લાખણી તાલુકાની માણકી પ્રા. શાળાના ભાવિકકુમાર સોમાભાઇ પટેલ અને મડાલ પ્રા. શાળાના રોશનીબેન સુરેશકુમાર જાેશી, થરાદ તાલુકાની વડગામડા પ્રા. શાળાના રાયમલભાઇ ઉમાભાઇ પરમાર અને ઉંટવેલીયા પ્રા. શાળાના દિનેશભાઇ ધનાભાઇ ચૌહાણ, વાવ તાલુકાની ટડાવ પ્રા.શાળાના મયુરીબેન અક્ષયકુમાર પાધ્યા અને ઢેરીયાણી પ્રા. શાળાના રવજીભાઇ રૂપસીભાઇ કાંદળી, કાંકરેજ તાલુકાની રણવાડા પ્રા. શાળાના નિકુલકુમાર પ્રવિણચંદ્ર સથવારા અને ઉણ પે. કેન્દ્ર શાળાના સિધ્ધરાજસિંહ જયેન્દ્રસિંહ ઝાલા, દિયોદર તાલુકાની જાલોઢા પરા પ્રા. શાળાના લાલજીભાઇ બહેચરભાઇ સોલંકી અને જાડા પ્રા. શાળાના અલ્પેશકુમાર સોમાભાઇ પ્રજાપતિ, દાંતીવાડા તાલુકાની ભાખર મોટી પ્રા. શાળાના દિપીકાબેન નટવરલાલ પટેલ અને માળીવાસ પ્રા. શાળાના નટવરભાઇ ભીખાભાઇ પ્રજાપતિ, ડીસા તાલુકાની રસાણા પ્રા. શાળાના પ્રકાશકુમાર પાનાચંદ સોલંકી અને ડાવસ ૧ પ્રા. શાળાના નરસિંહભાઈ બાબુભાઇ સુથાર તથા અમીરગઢ તાલુકાની ઇકબાલગઢ પે. કેન્દ્ર શાળાના કમલેશકુમાર અમૃતલાલ મેજીયાતરને તાલુકા કક્ષાના પારિતોષિક એનાયત કરવામાં આવ્યા છે.

Download Our B K News Today App

Related News

Recent Posts

Environment

Women Special

Tweets by BkNewsToday

Follow Us

About us

Head Office (B.K. News)

Quick Links