સેન્ટ્રલ રિઝર્વ પોલીસ ફોર્સ દ્વારા લેકાવાડા, પેથાપુર અને ચિલોડાના ગરીબ પરિવારોને મદદ

Published By : B.K.NEWS DAINIK
Published Date : 2020-04-13 11:51:09
Views : 423
Modified Date : 2020-04-13 11:51:09

ગાંધીનગર નજીક આવેલા સેન્ટ્રલ રિઝર્વ પોલીસ ફોર્સ દ્વારા આસપાસમાં વસ્તી ગરીબ
પરિવારને અનાજની કિટૂસનું વિતરણ કરવા સાથે લેકાવાડા અને નજીક વિસ્તારમાં ૧૫૦૦ ધરોમાં દવાનો છંટકાવ કરી આપવામાં આવ્યો છે.
ગાંધીનગર – ચિલોડા માર્ગ પર આવેલા સેન્ટ્રલ રિઝર્વ
પોલીસ ફોર્સ, ગાંધીનગરના ડેપ્યુટી કમાન્ડન્ટ સુનિલકુમાર ખત્રીએ જણાવ્યું હતું કે, કોવિડ -૧૯ ની સમસ્યાને ધ્યાનમાં રાખીને સેન્ટ્રલ રિઝર્વ પોલીસ ફોર્સ, ગ્રુપ સેન્ટર ગાંધીનગરના અધિકારીઓ અને કર્મચારીઓ દ્વારા પેથાપુર નજીક આવેલી વસ્તી, સેક્ટર ૩૦ ઝૂંપડપટ્ટી, લેકાવાડા ગામ અને ચિલોડા આસપાસના જરૂરિયાતમંદ લોકોને અનાજની કિટૂસ તૈયાર કરીને વિતરણ કરવામાં આવી હતી. આ કિટૂસમાં તેમણે ૧૮૭૫ કિલો લોટ, ૩૭૫ કિલો ખાંડ, ૩૭૫ કિલો ચોખા, ૩૭૫ કિલો કઠોળ અને ૩૭૫ કિલો મીઠાનું પેકેટ વિતરણ કરાયું હતું.
આ જૂથ કેન્દ્ર ગાંધીનગરમાં પણ નજીકના લેકાવાડા ગામમાં આશરે ૧૫૦૦ ઘરોની આસપાસ, સ્વચ્છતા અને દવાનો છંટકાવ કરવામાં આવ્યો હતો, જેના કારણે ગામના લોકોએ આ ખૂબ જ પવિત્ર કાર્યની પ્રશંસા કરી હતી.તે ઉપરાંત આસપાસના ગામોમાં નોવેલ કોરોના વાયરસનું સંક્રમણ અટકાવવા માટે શું તકેદારી રાખવી અને સરકાર દ્વારા જણાવવામાં આવતા નિયમોનું પાલન કરવા માટે સતત સમજ જવાનો દ્વારા આપવામાં આવી રહી છે.
આ ઉપરાંત શિબિરની અંદર પણ પોતાના જવાનોની સુરક્ષા કોરોના વાયરસથી કરવા યુદ્ધ સ્તરે સંપૂર્ણ તૈયારીઓ કરવામાં આવી છે. દરેક કચેરીમાં
તાપમાન ચકાસણી, કેન્ટીન, મોલ, શાકભાજીની દુકાનમાં દરેક વ્યક્તિને સ્વચ્છતા અને શાકભાજીની દુકાનમાં હાથ વિના શાકભાજીનું વિતરણ કરવાની સિસ્ટમ વિકસાવી છે.