જી.જી. હોસ્પિટલમાં લાગેલી આગને 1 મહિનો વીતી ગયો છતાં આંખો ઊઘડી નથી, હજુ 64 હોસ્પિટલોમાં ફાયર સેફટી નહી..!

Published By : B.K.NEWS DAINIK
Published Date : 2020-09-26 12:26:34
Views : 311
Modified Date : 2020-09-26 12:26:34

જામનગરની જી.જી. સહીત રાજયની ચાર મોટી હોસ્પિટલમાં આગની ગંભીર દુર્ઘટના બાદ પણ જામનગરની હોસ્પિટલ ફાયર સેફટીમાં ગંભીર બેદરકારી દાખવી રહી છે. જામ્યુકોના ફાયર વિભાગ દ્વાર એનઓસી માટે બબ્બે વખત ફટકારેલી નોટીસને હોસ્પિટલના સંચાલકો ઘોળીને પી ગયા છે. જેના કારણે હોસ્પિટલમાં કામ કરતા તબીબો, સ્ટાફ અને દર્દીઓ પર જોખમ ઝળંુબી રહ્યું છે. જામ્યુકોના ફાયર વિભાગ દ્વારા શહેરની 119 હોસ્પિટલોનો સર્વે કરીને તમામ હોસ્પિટલોને ફાયરનું એનઓસી મેળવી લેવા નોટીસ આપી હતી. શહેરની 119 પૈકી માત્ર 37 હોસ્પિટલે એનઓસી માટે અરજી કરતા એ તમામને એનઓસી અપાયું છે. જ્યારે 4 હોસ્પિટલોમાં ફાયર સેફટીની સુવિધા અધુરી હોય તેમની અરજી નામંજૂર થઇ છે. જોકે, જામનગરની 64 હોસ્પિટલે તો હજુ સુધી એનઓસી મેળવવા માટે અરજી સુધ્ધા કરી નથી. ભાસ્કરે આ તમામ 64 હોસ્પિટલોના નામ મેળવીને અહીં પ્રસિધ્ધ કર્યા છે.

જી.જી. હોસ્પિટલના આ ભયાનક દૃશ્યોને શું આપણે રીપીટ કરવા માંગીએ છીએ ?
આજથી બરાબર એક મહિના પહેલા જી.જી. હોસ્પિટલના મેડીકલ આઇસીયુમાં ભયાનક આગ ભભૂકતા દર્દીઓને બારી તોડીને બહાર કાઢવા પડયા હતાં, જેમાં ઘણા દર્દીઓ તો વેન્ટીલેટર પર પણ હતાં. આ દુર્ઘટના જામનગરની તમામ હોસ્પિટલો માટે લાલબતી સમાન હતી.

ફાયરના એનઓસી વગરની ખાનગી હોસ્પિટલોને આખરી નોટિસ અપાશે
રાજયના અન્ય શહેરોમાં હોસ્પિટલોમાં આગની ઘટના બાદ જામનગરની 119 ખાનગી હોસ્પિટલોમાં ફાયર એનઓસીનો સર્વે કરાયો હતો. જેમાંથી 37 હોસ્પિટલે એનઓસી મેળવ્યંુ છે. જયારે 64 હોસ્પિટલને બબ્બે-બબ્બે વખત નોટીસ આપવા છતાં એનઓસી મેળવ્યું નથી, એટલે તેમને આખરી નોટીસ અપાશે. કોરોના કાળમાં હોસ્પિટલને સીલ કરવી જનઆરોગ્ય માટે ઉચિત ન હોય હોસ્પિટલોએ એનઓસી મેળવવું જરૂરી છે. - કે.કે.બિશ્નોય, ચીફ ફાયર ઓફીસર

જરૂરી - એકસ્ટીગ્યુસર વસાવી બેદરકારી, NOC માટે હાઇડ્રીલ, આલારામ સીસ્ટમ
જામનગરની મોટા ભાગની ખાનગી હોસ્પિટલો ફાયર એકસ્ટીગ્યુસર વસાવી બેદરકારી દાખવી રહી છે. ખરેખર ફાયરના એનઓસી માટે પાણીની હાઇડ્રીલ સીસ્ટમ, આગ લાગે અને ધુમાડો થાય તો આલારામ વાગે તે સીસ્ટમ હોવી જરૂરી છે. આ તમામ સીસ્ટમ ચેક કરીને ફાયર વિભાગ દ્વારા એનઓસી આપવામાં આવે છે.

જોગવાઇ - વીજલાઇન, નળજોડાણ કટ, હોસ્પિટલ સીલ કરવા સુધીના પગલાં
રાજયમાં હોસ્પિટલોમાં આગની દુઘર્ટના બાદ સરકાર દ્વારા બનાવામાં આવેલા નવા કાયદા મુજબ ફાયર સેફટીના એનઓસી વગરની હોસ્પિટલો નોટીસ બાદ પણ એનઓસી ન મળવે તો આ હોસ્પિટલોની પાણીનું જોડાણ, વીજલાઇન કાપી શકે છે અને હોસ્પિટલ સીલ સુધીના પગલાંની જોગવાઇ કરવામાં આવી છે.

આ રહ્યા એ 64 હોસ્પિટલોના નામ...જેણે ફાયર સેફ્ટીની NOC લીધી નથી

ક્રમ	હોસ્પિટલ નામ	સરનામું
1	ડો. જે.ડી. ચાંગેલા	સુમેર કલબ રોડ.
2	સ્પંદન હોસ્પિટલ	સુમેર કલબ રોડ
3	શિવમ મેટરનીટી હોલ	ગુલાબનગર.
4	કલ્યાણ હોસ્પિટલ	ગ્રીનસીટી
5	ડોડીયા હોસ્પિટલ	જોલીબંગલાની બાજુમાં
6	દુધાગરા હોસ્પિટલ	સુમેર કલબ રોડ
7	શિંગાળા હોસ્પિટલ	સુમેર કલબ રોડ
8	સહકાર બાળકોની હોસ્પિટલ	બેંક ઓફ બરોડાની સામે
9	આશિર્વાદ હોસ્પિટલ	સુમેર કલબ રોડ
10	વોરા કલીનીક સેન્ટર	ઓશવાળ કોલોની
11	અરિહંત ઇમેજીન	સુમેર કલબ રોડ
12	શ્રીજી ઓથોર્પેડીક હોસ્પિટલ	જોલી બંગલા
13	સોલેરીયમ એનકલેવ	પટેલ કોલોની શેરી નં. 10
14	મેન્ટલ હોસ્પિટલ	વિકાસ ગૃહ રોડ
15	અગ્રાવત હોસ્પિટલ	નવાગામ ઘેડ
16	મહેશ્વરી ઓર્થોપેડીક હોસ્પિટલ	અંબર ટોકિઝ પાસે
17	શીંગાળા હોસ્પિટલ	એસ.ટી. સામે
18	કલ્યાણી હોસ્પિટલ	લાલપુર રોડ.
19	ઇલા ચિલ્ડ્રન હોસ્પિટલ	લાલપુર રોડ
20	અર્પણ આંખની હોસ્પિટલ	સુમેર કલબ રોડ.
21	પાબારી હોસ્પિટલ	સુમેર કલબ રોડ.
22	યુનિક હોસ્પિટલ એન્ડ આઇસીયુ	સુમેર કલબ રોડ
23	હિતેષ આર. મશરૂ હોસ્પિટલ	શિવમ શોપીગ સેન્ટર
24	સૌમ્ય હોસ્પિટલ	જોલી બંગલા પાસે.
25	ઓમ ન્યુ બોન એન્ડ ચાઇલ્ડ કેર સેન્ટર	સેન્ટ્રલ બેંક રોડ
26	શ્રી મેટરનીટી હોસ્પિટલ	ખંભાળિયા નાકા બહાર
27	ડો. ધવલ માંકડ સર્જિકલ હોસ્પિટલ	ખંભાળિયા નાકા બહાર
28	શ્રીજી ઇએનટી હોસ્પિટલ	5, દિ.પ્લોટ, ન્યુ સ્કુલ સામે
29	મશરૂ હોસ્પિટલ	દિ.પ્લોટ-7, ન્યુ સ્કુલ સામે
30	મધુરમ હોસ્પિટલ	દિ.પ્લોટ-66
31	મમતા મેટરનીટી સેન્ટર	ખંભાળીયા નાકા બહાર.
32	સમા હોસ્પિટલ	સુમેર કલબ રોડ
33	આયુષ નવજાત શીશુની હોસ્પિટલ	સુમેર કલબ રોડ
34	હાલાર હોસ્પિટલ	64, દિ.પ્લોટ.
35	માનસ હોસ્પિટલ	64, દિ.પ્લોટ.
36	સત્યમ હોસ્પિટલ	64, દિ.પ્લોટ.
37	કુશાલ હોસ્પિટલ	દિ.પ્લોટ પોલીસ ચોકી પાસે
38	મહેતા હોસ્પિટલ	દિ.પ્લોટ પોલીસ ચોકી પાસે
39	મેધધારા આયુર્વેદીક હોસ્પિટલ	દિગ્જામ સર્કલ
40	ઓમ ઓર્થો એન્ડ પેન કેર	ખોડીયાર કોલોની
41	ઓમ હોસ્પિટલ	ખોડીયાર કોલોની
42	જાગૃતિ મેટરનીટી હોસ્પિટલ	વાલકેશ્વરી નગરી
43	રંગુનવાલા સાવર્જનજિક ટ્રસ્ટ	કાલાવડ નાકા પાસે
44	માનસિક આરોગ્યની હોસ્પિટલ	રામેશ્વરનગર
45	શાહ મેડીકલ ફાઉન્ડેશન	55-56 દિ.પ્લોટ.
46	વસુંધરા હોસ્પિટલ	વાલકેશ્વરી નગરી.
47	જાનકી હોસ્પિટલ	એસ.ટી. રોડ
48	ડો. જે.કે. શાણી હોસ્પિટલ	એસ.ટી. રોડ.
49	એન.એસ.વાછાની હોસ્પિટલ	એસ.ટી. રોડ.
50	સંકલ્પ હોસ્પિટલ	ટાઉન હોલ.
51	આંણદાબાવા હોસ્પિટલ	લીમડા લાઇન
52	રાધે હોસ્પિટલ	લીમડા લાઇન
53	ભગવતી યુરોલોજી હોસ્પિટલ	ગુરૂદ્વારા ચોકડી પાસે.
54	જય હોસ્પિટલ	ગુરૂદ્વારા ચોકડી પાસે.
55	સોલંકી આર્થોપેડીક હોસ્પિટલ	ગુરૂદ્વારા ચોકડી પાસે.
56	ડો. કે.આર. રાવ	અંબર ટોકીઝ પાસે.
57	એન.આર. ચોવટીયા ઓર્થોપેડીક	એસ.ટી. રોડ
58	મન હોસ્પિટલ	એસ.ટી. રોડ
59	શ્રધ્ધા હોસ્પિટલ	એસ.ટી. રોડ
60	તકવાણી હોસ્પિટલ	વાલકેશ્વરી નગરી.
61	સુશ્રૃષા આર્પુવ મલ્ટી હોસ્પિટલ	વાલકેશ્વરી નગરી.
62	રૂપારેલીયા હોસ્પિટલ	ગુરૂદ્વારા ચોકડી.
63	પીયા ચિલ્ડ્રન હોસ્પીટલ	વાલકેશ્વરી નગરી.
64	કામદાર હોસ્પિટલ	રણજીતનગર.