બનાસકાંઠા જિલ્લામાં સતત ત્રીજા દિવસે પણ ફૂડ વિભાગના દરોડા

Published By : B.K.NEWS DAINIK
Published Date : 2020-05-03 12:08:37
Views : 719
Modified Date : 2020-05-03 12:08:37

બનાસકાંઠા જિલ્લામાં કોરોના વાયરસની લડાઈમાં જિલ્લાનું તંત્ર સતત મહેનત કરી રહ્યુ છે. ત્યારે બનાસકાંઠા જિલ્લાના અમીરગઢ ખાતે ફૂડ વિભાગ દ્વારા તમામ મીઠાઈની દુકાનો પર દરોડા પાડવામાં આવ્યા હતા.
બનાસકાંઠા જિલ્લામાં સતત ત્રણ દિવસથી ફુડ વિભાગ દ્વારા દરોડા પાડવામાં આવી રહ્યા છે. લોકડાઉન થયા બાદ તમામ મીઠાઇ અને ફરસાણની દુકાનો હાલ બંધ હાલતમાં છે. ત્યારે આ દુકાનમાં પડી રહેલી મીઠાઈ કે ફરસાણ સહિતનો માલસામાન ખરાબ થઈ ગયો હોય અને તે ફરી લોકડાઉન ખુલ્યા બાદ
વપરાશમાં ના આવે કે
વેપારીઓ દ્વારા આ સામાન ગ્રાહકોને વેચવામાં ના આવે તે માટે ઇકબાલગઢ અને અમીરગઢ પંથકમાં પણ ફુડ વિભાગ દ્વારા દરોડા પાડવામાં આવ્યા હતા. આ વિસ્તારની ૨૫ જેટલી મીઠાઈની દુકાનોમાં પડી રહેલા અખાદ્ય ચીજ વસ્તુઓનો નાશ કરવામાં આવ્યો હતો. બનાસકાંઠા જિલ્લાની અંદર સતત ત્રણ દિવસથી અલગ અલગ ટીમો અલગ-અલગ શહેરો અને ગામોમાં જે મીઠાઇ અને ફરસાણની દુકાનો પર તપાસ કરી રહી છે અને અખાદ્ય માલ-સામાનનો નાશ કરવામાં આવી રહ્યો છે, જેના કારણે ભવિષ્યમાં કોઈ રોગચાળો ન ફેલાય.