ખેડૂતોના સમર્થનમાં રાજભવન તરફ વધી રહેલા ખેડૂત મહાસાભા અને ડાબેરી કાર્યકર્તાઓ, પોલીસનો લાઠીચાર્જ.

Published By : B.K.NEWS DAINIK
Published Date : 2020-12-29 15:27:31
Views : 434
Modified Date : 2020-12-29 15:27:31

ખેડૂત આંદોલનના સમર્થનમાં પટનામાં કિસાન મહાસભા અને ડાબેરીઓ સાથે જોડાયેલા 10 હજાર કાર્યકર્તાઓ માર્ચ કાઢી રહ્યાં હતા. ગાંધી મેદાનથી રાજભવન તરફ નીકળેલા કાર્યકર્તાઓને પોલીસ ડાકબંગલા ચાર રસ્તાએ રોકી દીધા. અહીંથી રાજભવનનું અંતર લગભગ 4 કિમી છે. દેખાવકારોએ બેરીકેડ તોડીને રાજભવન તરફ આગળ વધવાની કોશિશ કરી રહ્યાં હતા. પોલીસે તેમને સમજાવ્યા પરંતુ ન માન્યા. એટલામાં પોલીસે અને તેમની વચ્ચે ધક્કામુક્કી થઈ હતી અને પોલીસે લાઠીચાર્જ કર્યો.

દેખાવકારો ડાકબંગલા ચાર રસ્તા પર જ ધારણા પર બેસી ગયા છે અને રાજભવન જવાની જિદ્દ પર અડ્યા છે. કૃષિ કાયદાની વિરુદ્ધ સતત નારેબાજી કરી રહ્યાં છે. અખિલ ભારતીય કિસાન મહાસભાના બિહાર પ્રદેશ સચિવ રામાધાર સિંહએ કહ્યું કે સરકાર વિરોધ પ્રદર્શનને ખત્મ કરવા માંગે છે. રાજભવન સુધી માર્ચ ન કરવા દેવી તે ખેડૂતો પર કરતો અન્યાય છે. અમે લોકો રાજભવન જઈને રાજ્યપાલને આવેદનપત્ર આપવા માંગીએ છીએ.અખિલ ભારતીય કિસાન મહાસભાએ પહેલા કહ્યું હતું કે માર્ચ ગાંધી મેદાનના 1 નંબરના ગેટ પરથી કાઢવામાં આવશે, જોકે 10 નવેમ્બરે ગેટ પર પ્રશાસને તાળુ લગાવી દીધું. પ્રશાસનનું કહેવું છે કે ભીડ વધવાથી લોકોને અવર-જવરમાં મુશ્કેલી થઈ રહી હતી. આ વાતથી ગુસ્સે થઈ ગયેલા લોકો 6 નંબરના ગેટનું તાળું તોડીને ડાક બંગલ તરફ આગળ વધી ગયા.

દેખાવકારો નવા કૃષિ કાયદાઓને રદ કરવાની માંગ કર રહ્યાં છે. દિલ્હીની સીમાઓ પર ચાલી રહેલા ખેડૂત આંદોલનના સમર્થનમાં તે માર્ચ કાઢવા માંગતા હતા. બબાલના કારણે ડાકબંગલા ચાર સસ્તા અને આસપાસના વિસ્તારમાં ટ્રાફિક જામ થઈ ગયો. તેમાં લોકો ખૂબ હેરાન થયા.અખિલ ભારતીય કિસાન મહાસભાના બિહાર પ્રદેશ સચિવ રામાધાર સિંહે સોમવારે કહ્યું હતું કે રાજભવન માર્ચમાં ભાગલા પાડનાર ખેડૂતોનો પણ મોટો હિસ્સો સામેલ રહેશે. પૂર્ણિયા, અરરિયા, સીમાંચલના અન્ય જિલ્લા, ચંપારણ, સીવાન, ગોપાલગંજ સહિતના ઘણા જિલ્લાના ખેડૂતો સોમવારે જ પટના રવાના થઈ ગયા હતા. ભગત સિંહના પંજાબ અને સ્વામી સહજાનંદની ખેડૂત આંદોલનની ધરતી બિહારમાં ખેડૂતોની એકતા વધવા લાગે છે. આ કારણે ભાજપવાળા ખૂબ જ ડરી ગયા છે.