દાંતા સરપંચનો ગેરરીતિ કરવાનો મોટો કારસો નાકામ આખરે દાંતાની વિવાદિત ચાર દુકાનોના વિવાદનો અંત

Published By : B.K.NEWS DAINIK
Published Date : 2021-01-23 12:20:40
Views : 370
Modified Date : 2021-01-23 12:20:40

દાંતા પંચાયત સત્તામાં આવી ત્યારથી વિવાદોથી ઘેરાયેલી રહે છે. દાંતા
પંચાયતમાં આમંત્રિત મહેમાન બાબતે ઘર્ષણ, દલિત્ત સભ્ય
પર હુમલા, એક્રોસિટીની
પોલીસ ફરિયાદ, પત્રકારને ધમકી બાબતે, એક ગરીબ આદિવાસી નાગરિક ઉપર હુમલા, સરપંચના જેઠના મનોરંજન કરનો વેરો બાકી હોવાથી ગ્રામ સભામાં ઘર્ષણ, બધીજ સામાન્ય સભામાં એકના એક આમંત્રિત મહેમાન (જેઠ) જ હોવાથી ઘર્ષણ, લગભગ અત્યાર સુધીની ૬૦ ટકા સામાન્ય સભા પોલીસ બંદોબસ્ત સાથે કરવામાં આવી છે. એક પ્રામાણિક તલાટી કમમંત્રીના પંચાયતના વહીવટ બાબતે સરપંચ અને જેઠ વિરૂદ્ધમાં ટીડીઓને રિપોર્ટ કરવા છતાંય કોઇ કાર્યવાહી નહી અંતે તલાટીની બદલી પણ કરાઈ હતી. સરપંચના જેઠ અને પંચાયત ચૂંટાયેલા સભ્ય ના હોવા છતાંય પંચાયતનો બિન સત્તાકિય વહીવટ કરતા બકાજી ઠાકરડાના વિરૂદ્ધમાં ત્રણ ત્રણ વાર પોલીસ ફરિયાદ થયેલ. આ બધું જ વિરોધ પ્રતિરોધ થવા છતાંય આજ સુધીની બધીજ સામાન્ય સભામાં આમંત્રિત મહેમાન તરીકે એકના એક વ્યક્તિ
સરપંચ દ્વારા બોલાવામાં આવી રહ્યા છે. ત્યારે હવે
પંચાયત ચાર દુકાનોના બિનઅધિકૃત બાંધકામને લઇ વિવાદમાં આવી છે.
દાંતા રેવન્યુ સર્વે નંબર જુનો ૩ અને નવો ૧૧૧
પૈકીની ૪૦૦ ચો. ફૂટ જમીન વિભાગીય નિયામક એસ ટી. પાલનપુરને ૧/૦૮ /૧૯૬૮ થી ૦૧/૦૮/૧૯૯૬ સુધી વાર્ષિક રૂપિયા ૧-૦૦ ના ભાડાપટ્ટે આપી હતી. જે
પિકઅપ સ્ટેન્ડ આશરે વીસ વર્ષ અગાઉ તોડી નાંખેલ. ત્યારબાદ ત્યાં શાકભાજી અને કટલરીના ગરીબ વ્યાપારીઓ પોતાની રોજી રોટી ચલાવા કાચા છાપરા બનાવી ધંધો શરૂ કર્યો. લગભગ ડિસેમ્બર ૨૦૧૯ માં માત્ર ત્રણ દિવસની મુદત આપી. આ દબાણ ગ્રામ
પંચાયત દ્વારા તોડવામાં આવ્યું. બીજા જ દિવસથી દુકાનો બાંધવાનું કામ યુદ્ધના ધોરણે ચાલું કરાયું. દબાણ દારોએ કોર્ટનો સહારો લીધો. કેસ ચાલતો રહ્યો પણ કામ બંધ ના થયું. આ દુકાનો સમાચાર પત્રો થકી વિવાદમાં આવી. તદ્‌ઉપરાંત એક જાગૃત નાગરિકે મામલતદાર દાંતા અને કલેકટર બનાસકાંઠાને અરજી કરી જમીનનો સાચો માલિક કોણ એવો પ્રશ્ન ઊભો થયા. તપાસ દરમિયાન ૧૯૯૬ પછી એસ.ટી. વિભાગ દ્વારા ભાડા કરાર વધારવાની કોઈ કાર્યવાહી કરવામાં આવી ના હતી. તેમજ સદરહું જગ્યા એસ.ટી.
પિકઅપ સ્ટેન્ડ બનવા આપેલ હતી. અને એ જગ્યા હાલ કયાં છે તેની જાણ પાલનપુર એસટી નિયામકને પણ ન હતી. આશરેે ૨૦ વરસથી એસ.ટી.ડેપો પણ તોડી દેવામાં આવ્યો હતો. અંતે કલેકટર બનાસકાંઠા દ્વારા સરકારના મહેસૂલ વિભાગના ૦૬/૦૬/૨૦૦૩ ના ઠરાવ મુજબ જમીન ગ્રાન્ડ કર્યાને ૬ વર્ષ ઉપરનો સમય થયેલ હોય અને જમીન સ્થળે ખુલ્લી હોય તો જમીન સરત ભંગ બદલ શ્રી સરકાર દાખલ કરવાની જાેગવાઈ છે. ગ્રાન્ડ થયેલ જમીનને ૩૦ વર્ષ થવા છતાંય તેનો કાર્ય સાધક ઉપયોગ થયેલ ના હોવાથી જમીન ફાળવણીનો મૂળભૂત હેતુ સિદ્ધ થતો ના હોય સરત ભંગ બદલ સર્વે નંબર ૩ જૂનો ૧૧૧ પૈકી ૪૦૦ ચો ફૂટ જગા સરત ભંગ બદલ શ્રી સરકાર દાખલ કરવા તેમજ સવાલ વાળી જગ્યામાં ગ્રામ
પંચાયત દાંતા દ્વારા ચાર પાકી સટર વાળી દુકાનો બનાવેલ છે તે દબાણ દૂર કરવા તાત્કાલિક નિયમોનુસાર કાર્યવાહી કરવા હુકમ કરવામાં આવ્યો હતો.
હવે દેખવાનું એ રહ્યું કે ગરીબ દબાણ દારોને ટુંકી નોટિસ આપી પંચાયત દ્વારા તાત્કાલિક દબાણ હટાવવામાં આવ્યું હતું એમ કલેકટર બનાસકાંઠાના હુકમથી સ્થાનિક તંત્ર પણ તાત્કાલિક કામ કરશે કે સરપંચ દાંતાને મોકો આપશે કોર્ટમાં જઈ હુકમ પર સ્ટે લાવવાનો ? કેમ કે કલેકટર બનાસકાંઠાના ૨૮ ડિસેમ્બરનો હુકમ હોવા છતાંય તારીખ ૧૯/૦૧/૨૦૨૧ની સામાન્ય સભાના એજન્ડામાં સરપંચ દ્વારા આ દુકાનોની હરાજી કરવાનો મુદ્દો મૂક્યો. જાે
પંચાયતની જમીન ના હતી તો તાલુકા પંચાયત દ્વારા કયા કાયદા મુજબ પરવાનગી
આપવામાં આવી. સ્થાનિક તંત્ર અને સરપંચની મીલીભગત લોકોમાં ચર્ચાનો વિષય બન્યો છ. ઉપરાંત સરપંચ મહિલા હોવા છતાંય સરપંચનો જેઠ વહીવટ કરતો હોય તો સરકારનો ૩૩ ટકા અનામતનો મતલબ શું ? તંત્ર જલ્દીથી
પગલાં લે એવી સ્થાનિક પ્રજાની માંગ ઉઠવા
પામી છે.