ધાનેરામાં લાયબ્રેરીની જમીન શ્રી સરકાર કરાતા દુકાનદારોમાં ફફડાટ

Published By : B.K.NEWS DAINIK
Published Date : 2020-01-09 12:14:02
Views : 648
Modified Date : 2020-01-09 12:14:02

ધાનેરામાં લીમડા ચોક પાસે આવેલ લાયબ્રેરીની જમીન શ્રી સરકાર દ્વારા ૧૯૫૬ માં ધાનેરાના બંધુ સમાજ સાર્વજનિક પુસ્તકાલય એટ્‌લે કે લાયબ્રેરીના હેતુ માટે ૧૦૩૩.૦૧ ચો.મી. જમીનની ફાળવણી કરવામાં આવી હતી. પરંતુ તે જમીનનનો વાણીજ્ય હેતુ માટે ઉપયોગ થતો હોવાથી જિલ્લા કલેકટરે ૨૦૧૪ માં આ જમીન બાંધકામ સહિત વિના વળતરે શરતભંગ બદલ સરકાર દાખલ કરવા હુકમ કરતાં મામલો નામદાર હાઇકોર્ટમાં જતા ત્યાં પણ વિવાદીએ પુરી માહિતી પુરી ના પાડતા અરજી ખારીજ કરી હતી. જેથી સોમવારે ધાનેરા સીટી સર્વે દ્વારા આ તમામ દુકાનદારો માટે નોટીસ તૈયાર કરીને બુધવારે આપવામાં આવતા આ દુકાનદારોમાં હડકંપ મચી જવા પામ્યો છે.
ધાનેરામાં જૈન સમાજ દ્વારા ધાનેરામાં અનેક જગ્યાએ સરકાર પાસેથી જમીન મહેસુલ માફીથી જમીનો અલગ અલગ હેતુ માટે મેળવેલ છે અને તેમાંની આ એક જમીન જે લાયબ્રેરી બનાવવા માટે સરકાર પાસેથી મેળવી હતી. હાલના લીમડા ચોક પાસે આવેલ ધાનેરા બંધુ સમાજ સાર્વજનિક
પુસ્તકાલય દ્વારા ધાનેરામાં ઼
પુસ્તકાલય બનાવવા માટે સરકાર પાસે જમીનની માંગણી કરતાં સરકારે સીટ નં-૩૫, સીટી સર્વે નં-૨૪૧૮ ની ૧૦૩૩.૦૧ ચો.મી. જમીન મહેસુલ માફીથી તા.૦૩/૦૪/૧૯૫૬ માં લાયબ્રેરીના હેતુ માટે ફાળવવામાં આવી હતી. પરંતુ આ ટ્રસ્ટ દ્વારા આ જમીન ઉપર લાયબ્રેરીની આગળ દુકાનો બનાવી દેવામાં આવેલ અને તે દુકાનો ભાડે ઼આપેલ હતી અને જે દુકાનો બનાવવા માટે કોઈ મંજૂરી લેવામાં આવેલ ન હોવાથી તેમજ જે શરતોને આધિન આ જમીન આપેલ હતી. તે જમીનની સરતોનો ભંગ થતો હોવાથી આ જમીન સરકાર કરવા માટે ૨૦૦૧ માં કાર્યવાહી હાથ ધરવામાં આવી હતી. તે કાર્યવાહી વિલંબમાં પડતા ફરીથી આ કાર્યવાહીને ૨૦૧૧ માં વેગ આપવામાં આવેલ અને તા.૧૩/૦૨/૨૦૧૪ ના રોજ જિલ્લા કલેકટર જે.જી.હિંગરાજીયાએ તમામ કાગળો અને જવાબો તપાસતા આ જમીન સરકાર કરવા માટે હુકમ કરવામાં આવતા ધાનેરા બંધુ સમાજ સાર્વજનિક પુસ્તકાલયના ટ્રસ્ટીઓ દ્વારા આ હુકમ સામે નામદાર હાઇકોર્ટમાં સ્પે.સિવિલ એપ્લીકેશન નં-૮૮૯૫/૨૦૧૮ થી અપીલ દાખલ કરવામાં આવેલ અને આ અપીલમાં નામદાર કોર્ટે દ્વારા ઓરલ ઓર્ડર કરવામાં આવેલ અને હુકમના પેરા નં-૧૦ મુજબની વિગતો પુરી પાડવા જણાવવામાં આવેલ. પરંતુ તે બાબતે પણ કોઇ જરૂરી વિગતો પુરી ન પાડતા તે કેસ ચાલી ગયેલ અને ત્યાર પછી ફરીથી હાઇકોર્ટમાં ધાનેરા બંધુ સમાજ સાર્વજનિક પુસ્તકાલયના વકિલ દ્વારા એલ.પી.એ ૨૪૦/૨૦૧૯ થી દાખલ કરેલ અને નામદાર હાઇકોર્ટ દ્વારા એલ.પી.એ-૨૪૦/૨૦૧૯ ના કામે તા.૦૪/૧૦/૨૦૧૯ ના રોજ ચાલી જતાં તે ખારીજ કરેલ જેથી સરકાર દ્વારા આ જમીન ખાલી કરાવી શ્રી સરકાર દાખલ કરવા માટેની કવાયત હાથ ધરતા ધાનેરા સીટી સર્વેની કચેરીને આ જમીન ઉપરનો કબ્જો ખાલી કરાવી શ્રી સરકારનો કબ્જો લેવા હુકમ કરતાં ધાનેરાની સીટી સર્વેની કચેરીના અધિકારી દ્વારા પત્ર નં- સીટીએસ/હાઇકોર્ટ મેટર/મે.સ.ધાનેરા/ વસી-૩૮૦/૨૦૧૯ તા. ૦૬/૦૧/૨૦૨૦ ના પત્રથી ધાનેરા બંધુ સમાજ સાર્વજનિક પુસ્તકાલયની તમામ દુકાનમાં બેઠેલા લોકોને નોટીસ આપવામાં આવતા દુકાનદારોમાં ફફડાટ વ્યાપી જવા પામ્યો છે.