ડીસાના ખેડૂતે ઇનોવેટિવ આઈડિયાથી બનાવ્યું સોલારથી ચાલતું ટ્રેક્ટર.

Published By : B.K.NEWS DAINIK
Published Date : 2021-06-10 11:45:48
Views : 520
Modified Date : 2021-06-10 11:45:48

આ છે ડીસાના એક યુવાન ખેડૂતે પોતાના ઇનોવેટિવ થકી જાતે જ બનાવેલુ ટ્રેક્ટર. આમ તો આવું ટેક્ટર સૌ કોઇએ જોયું જ હશે પરંતુ આ ટ્રેક્ટર ની ખાસિયત એ છે કે તે સોલરથી ચાલે છે જી હા આ ટ્રેક્ટર ચલાવવા માટે કોઈ પેટ્રોલ કે ડીઝલ નો ખર્ચ કરવો પડતો નથી. ડીસા ના રાણપુર ગામે રહેતા યુવા ખેડૂત નવીનભાઈ માળી તેઓ અવનવી ખેતી સાથે કઈ રીતે ઓછા ખર્ચે ખેતી થાય તે માટે તેઓ હંમેશા પ્રયત્ન કરતા રહે છે. તાજેતરમાં જ કોરોના મહામારી ના સમયમાં લોકડાઉન દરમિયાન પેટ્રોલ અને ડીઝલના ભાવ સો રૂપિયાની પાર પહોંચી ગયા છે. ખેડૂતોને પણ ખેતરમાં કે બજારમાં નાના-મોટા કામ માટે ટ્રેક્ટર ના વપરાશ માટે વર્ષે દહાડે અંદાજે લાખ રૂપિયા જેટલો ડીઝલનો ખર્ચ કરવો પડતો હોય છે ત્યારે આ ખર્ચ બચાવવા માટે શું કરવું તેઓ વિચાર આવતા જ નવીનભાઈ સોલર ટ્રેક્ટર બનાવવાનો વિચાર આવ્યો અને ત્યારબાદ ખેતર માં બેઠા બેઠા ટ્રેકટર નું આયોજન કરી ટ્રેકટર બનાવવા બોડી વર્ક નું કામ માટે તેમના મિત્ર હર્ષદભાઈ પંચાલ પાસે ગયા અને તેમને ટ્રેકટર બનાવવાનું આઈડિયા આપ્યો અને ગણતરીના દિવસો માં સોલરથી ચાલતું ટ્રેકટર તૈયાર કરી દીધું.અને તમે જોઈ રહ્યા છો આ ટ્રેકટર સોલર થી ચાલી રહ્યું છે.

આ ટ્રેકટર એક ટન જેટલુ વજન ખેંચી શકે તેવી સોલરની ક્ષમતા પણ છે.તમે જોઈ રહ્યા છો આ ટ્રેકટર પર પાંચ માણસો સવાર છે છતાં એકદમ આરામથી ખેતરમાં દોડી રહ્યું છે.યુવા ખેડૂત નવીનભાઈ માળી પાસે ટ્રેકટર બનવવાથી શુ ફાયદો થશે તે બાબતે પૂછતાં તેઓ એ જણાવ્યું હતું કે આ ટ્રેકટર 1.75 લાખ માં તૈયાર થયું છે. ટ્રેકટર સોલર ઉર્જા થી ચાલે છે અને સોલર નીં સાથે એ સી લાઈટથી ચાર્જ પણ થાય છે.ખેડૂતોને મોંઘવારીના સમયમાં ડીઝલ બચે અને નાની બાગાયતી ખેતીમાં ઉપયોગી નીવડે સાથે પશુપાલન કરતા પશુપાલકોને દૂધ ભરાવવા,ઘાસચારો લાવવામાં સરળતા રહે સાથે સાથે પ્રદુષણ ઘટના પર્યાવરણ નો પણ બચાવ થાય છે એટલે ટ્રેકટર અનેક રીતે ખેડૂતોને ફાયદાકારક રહેશે.

આ સોલારથી ચાલતું ટ્રેક્ટર નું કામ કરનાર હર્ષદભાઈ પંચાલ તેમના બે કારીગરો સાથે રોજના પાંચ કલાક કામ કરતા હતા અને ત્રણ મહિનામાં આ ટ્રેક્ટર તૈયાર કર્યું છે. હાલમાં જે પ્રમાણે કોરોના વાયરસની મહામારી આવી હતી.તેમાં તમામ ધંધા-રોજગાર બંધ થઈ ગયા હતા.ત્યારે આ લોકડાઉન ના કારણે કામકાજ બંધ રહેતા અંદાજિત 240 કલાક કામ કરીને ટ્રેક્ટર તેમને તૈયાર કર્યું છે.અને હજુ પણ આગામી સમયમાં વધુ ટેકનોલોજીનો ઉપયોગ કરી આ ટ્રેક્ટરને સારું બનાવવામાં આવશે.

ડીસા ખાતે રહેતા યુવા ખેડૂતે બનાવેલ ટ્રેકટરના કારણે ખેડૂત ને વર્ષે એક લાખ જેટલી મજૂરી અને ઇંધણ ની બચત થશે જોકે યુવા ખેડૂત એ બનાવેલ ટ્રેકટર હાલ સોસીયલ મીડિયા માં છવાઈ જવા પામ્યો છે.ત્યારે આવનાર સમય માં અન્ય ખેડૂતો પણ આવા ટ્રેકટર બનાવી એક બચત ઉભી કરશે.જોકે ખેડૂત એ બનાવેલ સોલર ટ્રેકટર બનાવી એક એન્જીનીયર ને ચેલેન્જ આપી હમ કિસી સે કમ નહિ એ પંક્તિ ને આજે સાર્થક બનાવી દીધી છે.