ગોંડલમાં કટલેરીનો વેપારી 10 કિલો ગાંજા સાથે ઝડપાયો, કનેક્શન સુરતમાં ખુલ્યું.

Published By : B.K.NEWS DAINIK
Published Date : 2021-03-19 16:44:02
Views : 201
Modified Date : 2021-03-19 16:44:02

રાજકોટ શહેર અને જિલ્લામાં નશીલા દ્રવ્યોના વેચાણ સામે કડક કાર્યવાહી કરવા જિલ્લા પોલીસ વડા બલરામ મીણાએ આપેલી સુચના અનુસાર રૂલર SOGની ટીમ ગોંડલમાં પેટ્રોલિંગમાં હતી. ત્યારે ગોંડલમાં રામદ્વાર પાસે શંકાસ્પદ હાલતમાં નીકળેલો સોયેબ અશરફ તેલીને અટકાવી તલાસી લેતા તેના કબ્જામાંથી 10 કિલો ગાંજાનો જથ્થો મળી આવતા તેને દબોચી લેવાયો હતો.

પકડાયેલો સોયેબ ગોંડલમાં કટલેરીની દુકાન ધરાવે છે અને ઝડપથી રૂપિયા કમાવવા માટે સુરતથી ગાંજાનો જથ્થો લાવી વેચાણ કરવાનું નક્કી કર્યુ હતું. પરંતુ વેચાણ કરે તે પૂર્વે પોલીસની ઝપટે ચડી ગયો છે. પકડાયેલો સોયેબનો ભાઇ પણ અગાઉ NDPSના ગુનામાં પકડાય ચૂકયો છે. પકડાયેલા સોયેબને ગોંડલ પોલીસના હવાલે કરી ગુનો નોંધવા તજવીજ હાથ ધરાઇ છે. પોલીસે આરોપી પાસેથી 10 કિલો ગાંજો જેની કિંમત રૂપિયા 1,00,000 થાય જે કબ્જે કરી જથ્થો સુરતમાં કોની પાસેથી લાવી અહીંયા કોને વેચતો હતો તે દિશામાં વધુ તપાસ હાથ ધરી છે.