વડોદરાના સાવલીમાં કાગડાના બર્ડ ફલૂ પોઝિટિવ રિપોર્ટ આવ્યા, રાજ્યમાં જૂનાગઢ-બારડોલી બાદ ત્રીજો કેસ નોંધાયો, મોર-કબૂતરના રિપોર્ટ તપાસ માટે લેબમાં મોકલાશે.

Published By : B.K.NEWS DAINIK
Published Date : 2021-01-11 14:57:33
Views : 337
Modified Date : 2021-01-11 14:57:33

રાજ્યમાં જૂનાગઢ જિલ્લાના માણાવદર અને સુરત જિલ્લાના બારડોલીના મઢી બાદ હવે બર્ડ ફ્લૂનો ત્રીજો કેસ વડોદરાના સાવલીમાં સામે આવ્યો છે. વડોદરા જિલ્લાના સાવલી તાલુકાના વસંતપુરા ગામમાં 30 કાગડાનાં ટપોટપ મૃત્યુ થયાં બાદ 5 સેમ્પલ ભોપાલ ખાતે રિપોર્ટ માટે મોકલવામાં આવ્યાં હતાં, જ્યાં 3 કાગડા રિપોર્ટ બર્ડ ફ્લૂ પોઝિટિવ આવ્યા છે, જેને પગલે પશુપાલન વિભાગની ટીમ દોડતી થઈ ગઇ છે અને એના અધિકારીઓએ કલેક્ટર સાથે બેઠક યોજી છે. પશુપાલન વિભાગની ટીમે સાવલી તાલુકાના મરઘા ઉછેર કેન્દ્રોને સાવચેતીનાં પગલાં લેવા માટે સૂચનાઓ આપી છે.

સાવલી તાલુકાના વસંતપુરા ગામમાં ગુરુવારે સાંજના સમયે 30 જેટલા કાગડાઓ ભેદી રીતે મૃત્યુ થયા હતા. જેથી બર્ડ ફ્લૂને કારણે તો આ કાગડા નથી મર્યાને એની શંકાએ લોકોમાં ફફડાટ વ્યાપી ગયો હતો. ગ્રામજનોએ આ કાગડાઓને ભેગા કરીને મીઠું ભભરાવી ખાડામાં દાટી દીધા હતા. આ અંગેની જાણ થતાં પશુપાલન વિભાગની ટીમ ઘટનાસ્થળે પહોચી હતી અને મૃત કાગડાનાં સેમ્પલ લઈ લીધાં હતાં અને ભોપાલ તપાસ માટે મોકલી આપ્યાં હતાં, જેનો રિપોર્ટ આજે બર્ડ ફ્લૂ પોઝિટિવ આવ્યા છે.

વડોદરા જિલ્લા પશુપાલન નાયબ નિયામક ડો. પ્રકાશ દરજીએ જણાવ્યું હતું કે વડોદરા જિલ્લાના વસંતપુરા ગામમાં વેરાઇ માતાના મંદિરની બાજુમાં 30 જેટલા કાગડાનાં મોત થયાં હતાં. અમારી ટીમ દ્વારા મૃત કાગડાના સેમ્પલ લેવાયાં હતાં અને ભોપાલની હાઇસિક્યોરિટી એનિમલ ડિઝીઝ લેબમાં મોકલી આપવામાં આવ્યાં હતાં, જેના રિપોર્ટ પોઝિટિવ આવ્યા છે. આ ઉપરાંત કરજણ તાલુકાના કિયા ગામમાંથી મળેલા કબૂતર અને વડોદરાની રિલાયન્સ ટાઉનશિપમાંથી મળેલા મોરનાં સેમ્પલ પણ તપાસ માટે ભોપાલ મોકલવામાં આવશે.

વધુમાં. તેમણે જણાવ્યું હતું કે મરઘા ફાર્મમાં તપાસ હાથ ધરી હતી, જેમાં અમે સાવચેતીને લગતી કેટલીક સૂચના આપી હતી. માસ્ક અને સોશિયલ ડિસ્ટન્સિંગ ઉપરાંત ગ્લોવ્ઝ અને સેનિટાઇઝરનો ઉપયોગ તથા વ્યક્તિઓની અવરજવર પર પ્રતિબંધો મૂક્યા છે. આ ઉપરાંત સ્વચ્છતા જાળવવાનું પણ કહેવામાં આવ્યું છે. આ ઉપરાંત શહેર-જિલ્લામાં જ્યાં જ્યાં પશુપાલન વિભાગની તપાસ ટીમો ગઇ હતી ત્યાં અને સાવલી તાલુકાના મરઘા ઉછેર કેન્દ્રોને સાવચેતીનાં પગલાં લેવા માટે સૂચનાઓ આપી છે.

Download Our B K News Today App

Related News

Recent Posts

Environment

Women Special

Tweets by BkNewsToday

Follow Us

About us

Head Office (B.K. News)

Quick Links