70 સફાઈ કામદારોના 8 માસનો પગાર ન મળતાં કોંગ્રેસના નેજા હેઠળ

Published By : B.K.NEWS DAINIK
Published Date : 2020-06-18 15:46:56
Views : 578
Modified Date : 2020-06-18 15:46:56

લીંબડી નગરપાલિકામાં કોન્ટ્રાકટ બેઇઝ પર કામ કરતા 70 સફાઈ કામદારોના 8 માસનો પગાર ન મળતાં કોંગ્રેસના નેજા હેઠળ સફાઈ કામદારો દુકાને દુકાને વાટકા લઈને ભીખ માંગીને વિરોધ વ્યક્ત કર્યો હતો... અનેકવાર રજૂઆત કરીને પગાર મુદ્દે મામલતદારને આવેદનપત્ર આપી ચૂક્યા છે. તા.20 જૂન સુધી બાકી પગાર નહીં ચૂકવાય તો 49 કર્મીએ આત્મવિલોપન કરવાની ચીમકી પણ ઉચ્ચારી છે. તેમ છતાં સુધરાઈ તંત્ર દ્વારા તેમની માંગણી સ્વીકારવામાં આવી નથી. ત્યારે કોન્ટ્રાક્ટ બેઈઝ પર કામ કરતા કામદારોએ 5 દિવસથી હડતાળ કરી ઘરે રહી વિરોધ પ્રદર્શિત કર્યો હતો. 310 રૂ.ના બદલે કોન્ટ્રાક્ટર 250રૂ. ચૂકવતાં હોવાનો સફાઈ કામદારોએ આક્ષેપ કર્યો હતો. જેમાં જિલ્લા પંચાયત સદસ્ય ભગીરથસિંહ રાણા, લીંબડી પાલિકાના પૂર્વ વિરોધ પક્ષ નેતા અંબારામભાઈ દલવાડી,દિલીપભાઈ વલેરા, ઈલેશભાઈ ખાંદલા સહિત કોંગી કાર્યકરોના નેજા હેઠળ સફાઈ કામદારોએ બેનરો સાથે રેલી યોજી હતી. જેમાં વાસણ લઈ શહેરીજનો પાસે ફાળો ઉઘરાવી વિરોધ પ્રદર્શન કર્યું હતું.