મેઘાનો કહેર! ડેડીયાપાડામાં આભ ફાટ્યું: 12 કલાકમાં 21.5 ઇંચ ખાબક્યો, રાજ્યમાં 245 તાલુકાઓમાં વરસાદ

Published By : B.K.NEWS DAINIK
Published Date : 2022-07-12 11:04:15
Views : 259
Modified Date : 2022-07-12 11:04:15

સમગ્ર ગુજરાતમાં મેઘરાજાએ ભારે કહેર વર્તાવ્યો છે. ચારે બાજુ જળબંબાકારની સ્થિતિ જોવા મળી રહી છે. ત્યારે તમને જણાવી દઇએ કે, રાજ્યમાં છેલ્લા 24 કલાકમાં 245 તાલુકાઓમાં વરસાદે રમઝટ બોલાવી છે. જેમાં સૌથી વધુ 21.5 ઈંચ વરસાદ ડેડિયાપાડામાં ખાબક્યો છે.

ઉમરપાડામાં 17.5 ઇંચ વરસાદ ખાબક્યો

જ્યારે તિલકવાડામાં 20.5 ઇંચ, ઉમરપાડામાં 17.5 ઇંચ વરસાદ, સાગબારામાં 17 ઇંચ, કપરાડામાં 16 ઇંચ વરસાદ, જાંબુઘોડામાં 15.5 ઇંચ, ગરુડેશ્વરમાં 15 ઇંચ વરસાદ, નાંદોદમાં 14 ઇંચ, ડાંગમાં 13 ઇંચ વરસાદ નોંધાયો છે.

તો સુબિરમાં 12 ઇંચ, ધરમપુરમાં 10 ઇંચ, ગોધરામાં 10 ઇંચ, ઉચ્છલમાં 9.5 ઇંચ વરસાદ, સોનગઢમાં 9 ઇંચ, માંગરોળમાં 8.25 ઇંચ, સંખેડામાં 7.5 ઇંચ, ઉમરગામમાં 7.5 ઇંચ, વઘઇમાં 7 ઇંચ અને નસવાડીમાં 7 ઇંચ વરસાદ ખાબક્યો છે.

રાજ્યમાં સવારના 6થી 8 વાગ્યા સુધીમાં 74 તાલુકામાં વરસાદ વરસ્યો

વધુમાં તમને જણાવી દઇએ કે, રાજ્યમાં આજ સવારના 6થી 8 વાગ્યા સુધી 74 તાલુકામાં વરસાદ મન મૂકીને વરસ્યો છે. જેમાં સૌથી વધુ કચ્છના અંજારમાં 2.5 ઈંચ વરસાદ નોંધાયો છે.
બીજી બાજુ ડોલવણ અને રાજકોટમાં પણ 2.5 ઈંચ વરસાદ ખાબક્યો છે. તો નખત્રાણા અને ઉમરાળામાં 1.5 ઈંચ વરસાદ વરસ્યો. જ્યારે મોરબી, વઘઈ, ડેડિયાપાડા અને કલાવડમાં 1-1 ઈંચ વરસાદ વરસ્યો છે.