બ્રિટનથી આવનારી ફ્લાઈટ પરનો પ્રતિબંધ 7 જાન્યુઆરી સુધી વધારવામાં આવ્યો, દેશમાં કોરોનાના નવા સ્ટ્રેનના અત્યાર સુધીમાં 20 દર્દીઓ નોંધાયા.

Published By : B.K.NEWS DAINIK
Published Date : 2020-12-30 14:36:52
Views : 306
Modified Date : 2020-12-30 14:36:52

દેશમાં બ્રિટનમાંથી મળેલા વધુ ખતરનાક કોરોના વાઇરસથી સંક્રમિત દર્દીઓની સંખ્યા વધીને 20 થઈ છે. બુધવારે 13 નવા દર્દી મળ્યા છે. એ કયાં રાજ્યોમાંથી મળ્યા છે એ હજી સ્પષ્ટ થયું નથી. મંગળવારે નોંધાયેલા સાત દર્દીમાંથી 1-1 યુપી, તામિલનાડુ, આંધ્રપ્રદેશ અને તેલંગાણાના છે, જ્યારે ત્રણ કર્ણાટકના છે. આ દરમિયાન સરકારે બ્રિટનથી આવનારી ઉડાનો પરનો પ્રતિબંધ 7 જાન્યુઆરી સુધી વધારી દીધો છે. અગાઉ 22 ડિસેમ્બરની અડધી રાતથી 31 ડિસેમ્બર સુધી આ પ્રતિબંધ લગાવવામાં આવ્યો હતો.બ્રિટનમાંથી પરત ફરેલી આંધપ્રદેશની એક મહિલામાં કોરોનાનો નવો સ્ટ્રેન મળ્યો છે. 21 ડિસેમ્બરે દિલ્હી એરપોર્ટ પર ઊતર્યા પછી તેને આઈસોલેશન સેન્ટરમાં મોકલવામાં આવી હતી. ત્યાંથી તે ભાગીને સ્પેશિયલ ટ્રેનથી પોતાના ઘરે રાજમુદરી પહોંચી હતી. મહિલાની સાથે તેનો પુત્ર પણ હતો. જોકે તેના પુત્રનો રિપોર્ટ નેગેટિવ આવ્યો છે.

નવા સ્ટ્રેનના કેસ પ્રકાશમાં આવ્યા પછી કેન્દ્ર સરકાર અલર્ટ મોડમાં આવી ગઈ છે. હેલ્થ મિનિસ્ટ્રીએ મંગળવારે જણાવ્યું હતું કે 9થી 22 ડિસેમ્બરની વચ્ચે ભારત આવેલા ઈન્ટરનેશનલ પેસેન્જર્સ, જે સિમ્પ્ટોમેટિક કે સંક્રમિત મળ્યા છે. તેમનું જીનોમ સિક્વેન્સિંગ જરૂરી હશે. જ્યારે 31 ડિસેમ્બર સુધી સસ્પેન્ડ કરવામાં આવેલી UKની ઉડાનોને આગળ પણ બંધ કરવામાં આવી શકે છે. યુનિયન એવિએશન મિનિસ્ટર હરદીપ સિંહ પુરીએ કહ્યું હતું, મને લાગે છે કે અમારે તમામ UKની ફ્લાઈટ્સના સસ્પેન્શનને થોડું વધારવું પડી શકે છે.25 નવેમ્બરથી 22 ડિસેમ્બરની વચ્ચે બ્રિટનથી લગભગ 33 હજાર મુસાફરો ભારત આવ્યા છે. તેમાંથી અત્યારસુધીમાં 114 લોકોનો કોરોનાનો રિપોર્ટ પોઝિટિવ આવ્યો છે. કેટલાંક વધુ સેમ્પલ્સમાં નવા જીનોમ હોવાનું જાણવા મળ્યું છે. પોઝિટિવ મળેલા દર્દીઓને રાજ્યોમાં બનાવવામાં આવેલા કોવિડ સેન્ટરમાં આઈસોલેશનમાં રાખવામાં આવ્યા છે. તેમના સંપર્કમાં આવેલા લોકોને અલગ ક્વોરન્ટીન કરવામાં આવ્યા છે. નવા સંક્રમિતોના સંપર્કમાં આવેલા બીજા લોકોની પણ તપાસ કરાઈ રહી છે.

જીનોમ સિક્વેન્સિંગ કોઈપણ વાઈરસની સંપૂર્ણ માહિતી છે, જેમાં વાઈરસનો સંપૂર્ણ ડેટા હોય છે. વાઈરસ કેવો હોય છે? કેવો દેખાય છે? એની માહિતી જીનોમમાં મળે છે. વાઈરસના મોટા ગ્રુપને જીનોમ કહેવામાં આવે છે. વાઈરસ વિશે જાણવાની પ્રોસેસને જીનોમ સિક્વેન્સિંગ કહેવામાં આવે છે. એના દ્વારા કોરોનાના નવા સ્ટ્રેન વિશે તપાસ કરાઈ રહી છે.

Download Our B K News Today App

Related News

Recent Posts

Environment

Women Special

Tweets by BkNewsToday

Follow Us

About us

Head Office (B.K. News)

Quick Links