બનાસકાંઠા જિલ્લાના ભાભર નગરપાલિકાની ચૂંટણીમાં ભાજપમાં ગાબડું : ૨૦૦થી પણ વધુ ભાજપના કાર્યકરો કોંગ્રેસમાં જોડાયા.

Published By : B.K.NEWS DAINIK
Published Date : 2021-02-03 12:54:22
Views : 329
Modified Date : 2021-02-03 12:54:22

બનાસકાંઠામાં ભાભર નગરપાલિકા ની ચૂંટણી પહેલા ભાજપમાં ભંગાણ સર્જાયું છે અને વોર્ડ નંબર ત્રણમાં ૨૦૦થી પણ વધુ ભાજપના કાર્યકરો કોંગ્રેસમાં જોડાઇ જતાં ભાજપ માટે હવે ચૂંટણીમાં કપરા ચઢાણ જેવી સ્થિતિ સર્જાઈ છે...

- બનાસકાંઠા જિલ્લામાં સ્થાનિક સ્વરાજ્યની ચૂંટણીમાં નવો વળાંક..

- ડીસા અને ભાભરમાં સભ્યોએ કર્યો પલટવાર...

- ભાભરમાં 200 સભ્યો ભાજપમાંથી કોંગ્રેસમાં જોડાયા..

- બનાસકાંઠા જિલ્લામાં સ્થાનિક સ્વરાજ્યની ચૂંટણીમાં જંગ જામશે...

- બનાસકાંઠા જિલ્લામાં સ્થાનિક સ્વરાજ્યની ચૂંટણીમાં નવો વળાંક..

બનાસકાંઠા જિલ્લામાં આગામી સમયમાં 3 નગરપાલિકાની ચૂંટણીઓ યોજાનારી છે બનાસકાંઠા જિલ્લામાં અત્યાર થી પાલનપુર ડીસા અને ભાભરમાં યોજાનારી ચૂંટણીને લઇ દરેક પક્ષ પોતાની જીત માટે એડી ચોટીનું જોર લગાવી રહી છે ખાસ કરીને વાત કરવામાં આવે તો ગત ટર્મમાં પાલનપુર ડીસા અને ભાભર નગરપાલિકામાં ભાજપનું શાસન હતું પરંતુ આ પાંચ વર્ષના શાસન દરમિયાન ભાજપમાં અનેક વિખવાદના કારણે વિકાસ રોકાયો હતો અને જેના કારણે સ્થાનિક લોકોને ભારે હાલાકીનો સામનો કરવો પડ્યો હતો ત્યારે આગામી સમયમાં યોજાનાર નગરપાલિકાની ચુંટણીને લઈ કયા મુદ્દાઓને લઇ ચૂંટણી પ્રચારમાં જશે તે તો આવનારો સમય જ બતાવશે. ત્યારે થોડા દિવસ અગાઉ ડીસામાં આમ આદમી પાર્ટીના ૩૦૦ થી પણ વધુ કાર્યકર્તાઓ ભાજપમાં જોડાયા હતા તો બીજી તરફ ભાભર નગરપાલિકા માં પણ 200થી વધુ સભ્યો ભાજપને છોડી કોંગ્રેસમાં જોડાયા છે આ સમીકરણ જોતા સ્પષ્ટ કહી શકાય કે આ વખતે ની નગરપાલિકાની ચૂંટણીમાં ત્રણેય પક્ષ વચ્ચે ખરાખરીનો જંગ જામશે...

- ભાભરમાં 200 સભ્યો ભાજપમાંથી કોંગ્રેસમાં જોડાયા..

બનાસકાંઠામાં ડીસા , પાલનપુર અને ભાભર નગરપાલિકા ની ચૂંટણી યોજાવાની છે જેમાં ભાજપ આ ત્રણેય નગરપાલિકા કબજે કરવા માટે અત્યારથી જ એડીચોટીનું જોર લગાવી રહી છે પરંતુ ચૂંટણી પૂર્વે જ ભાભરમાં ભાજપમાં ભંગાણ સર્જાયું છે અને ભાભર ની અંદર વોર્ડ નંબર ત્રણ માં 200 થી પણ વધુ ભાજપના કાર્યકર્તાઓ કોંગ્રેસમાં જોડાઇ ગયા છે ભાજપ દ્વારા આ વિસ્તારના કાર્યકર્તાઓને વારંવાર ખોટા વચનો આપી ભરમાવ્યા હતા અને ગત ચૂંટણીમાં પણ કેટલાક કાર્યકર્તાઓને આ વખતની ચૂંટણીમાં ટિકિટ આપવાનું વચન આપ્યું હતું પરંતુ હવે આ વખતે પણ ભાજપે સંનિષ્ઠ કાર્યકરો ની વાત ન સાંભળતાં અને તેઓની અવગણના કરતા હવે કંટાળેલા કાર્યકર્તાઓ કોંગ્રેસમાં જોડાઇ ગયા છે ગત મોડી રાત્રે 200 થી પણ વધુ ભાજપના કાર્યકર્તાઓ મેલડી માતાના મંદિરે સોગંધ વિધિ સાથે કોંગ્રેસમાં જોડાયા છે, જેના કારણે ભાભરમાં હવે ભાજપે નગરપાલિકાની ચૂંટણી કપરા ચઢાણ સમાન બની ગઈ છે......

- બનાસકાંઠા જિલ્લામાં સ્થાનિક સ્વરાજ્યની ચૂંટણીમાં જંગ જામશે...

બનાસકાંઠા જિલ્લામાં આગામી સમયમાં ૩ વિસ્તારમાં નગરપાલિકાની ચૂંટણીઓ યોજાનાર છે ખાસ કરીને પાંચ વર્ષે યોજાતી આ ચૂંટણીઓમાં બનાસકાંઠા જિલ્લાવાસીઓ ની સૌથી વધુ નજર ડીસા અને પાલનપુરમાં રહેતી હોય છે પરંતુ આ વખતે ગ્રામીણ વિસ્તારોમાં યોજાનારી નગરપાલિકાની ચુંટણીને લઈને પણ નવા વળાંકો આવી રહ્યા છે ખાસ કરીને દર નગરપાલિકાની ચૂંટણીમાં ડીસા અને પાલનપુર ખાતે યોજાનારી નગરપાલિકાની ચૂંટણીમાં દરેક પક્ષના સભ્યો પક્ષ પલટો કરતા હોય છે અને જેના કારણે તેમના મતદારો પણ તેમની સાથે સાથે અન્ય પક્ષ સાથે જોડાતા હોય છે ત્યારે આ વર્ષે પણ યોજાનારી સ્થાનિક સ્વરાજ્યની ચૂંટણીને લઇ અનેક પક્ષો પોતાના પક્ષે છોડી અન્ય પક્ષ તરફ જોડાઈ રહ્યા છે ત્યારે સ્પષ્ટપણે કહી શકાય કે આ વર્ષે યોજાનારી ચૂંટણીમાં દરેક ઉમેદવારે પોતાની જીત માટે એડી ચોટીનું જોર લગાવી પડશે ત્યારે હવે જોવાનું એ રહ્યું કે મતદારોનો મિજાજ આવનારા સમયમાં કોને નગરપાલિકા સુધી પહોંચાડે છે...

Download Our B K News Today App

Related News

Recent Posts

Environment

Women Special

Tweets by BkNewsToday

Follow Us

About us

Head Office (B.K. News)

Quick Links