માણસાની વરસોડા બેઠકના કોંગ્રેસના ઉમેદવારે ફોર્મ પરત ખેંચતા ભાજપ બિનહરીફ જીત્યું

Published By : B.K.NEWS DAINIK
Published Date : 2021-02-17 11:37:28
Views : 323
Modified Date : 2021-02-17 11:37:28

માણસા તાલુકા પંચાયતની ૨૬ બેઠકો માટે અને જિલ્લા
પંચાયતની સાત બેઠકો માટે ભરાયેલા ઉમેદવારી ફોર્મ પરત ખેંચવાનો મંગળવારે છેલ્લો દિવસ હતો. જેમાં તાલુકાની વરસોડા બેઠકમાં કોંગ્રેસના ઉમેદવારે પોતાનું ફોર્મ પરત ખેંચતા ભાજપના ઉમેદવાર બિનહરીફ જાહેર થયા હતા. તો તાલુકાની ઇટાદરા બેઠકના કોંગ્રેસના ઉમેદવારે પ્રતિસ્પર્ધી ભાજપના ઉમેદવારને ટેકો જાહેર કરી ભાજપમાં જાેડાઈ ગયા હતા. તેવી જ રીતે ઇટાદરા જિલ્લા પંચાયતની બેઠક પર આમ આદમી પાર્ટીના ઉમેદવારે તેમનું ફોર્મ ભરત ખેંચી ભાજપમાં જાેડાઈ ગયા હતા.
પ્રાપ્ત માહિતી મુજબ માણસા તાલુકા પંચાયત અને જિલ્લા પંચાયતની ચૂંટણી જાહેર થવાની સાથે જ મુખ્ય રાજકીય પાર્ટીઓએ પોતાના લોક સંપર્ક અને સક્ષમ ઉમેદવારો પર ધ્યાન કેન્દ્રિત કરી ચૂંટણીના મેદાનમાં ઉતર્યાહતા માણસા તાલુકા
પંચાયતની ૨૬ બેઠકો માટે અને જિલ્લા પંચાયતની સાત બેઠકો માટે ભાજપ કોંગ્રેસ અને આપ પાર્ટી સહિત અપક્ષોએ
પોતાના ઉમેદવારોના ફોર્મ ભરાવ્યા હતા. જેમાંથી ચકાસણી બાદ તાલુકા પંચાયત માટે ૭૦ ફોર્મ અને જિલ્લા
પંચાયત માટે ૨૭ ફોર્મ માન્ય રાખવામાં આવ્યા હતા જેમાં આજે ઉમેદવારી પરત ખેંચવાનો છેલ્લો દિવસ હતો ત્યારે ભાજપ કોંગ્રેસ પ્રતિસ્પર્ધી ઉમેદવારો મતમાં ગબડા ન પડે તે માટે કોઈપણ ભોગે આજે ઉમેદવારી પરત ખેંચે તેવા પ્રયત્નોમાં લાગી ગયા હતા. જેમાં તાલુકાની વરસોડા બેઠક પર કોંગ્રેસ તરફથી ઉમેદવારી કરનાર માણસા તાલુકા
પંચાયતના પૂર્વ કારોબારી ચેરમેન ચૌધરી પ્રકાશભાઈ ગોવાભાઇએ પોતાની ઉમેદવારી પરત ખેંચતાં કોંગ્રેસમાં ભૂકંપ આવ્યો હતો અને આ બેઠક ભાજપને બિન હરીફ મળી ગઈ હતી. તેવી જ રીતે તાલુકાની ઇટાદરા બેઠકના કોંગ્રેસના ઉમેદવાર દિપકભાઈ પટેલ ઉમેદવારી પરત ખેંચી નહોતી પરંતુ ભાજપ કાર્યાલય જઈ ભાજપના આગેવાનો પૂર્વ ધારાસભ્ય અમિતભાઈ ચૌધરી, તાલુકા ભાજપ પ્રમુખ લક્ષ્મણસિંહ રાઠોડ, દૂધસાગર ડેરીના ડિરેક્ટર યોગેશભાઈ
પટેલ ચૂંટણી ઇન્ચાર્જ જે. એસ. પટેલની ઉપસ્થિતિમાં કોંગ્રેસ સાથે છેડો ફાડી વિધિવત ભાજપમાં જાેડાઈ ગયા હતા અને ભાજપના ઉમેદવારને
પોતાનું સમર્થન જાહેર કર્યું હતું. તો ઇટાદરા જિલ્લા
પંચાયતની બેઠક પરના આમ આદમી પાર્ટીના ઉમેદવાર યામીકાબેન પટેલે પણ પોતાની ઉમેદવારી પરત ખેંચી ભાજપમાં જાેડાઈ ગયા હતા. અને તેમને સમર્થન જાહેર કર્યું હતું ફોર્મ પરત ખેંચવાના મંગળવારે છેલ્લા દિવસે તાલુકા
પંચાયતની ૨૬ બેઠકો માટે હવે ૬૩ ઉમેદવારો મેદાનમાં રહ્યા છે. જેમાં ૧૪ બેઠક પર ભાજપ-કોંગ્રેસ સીધો જંગ ૧૦ બેઠકો પર ત્રિપાંખિયો જંગ અને ઇટાદરા બેઠક પર સૌથી વધુ
પાંચ ઉમેદવારો વચ્ચે જંગ જામશે તેવી જ રીતે જિલ્લા
પંચાયતની સાત બેઠકો પર ૧૭ ઉમેદવારો મેદાનમાં રહ્યા છે. જેમાં પાંચ બેઠક પર ભાજપ કોંગ્રેસ વચ્ચે, એક બેઠક પર ત્રિપાંખિયો અને એક સમૌ બેઠક પર ચાર ઉમેદવારોનો જંગ રહેશે.
આ વખતની ચૂંટણીમાં આમ આદમી પાર્ટીએ પણ
ઝંપલાવ્યું છે અને તાલુકા
પંચાયતની નવ અને જિલ્લા
પંચાયતની એક બેઠક પર ઉમેદવારી નોંધાવી છે તો નગરપાલિકાના એક વોર્ડની
પેટા ચૂંટણી માટે ૪ ઉમેદવારોનો ચૂંટણી જંગ જામશે.