મતદાન પહેલા રવીન્દ્ર જાડેજાને યાદ આવ્યા બાળાસાહેબ ઠાકરે, જુઓ ગુજરાતીઓને શું આપી સલાહ?

Published By : B.K.NEWS DAINIK
Published Date : 2022-12-01 11:20:08
Views : 486
Modified Date : 2022-12-01 11:20:08

ભારતીય ક્રિકેટ ટીમના સ્ટાર ઓલરાઉન્ડર રવિન્દ્ર જાડેજા હાલ ગુજરાત ચૂંટણીમાં પોતાની પત્ની માટે પ્રચારમાં વ્યસ્ત છે અને આ દરમિયાન એમને શિવસેનાના સંસ્થાપક દિવંગત બાળ ઠાકરેનો એક વીડિયો શેર કર્યો હતો અને આ વિડીયો શેર કરતાંની સાથે એમને ગુજરાતીઓને સલાહ પણ આપી હતી. જણાવી દઈએ કે જાડેજાના પત્ની રીવાબા જામનગર બેઠક પરથી ભારતીય જનતા પાર્ટીની ટિકિટ સાથે ચૂંટણી મેદાનમાં ઉતર્યા છે.

શેર કરેલ વિડીયો સાથે આ આપી સલાહ
રવિન્દ્ર જાડેજાએ તેમના ટ્વિટર હેન્ડલ પરથી જે વિડીયો શેર કર્યો છે એ વીડિયો બાળ ઠાકરેના જૂના કાર્યક્રમનો છે અને તેમાં તેઓ કહેતા સાંભળી શકાય છે કે, ' મારી પાસે કહેવા માટે એટલું જ છે કે જો નરેન્દ્ર મોદી ગયા તો ગુજરાત પણ ગયું.' આ વિડીયો પોસ્ટ કર્તાની સાથે જ જાડેજાએ પોસ્ટમાં લખ્યું હતું કે, 'હજુ પણ સમય છે, સમજી જાઓ ગુજરાતીઓ.' જણાવી દઈએ કે રવિન્દ્ર જાડેજાના પત્ની રીવાબાએ વર્ષ 2019માં ભાજપ સાથે જોડાયા હતા.

રવીન્દ્ર જાડેજાના બેન છે કોંગ્રેસના ઉમેદવાર
અંહિયા ખાસ વાત એ છે કે રવીન્દ્ર જાડેજાની બહેન નયનાબા કોંગ્રેસના ઉમેદવાર છે, આટલું જ નહીં પણ તેમના પિતા પણ કોંગ્રેસ માટે પ્રચાર કરી રહ્યા છે. જણાવી દઈએ કે ચૂંટણી પહેલા જ જાડેજાના પત્ની રીવાબાએ સ્પષ્ટ કરી દીધું હતું કે તેમના પરિવારમાં કોઈ મતભેદ નથી બસ વિચારધારાની વાત છે. જો કે વર્ષ 2012માં ભાજપે એ સીટ પરથી ધર્મેન્દ્રસિંહ જાડેજાને મેદાનમાં ઉતાર્યા હતા.

ગુજરાતમાં આજે પ્રથમ તબક્કાનું મતદાન
આજે રાજ્યની 182 બેઠકોમાંથી સૌરાષ્ટ્ર-કચ્છ અને દક્ષિણ ગુજરાતની 89 બેઠકો પર સવારે 8 વાગ્યાથી મતદાન શરૂ થઈ ગયું છે. રાજ્યના 19 જિલ્લાના 25 હજાર 430 મતદાન મથકો પર પ્રથમ તબક્કાનું મતદાન શરૂ થયું છે. પ્રથમ તબક્કામાં 2 કરોડ 39 લાખ 76 હજાર 670 મતદારો સાંજના 5 વાગ્યા સુધી પોતાના મત્તાધિકારનો ઉપયોગ કરશે. પ્રથમ તબક્કાની 89 બેઠકો પર કુલ 788 ઉમેદવારો મેદાનમાં છે. આ 788 ઉમેદવારોનું ભાવિ આજે EMVમાં કેદ થશે.