થરાદની જે.જે. હોસ્પિટલમાં વિચિત્ર બાળકનો જન્મ

Published By : B.K.NEWS DAINIK
Published Date : 2020-06-07 11:36:18
Views : 7179
Modified Date : 2020-06-07 11:36:18

થરાદ શહેરમાં આવેલ જે.જે.હોસ્પિટલમાં એક મહિલાને ડીલીવરી થતા બાળક વિચિત્ર પ્રકારનું જન્મ્યુ હતું. આ બાળકને માથા અને મગજનો ભાગ વિકસીત ન હતો. આ બાળક જનમતા જ મૃત્યુ પામ્યું હતું.
આ વિશ્વમાં વિજ્ઞાન થકી મનુષ્ય ગમે તે કરી શકે છે પરંતુ કુદરત આગળ લાચાર છે. જેમાં થરાદની જે.જે. હોસ્પિટલમાં ડો. નરપતભાઈ ચૌધરી દ્વારા એક નોર્મલ ડિલીવરી કરવામાં આવી હતી. જેમાં ભાગ્યે જ જોવા મળતુ જન્મજાત ખામીવાળુ બાળક પુરા મહિને જન્મ્યુ હતું. આ પ્રકારની ખામીમાં બાળકને આંખથી ઉપરનો માથાનો અને મગજનો ભાગ વિકસેલો હોતો નથી. આથી બાળકનો દેખાવ બહુ જ ભયાનક લાગતો હોય છે. મેડીકલ ભાષામાં આને ખોડખાંપણ અને એનનફિકેલ કહેવાય છે. આ તકલીફ જ્યારે ગર્ભમાં બાળકનો વિકાસ થતો હોય ત્યારે ફોલીક એસિડ તત્વની ઉણપના લીધે થાય છે. આ બાબતે એમ.એસ. સર્જન ગાયનેક ડોકટર નરબતભાઈએ જણાવ્યું હતું કે આવી તકલીફ નિવારવા માટે પ્રેગનન્સી દરમ્યાન શરૂઆતથી જ ફોલિક એસિડની ગોળી ડોકટરની સલાહ મુજબ લેવી. તેમજ આવા કેસમાં કોઈ ઓપરેશનની જરૂર પડતી નથી, નોર્મલ ડીલીવરી થઈ શકે છે. આવી ડીલીવરી ડોકટર નરપતભાઈ દ્વારા ચાર વખત કરેલી છે.