બનાસકાંઠા જિલ્લામાં અનાજ કૌભાંડ ઃ તેરીભી ચૂપ મેરીભી ચૂપ

Published By : B.K.NEWS DAINIK
Published Date : 2021-02-22 11:44:30
Views : 507
Modified Date : 2021-02-22 11:44:30

બનાસકાંઠા જિલ્લાના અન્ન અને નાગરિક પુરવઠા નિગમના પાલનપુર ગોડાઉનમાંથી ૧૫૦૦૦ કટ્ટા અનાજના બારોબાર વેચવાનો કૌભાંડ થયું છે. જેમાં ગોડાઉન મેનેજર
ઉપર માછલા ધોઇ તેને સસ્પેન્ડ અને બદલી કરી ડી.એસ.એમ. નો બચાવ કરવામાં આવે છે. અગાઉની જાણકારી મુજબ બનાસકાંઠા જિલ્લામાં શોર્ટ સર્કિટના બહાને ગોડાઉન સળગાવી બારોબાર પ્રજાને સરકારી જેટલો વેચી માર્યો તથા તેમાં ભીનું સંકેલવામાં આવ્યું જેની ફાઈલ આજે છાપરે ચડાવી દેવામાં આવી છે.
આ જ પ્રમાણે બનાસકાંઠા જિલ્લાના અન્ય ગોડાઉનમાં પણ સરકારી અનાજ બારોબાર જિલ્લાની બહાર વેચવા માટે કરોડો રૂપિયાનો પણ જનરલ મેનેજર એસ.કે.મોદી દ્વારા ઘણા વર્ષોથી કરોડોનું કૌભાંડ આચરવામાં આવ્યું છે. જેમાં
પુરાવાની દ્રષ્ટિએ જાેવામાં આવે તો ડીસા, દિયોદર, થરાદ,
ધાનેરા, લાખણી અને કાંકરેજ ખાતે પણ આ જ પરિસ્થિતિ જાેવા મળે છે. કૌભાંડીઓની મોટી ગેંગ પુરવઠા ગોડાઉનમાંથી પોતાની ટ્રકો મારફતે ગોડાઉનથી માલ
ઉપાડી ચંડીસર તેમજ એમના ખાસ જગ્યાએ સ્ટોરેજ કરી કાગળ ઉપર મિલોના ખોટા બિલો ચલાવી સરકારી જથ્થો મહેસાણા તેમજ અમદાવાદ ખાતે વેચવામાં આવે છે. જેમાં સમગ્ર કૌભાંડ પંડિત દિનદયાળ કંટ્રોલ ધરાવતા દુકાનદાર
પોતાની કંટ્રોલની દુકાનો કૌભાંડીઓ ચલાવવા માટે
આપે છે. જેમાં તેઓ માત્ર માસિક ફિક્સ ભાડું લેતા હોય તથા તેમનો જથ્થો ઉપાડવાનો થાય તો આ કૌભાંડીઓ ડાયરેક્ટ પોતાની માલિકીના વાહન દ્વારા ગોડાઉન ખાતેથી માલમાં હેરફેર કરી ડીએસએમ સાથે સાંઠગાંઠ કરી સીધો જ વહીવટ કરવામાં આવે છે. જ્યારે ગોડાઉન મેનેજરને માત્ર ડીએસએમની સૂચનાનું
પાલન કરવાનું હોય છે. આ માટે બી.કે.ન્યૂઝ દૈનિક તરફથી ગરીબોને તથા ગરીબ સ્ત્રીઓને ન્યાય મળે તે હેતુથી આ ઝુંબેશ ચલાવવામાં આવે છે. જેમાં દોશી માત્રને માત્ર વડી કચેરીના એમ.ડી., જિલ્લાના ડી.એસ.એમ. તેમજ જિલ્લાના ડી.એસ.ઓ. છે.
૧૫૦૦૦ કટ્ટા બારોબાર સગેવગે કરવામાં પાલનપુરના એસોસિએશનના પ્રમુખે પણ હજુ સુધી આ કૌભાંડ વિશે કોઈ જ બોલવા તૈયાર નથી. આટલો મોટો જથ્થો દુકાનદારો, માલ સપ્લાય કરનાર કોન્ટ્રાકટર, ગોડાઉન મેનેજર તેમજ તેમના ઉપર આવતા અધિકારીઓ પણ સામેલ હોય તેમાં બે મત નથી. અને ખાસ કરીને ગોડાઉનના જવાબદાર ડી.એસ.એમ. મોદી પર કાયદેસરના પગલા કેમ લેવાતા નથી. ગોડાઉનના મેનેજર અને નાના કર્મચારીઓ ઉપર માછલાં ન ધોવા જાેઈએ. તથા વર્ષોથી એક જ જિલ્લામાં પોસ્ટીંગ મેળવતા અને ઊંચી મલાઇ ખાનાર મગફળી તેમજ રાયડા જેવી ટેકાના ભાવે ખરીદીમાં પણ વિશેષ કૌભાંડ થયેલ જેની પણ
ઊંડાણપૂર્વક તપાસ કરીએ તો જતીન મોદીનો હાથ જ હોય તેવી શકયતાઓ નકારી શકાતી નથી. જાે સરકાર દ્વારા પારદર્શક વહીવટ થતો હોય તેમજ કોઈપણ પ્રકારની ચોરી તેમજ ભેળસેળ સમગ્ર ગુજરાતમાં ન થતી હોય તો શા માટે એફસીઆઈનો સીલ બંધ જથ્થો સિલાઈ પેક કરેલ ગોડાઉન પર તમામ જથ્થો સીલ બંધ તોડી ભેળસેળ આચરવામાં આવે છે. જે વજન ગોડાઉન ઉપરથી ફરી સીલ તોડી જથ્થો બદલી ઓછા વજનનો શા માટે કંટ્રોલ દુકાનદારને આપવામાં આવે છે ?
સૂત્રો દ્વારા મળતી માહિતી મુજબ ગુજરાત રાજ્યમાં જે કૌભાંડ આચરવામાં આવે છે તથા જે ઉપર એસીબી થયેલ છે તેવા ડી.એસ.એમ. અને કર્મચારીઓના બચાવી પરત નોકરી પર લેવા તેમજ કૌભાંડ ડી.એસ.એમ.ને બચાવવા માટે ગુજરાત રાજ્ય નાગરિક પુરવઠા નિગમની વર્ષોથી જે હોદ્દો તેમને મળવાપાત્ર નથી. તેમ છતાં પર્સોનલ બ્રાન્ચ (મહેકમ)ના કાયદા વિરૂધ્ધ કંપની સેક્રેટરી હોવા છતાં કૌભાંડી કર્મચારીઓ તેમજ અધિકારીઓના બચાવવા માટે જનરલ મેનેજર પર્સોનલ મોનિકા પંડ્યા અનેક વર્ષોથી એક જ પદ પર બિરાજમાન છે જે કંપની સચિવના હોદ્દા પર રહી શકે તેવું જીએડીના અધિકારીઓએ નામ ન આપવાની શરતે જણાવેલ.
સ્પષ્ટ પ્રતિભા અને પારદર્શક વહીવટ અને કુશળતા ધરાવતા તુષાર ધોળકિયા એમડી ગુ.રા.ના.પૂ.ની ના એમડીએ પર્સોનલ બ્રાન્ચના જીએમ તેમજ જનરલ મેનેજર એમ.એસ.પી.ને તાત્કાલિક ધોરણે સૂચના આપી જતીન મોદી પર પોલીસ ફરિયાદ દાખલ કરવી જાેઈએ. તથા વર્ષોથી બિનઅધિકૃત રીતે જનરલ મેનેજર પર્સોનલ (મહેકમ)નો ચાર્જ મોનીકા પંડ્યા પાસેથી પરત લઇ માત્ર સરકારના નિયમો અનુસાર માત્ર કંપની સેક્રેટરી તરીકેની કામગીરી કરાવી જાેઈએ તથા આવા કોભાંડો તેમજ એસીબી થયેલ કર્મચારીઓ અથવા અધિકારીઓને પરત લઈ છાવરવાનો પ્રયત્ન કરનાર તથા એક જ મુદ્દા ઉપર વર્ષોથી ચોંટીને રહેલાને દુર કરવા જાેઈએ.
આ સાથે અન્ય એક ગોડાઉનના મેનેજર નામ ન આપવાન શરતે જણાવે છે કે ચંડીસર ખાતે દાળમિલના કૌભાંડીયો દ્વારા ખરીદેલા જથ્થો એનો એ જ સરકારી ગોડાઉનથી લાવેલ જથ્થો ગાંધીનગર નિગમની કચેરી પર ટેન્ડરોમાં મલાઇ ખવડાવવીએ જથ્થો સરકારને પરત કરવામાં આવે છે તથા નિગમ દ્વારા ખરીદેલો જથ્થો દુકાનદારોને આપવામાં આવે છે. આ કૌભાંડીઓની સાયકલ વધુ ચાલે તો ગરીબ પ્રજા ત્રાહિમામ પોકારી જશે તેમજ આવનારા સમયમાં આવા અધિકારીઓની સામે લાલ આંખ કરવામાં નહીં આવે તો સરકારને મોટું નુકસાન થઈ શકે તેમ છે.

ઉપર સુધી દબાણ
ડી.એસ.એમ. મોદી પર તાજેતરમાં જીએસમાંથી આઈએઅએસ થયેલ છે. એસ.કે.મોદીના જનરલ મેનેજર એમસએસપી ચાર હાથ છે. તથા ડીએસએમ મોદીને બચાવવા માટે નિગમના એમડી સ્વચ્છ પ્રતિભા ધરાવતા ધોળકિયાને ગેરમાર્ગે દોરી મોદી પર એફ.આઈ.આર. ન કરવા માટે દબાણ કરી રહ્યા છે.

તપાસ થવી જાેઈએ
ડીએસએમ મોદી સાથે ઘરબો ધરાવતા મોનિકા પંડ્યા તેમજ ડી.એસ.એમ. મોદી પર ઉચ્ચ કક્ષાએથી તેમજ એસીબી દ્વારા અપ્રમાણસર મિલકતનો કેસ દાખલ કરવો જાેઈએ. જેથી ગાંધીનગર નજીક ફાર્મ હાઉસ અમદાવાદના ફ્લેટ વિસનગર ખાતે વાહનના શો રૂમ તેમજ પ્રાઈવેટમાં મિલકતો ઉચ્ચ કક્ષાએ એસીબીએ રસ લઇ તપાસ કરવી જાેઈએ.