અમદાવાદ, ગાંધીનગર સહિત ગુજરાતના અનેક વિસ્તારોમાં વહેલી સવારથી ધોધમાર વરસાદ

Published By : B.K.NEWS DAINIK
Published Date : 2019-08-27 11:07:47
Views : 584
Modified Date : 2019-08-27 11:34:57

અમદાવાદ: હવામાન વિભાગની આગાહી વચ્ચે અમદાવાદ, ગાંધીનગર, સુરત અને વડોદરા સહિત ગુજરાતના અનેક વિસ્તારોમાં વહેલી સવારથી ધોધમાર વરસાદ શરૂ થઈ ગયો છે. અમદાવાદમાં ગોતા, રાણીપ, ચાંદલોડિયા, સરખેજ, પ્રહલાદનગર, ચાંદખેડા, મોટેરા, મેમનગર, નરોડા, મેમકો ઓઢવ, સહિતના વિસ્તારોમાં વરસાદ પડી રહ્યો છે. હવામાન વિભાગે 28 ઓગસ્ટે અમદાવાદમાં ધોધમાર વરસાદની આગાહી કરી છે.છેલ્લા 24 કલાકમાં ગુજરાતમાં સૌથી વધુ વરસાદ છોટાઉદેપુર જિલ્લામાં 4 ઈંચ વરસાદ નોંધાયો હતો. આ ઉપરાંત ગોધરામાં 3.12 ઈંચ, મોરવાહડફમાં 3.16 ઈંત, દાહોદ અને ક્વાંટમાં 3-3 ઈંચ, પાવીજેતપુર, બોડેલી, ભિલોડા, ધનસુરા ડભોઈ, વડોદરામાં 2-2 ઈંચ, શહેરામાં 1.8 ઈંચ, જાંબુઘોડામાં 1.6 ઈંચ, કાલોલમાં 1.5 ઈંચ, બાયડ અને માલપુરમાં 1.5 ઈંચ, ઘોઘંબામાં 1.4 ઈંચ અને હાલોલમાં 1.3 ઈંચ વરસાદ ખાબક્યો હતો.છેલ્લા 24 કલાકમાં મોડાસા, મેઘરજ, ગરબાડા, ઝાલોદ, દેવગઢબારિયા, ધાનપુર, ફતેપુરા, લીમખેડા, ડેસર અને સિંગવડ સહિતના ગુજરાતના અનેક વિસ્તારોમાં 1થી દોઢ ઈંચ જેટલો વરસાદ વરસ્યો હતો.છેલ્લા 24 કલાકમાં મોડાસા, મેઘરજ, ગરબાડા, ઝાલોદ, દેવગઢબારિયા, ધાનપુર, ફતેપુરા, લીમખેડા, ડેસર અને સિંગવડ સહિતના ગુજરાતના અનેક વિસ્તારોમાં 1થી દોઢ ઈંચ જેટલો વરસાદ વરસ્યો હતો.

ગુજરાતમાં 3 દિવસ ભારેથી અતિભારે વરસાદની હવામાન વિભાગે આગાહી વ્યક્ત કરી છે. ઉત્તર ગુજરાત, દક્ષિણ ગુજરાત અને સૌરાષ્ટ્રમાં ભારેથી અતિ ભારે વરસાદ પડે તેવી સંભાવના છે. દક્ષિણ ગુજરાતમાં વલસાડ, સુરત નવસારી, દમણ, દાદરા નગર હવેલીમાં વધુ અસર જોવા મળશે.