અમદાવાદમાં સેક્ટર ૨ જે.સી.પી.ની ટીમે ત્રણ શખ્સ સરકારી અનાજના જથ્થાને બારોબાર વેચવાનું કૌભાંડ ઝડપાયું અને તેની ધરપકડ કરાઈ.

Published By : B.K.NEWS DAINIK
Published Date : 2020-10-20 11:22:14
Views : 318
Modified Date : 2020-10-20 11:22:14

શાહીબાગ સરકારી અનાજના ગોડાઉનમાંથી ૧૬,000 કિલો ઘઉં અને ચોખા ભરી નરોડા જી.આઇ.ડી.સી ફેઝ ૩માં આવેલા ગોડાઉનમાં લાવી માલ સગેવગે કરવાના હતા. પોલીસે મહિલા દુકાનદાર તેના વહીવટદાર અને ટ્રક માલિક સહિત ૫ સામે ગુનો નોંધી ત્રણની ધરપકડ કરી છે. નરોડા જી.આઈ.ડી.સી.ની એક કંપનીની બાજુમાં અનાજ લઈ જવાયું હતું સેક્ટર ૨ જે.સી.પી. ગૌતમ પરમારની સ્ક્વોડને બાતમી મળી હતી કે, નરોડા જી.આઇ.ડી.સી. ફેઝ ૩માં મૂડસોનિક કંપનીની બાજુના ગોડાઉનમાં ગેરકાયદેસર રીતે સરકારી અનાજનો જથ્થો લાવવામાં આવ્યો છે. જેથી પી.એસ.આઈ. વી.એન .હરકટ અને ટીમે નરોડા જીઆઇડીસી ખાતે ગોડાઉનમાં દરોડો પાડતાં સરકારી રેશનિંગના આશરે 16 હજાર કિલો ઘઉં અને ચોખા ભરેલી ટ્રક મળી આવી હતી. ટ્રક ડ્રાઈવર સુખબીર તોમર (રહે. મેઘાણીનગર), ટ્રક માલિક મદનલાલ તૈલી (રહે. નરોડા ) અને ગોડાઉન માલિક મહેશ નાથાણી (રહે. કુબેરનગર) મળી આવ્યા હતા. ત્રણેયની પૂછપરછ કરતા શાહીબાગ ઘોડાકેમ્પ ખાતે આવેલા સરકારી અનાજના ગોડાઉનમાંથી ટ્રક ભરી શાહીબાગ સનરાઇઝ પાર્ક ખાતે ગીતાબેન ચુનારાની સરકારી અનાજની દુકાને લઇ જવાનો હતો

ટ્રક માલિક મદન તૈલીએ આ જથ્થો ગીતાબેનના ત્યાં ઉતારવાની જગ્યાએ ગોડાઉનમાં લાવવા કહ્યું હતું. જેથી આ જથ્થો અહીંયા લાવ્યા હતા. પોલીસે આ બાબતે પુરવઠા ખાતાના અધિકારીને જાણ કરી હતી. વધુ પૂછપરછ કરતાં જથ્થો ગીતાબેનના દુકાને લાવવાનો હતો પરંતુ દુકાનના વહીવટદાર પરષોત્તમ તિવારીએ ગરીબોનો સરકારી અનાજનો જથ્થો ટ્રક માલિક મદન તૈલીને ગમે તે વેપારીને વેચી દેવા કહ્યું હતું. પોલીસ અને પુરવઠા વિભાગે સમગ્ર જથ્થો સીઝ કરી ત્રણ શખ્સની ધરપકડ કરી છે. જ્યારે દુકાન માલિક અને વહીવટદારની ધરપકડ કરવા તજવીજ શરૂ કરી છે.

Download Our B K News Today App

Related News

Recent Posts

Environment

Women Special

Tweets by BkNewsToday

Follow Us

About us

Head Office (B.K. News)

Quick Links