બ્રિટને કહ્યું- ભારત અમારો મિત્ર દેશ, આ મુશ્કેલ સમયમાં અમે તેની સાથે છીએ, EU અને ઈરાને પણ ભારતને મદદ કરવાનો વિશ્વાસ વ્યક્ત કર્યો.

Published By : B.K.NEWS DAINIK
Published Date : 2021-04-26 11:33:18
Views : 246
Modified Date : 2021-04-26 11:33:18

કોરોનાની બીજી લહેર સામે સંઘર્ષ કરી રહેલા ભારતને મિત્ર દેશોએ મદદની ઓફર કરી છે. બ્રિટનના વડાપ્રધાન બોરિસ જોહન્સને રવિવારે સાંજે એક નિવેદન આપ્યું હતું. તેમણે કહ્યું- આ મુશ્કેલ સમયમાં અમે ભારતની સાથે ઊભા છીએ. અમે ભારત સરકાર સાથે સતત સંપર્કમાં છીએ. ભારત અમારો મિત્ર દેશ છે અને કોવિડ-19 સામેની આ લડાઇમાં અમે તેને સંપૂર્ણ સાથ આપીશું.જોહન્સના નિવેદનના થોડા સમય પછી બ્રિટન સરકારના વિદેશ મંત્રાલયે એક નિવેદન જાહેર કર્યું હતું. તેણે કહ્યું- ભારતને તાત્કાલિક 600 મેડિકલ સાધનો મોકલવામાં આવી રહ્યાં છે. આમાં ઓક્સિજન કોન્સન્ટ્રેટર્સ અને વેન્ટિલેટર સામેલ છે. બીજી તરફ, બુર્જ ખલીફાને ભારતીય ત્રિરંગાના રંગથી રંગવામાં આવ્યો હતો. આના દ્વારા તેણે પણ ભારતની સાથે ઊભા રહેવાનો સંદેશ આપ્યો હતો.

ભારતમાં મેડિકલ ઓક્સિજન ક્ષમતા વધારવા માટે ફ્રાન્સ અને જર્મનીએ પણ તૈયારી કરી લીધી છે. જર્મન ચાન્સેલર એન્જેલા મર્કેલે તેનું નામ 'મિશન સપોર્ટ ઇન્ડિયા' રાખ્યું છે. તેમણે કહ્યું- આ મહામારી સામે આપણે બધા લડાઈ લડી રહ્યા છીએ. અમે ભારતની સાથે મજબૂતાઈ સાથે ઊભા છીએ. અમે આ માટે તૈયારી કરી લીધી છે. ફ્રાન્સે પણ આ પ્રકારનું નિવેદન જારી કર્યું છે. આ પછી ઓસ્ટ્રેલિયાએ પણ કહ્યું હતું કે તેઓ ભારતને શક્ય એટલી તમામ પ્રકારની મદદ કરશે. સિંગાપોર સરકારે રવિવારે સાંજે ભારત માટે એક શિપમેન્ટ રવાના કર્યું હતું. આમાં ઓક્સિજન કોન્સન્ટ્રેટર્સ અને અન્ય મૅડિકલ સાધનો સામેલ છે. અહીંથી એર ઇન્ડિયાની વિશેષ ફ્લાઇટ દ્વારા મેડિકલ સામાન ભારત રવાના કરવામાં આવી છે. બે દિવસ પહેલાં સિંગાપોર સરકારે ભારતીય વિદેશ મંત્રાલયનો સંપર્ક કર્યો હતો.

યુરોપિયન કમિશનના કમિશન ઉર્સ્લા વોન ડેર લિને રવિવારે સાંજે કહ્યું- અમે ભારતમાં મહામારીને કારણે ઉદભવેલી પરિસ્થિતિથી ચિંતિત છીએ. આ મુશ્કેલ સમયમાં યુરોપિયન યુનિયન ભારતને તાત્કાલિક મદદ કરશે. યુરોપિયન યુનિયનમાં સામેલ દેશો વચ્ચે એક સમજૂતી છે. આ હેઠળ તેઓ કટોકટીમાં તેમના સાથી દેશને મદદ કરી શકે છે અને યુરોપિયન કમિશનના અધ્યક્ષ દ્વારા નિર્ણય લઈ શકાય છે.

Download Our B K News Today App

Related News

Recent Posts

Environment

Women Special

Tweets by BkNewsToday

Follow Us

About us

Head Office (B.K. News)

Quick Links