અમદાવાદમાં ચાલુ વર્ષે જુન સુધીમાં 48 હજારથી વધુ મકાનો વેચાયા વગરના રહ્યા હતા

Published By : B.K.NEWS DAINIK
Published Date : 2019-10-22 16:53:11
Views : 330
Modified Date : 2019-10-22 16:53:11

વેચાયાં ન હોય તેવા મકાનોની સંખ્યા અમદાવાદ શહેરમાં ચાલુ વર્ષે જુન સુધીમાં 48 હજાર યુનિટ્સ જેટલી રહી હતી. એનારોક પ્રોપર્ટી કન્સલ્ટન્ટ પ્રાઇવેટ લીમીટેડે આપેલા આંકડા મુજબ અમદાવાદની કુલ અનસોલ્ડ ઇન્વેન્ટરીમાંથી લગભગ 23% એટલે કે 11,160 મકાનો રેડી ટુ મુવ કેટેગરીમાં છે. બીજા શબ્દોમાં કહીએ તો મકાનો તૈયાર છે પણ તેનું વેચાણ થયું નથી. એનારોકના રીપોર્ટ મુજબ, મુંબઈ, દિલ્હી, બેંગ્લોર, પુના, હૈદરાબાદ, ચેન્નાઈ અને કોલકાતા જેવા મેટ્રો સિટીમાં પણ વેચાયા વગરના મકાનોની સંખ્યા 6.56 લાખ યુનિટ્સ જેટલી છે. જેમાંથી રેડી ટુ મુવ કેટેગરીમાં 81,300 યુનિટ્સ અનસોલ્ડ છે.અમદાવાદમાં એફોર્ડેબલ હાઉસીંગમાં ના વેચાયેલા મકાનો વધુ રેડી ટુ મુવ કેટેગરીમાં જે કુલ મકાનો વેચાયા વગરના પડ્યા છે તેમાંથી 46% એટલે કે આશરે 5,130 એફોર્ડેબલ હાઉસીંગ સેગમેન્ટના છે જેની કિંમત રૂ. 40 લાખથી નીચેની છે. આ ઉપરાંત રૂ. 40-80 લાખના બજેટના અંદાજે 3900 મકાનો અનસોલ્ડ છે. રૂ. 80 લાખથી લઈને 1.5 કરોડ સુધીના 1340 યુનિટ્સ વેચાયા વગરના છે જયારે તેનાથી ઉપર લક્ઝરી કેટેગરીમાં 900 મકાનો વેચાયા વગરના રહ્યા હતા.દેશના ટોચના 7 શહેરોમાં પણ સમાન સ્થિતિ એનારોક પ્રોપર્ટીના અધ્યક્ષ અનુજ પુરીએ જણાવ્યું કે, ટોચના શહેરોમાં મુંબઈમાં લગભગ 21,000 યુનિટ જેટલો મહત્તમ તૈયાર અનસોલ્ડ સ્ટોક છે, ત્યારબાદ દિલ્હીમાં 16,800 અનસોલ્ડ રેડી યુનિટ છે અને પુણેમાં 14,260 તૈયાર એકમો છે. બેંગ્લોર અને ચેન્નાઈમાં અનુક્રમે 10,640 એકમો અને 10,160 એકમો સાથે તૈયાર વેચાયેલ પુરવઠાની સમાન સંખ્યા છે. કોલકાતામાં 5,620 તૈયાર વણ-વેચાયેલા ઘરો છે, અને હૈદરાબાદમાં લગભગ 2,520 ન વેચાયેલા એકમો સાથે ઓછામાં ઓછો તૈયાર સ્ટોક છે.