શૌચાલયની તપાસ ના આદેશ આપ્યા બાદ જિલ્લા વિકાસ અધિકારી સ્થળ પર જઈ આજે જાત નિરીક્ષણ કરવામાં આવ્યું હતું...

Published By : B.K.NEWS DAINIK
Published Date : 2022-06-04 10:49:16
Views : 640
Modified Date : 2022-06-04 10:49:16

બનાસકાંઠા જિલ્લામાં શૌચાલય કૌભાંડ ખરેખર શરમજનક છે. આ કૌભાંડમાં કાગળ પર બનેલા શૌચાલય ખરેખર અસ્તિત્વમાં જ નથી. ત્યારે આખરે જનતાએ જાગૃત બનીને આ અંગે જિલ્લા વિકાસ અધિકારીને લેખિતમાં ફરિયાદ કરતાં જિલ્લા વિકાસ અધિકારી ડીસા તાલુકાના ગેનાજી ગોળીયા ગામમાં બનેલા શૌચાલયની તપાસ ના આદેશ આપ્યા બાદ આજે જિલ્લા વિકાસ અધિકારી સ્થળ પર જઈ આજે જાત નિરીક્ષણ કરવામાં આવ્યું હતું...

કેન્દ્ર સરકારના સ્વચ્છ ભારત મિશન અંતર્ગત ઘરે ઘરે શૌચાલય અને વ્યક્તિગત શૌચાલય બનાવવામાં ગુજરાત દેશમાં મોખરે હોવાની ગુલબાંગો પોકળ પૂરવાર થઈ રહી છે. બનાસકાંઠા જિલ્લાના ડીસા તાલુકાના ગેનાજી ગોળીયા ગામમાં શૌચાલય બનાવવાની આ કામગીરીમાં મસમોટું કૌભાંડ આચરવામાં આવ્યું હોવાની ફરિયાદ ઉઠતાં તંત્ર સફાળું જાગ્યું છે અને ગેનાજી ગામમાં બનેલા શૌચાલયન તપાસના આદેશ અપાયા હતા. એટલું જ નહીં તપાસમાં ગેરરીતિ જણાતા જવાબદાર કર્મચારી-અધિકારીઓ સામે આકરાં પગલાં ભરવાની પણ જિલ્લા વિકાસ અધિકારીએ સૂચના આપવાની ફરજ પડી છે.આ આદેશને પગલે ગેનાજી ગોળીયા ગ્રામ પંચાયતના તલાટી સરપંચ અને સખી મંડળ ના કર્મચારીઓ-અધિકારીઓમાં ફફડાટ ફેલાયો છે. જેના પગલે ગેનાજી ગોળીયા ગ્રામ પંચાયતમાં આજ રોજ જિલ્લા વિકાસ અધિકારી વિઝીટ કરવાની હોઈ જેના પગલે તમામ કૌભાંડ છુપાપવા સરપંચ તલાટી અને સખી મંડળના સંચાલક શૌચાલય બનાવાની કામગીરી શરૂ કરી હોવાના સ્થાનિક લોકોએ ગંભીર આક્ષેપો કર્યા હતા. જે બાદ આજરોજ જિલ્લા વિકાસ અધિકારી ની ટીમ આજે તપાસ કરવામાં આવી હતી અને ગેરરીતિઓ આચરી હોવાની પણ સામે આવતા જિલ્લા વિકાસ અધિકારી દ્વારા અલગ-અલગ ટીમો બનાવી તમામ 138 સૌચાલય ની તપાસ કરવામાં આવશે અને જેમાં ગેરરીતિ આચરવામાં આવી હશે તે તમામ વિરુદ્ધ કાયદાકીય કાર્યવાહી કરવામાં આવશે તેવું જિલ્લા વિકાસ અધિકારી એ જણાવ્યું હતું..

કેન્દ્ર સરકારે જાહેરમાં શૌચાલયની પ્રવૃત્તિ અટકાવવા માટે દરેક રાજ્યોને સો ટકા ગ્રાંટ આપવાની જાહેરાત કરી હતી, જે અંતર્ગત ગુજરાત સરકારને પણ કરોડો રૂપિયાની ગ્રાંટ ફાળવવામાં આવી હતી કરોડો રૂપિયા આવ્યા હતા પરંતુ હજારો ગામડાંઓમાં કાગળ પર જ શૌચાલય બતાવીને રૂપિયા ચાઉં કરી જવાયા હોવાના કિસ્સા સામે આવ્યા હતા. સરકાર દ્વારા વ્યક્તિગત શૌચાલય બનાવવા માટે રૂ. 12 હજાર જેવી માતબર રકમ આપવામાં આવે છે. પરંતુ અહીં તો માત્ર સખી મંડળ 5 હજાર અને 7 હજાર રૂપિયા આપી મોટો કૌભાંડ આચરાવમાં આવ્યું છે.તેવું ગ્રામજનો જણાવી રહ્યા છે.ત્યારે ડીસા તાલુકાના ગેનાજી ગોળીયા ગામમાં એક પરિવારના જુદા જુદા સભ્યોના અલગ ઘર દર્શાવીને 138 શૌચાલય દર્શાવાયા હતા જેમાં મોટા ભાગના બન્યા નથી અને અમુકને બારોબાર ઉચક ચુકવણી કરી હોવાના લાભાર્થીઓ જણાવી રહ્યા છે. જે બાદ

સ્થાનિક લોકોએ જિલ્લા વિકાસ અધિકારી જોડે તમામ આધાર પુરાવા સાથે રજુઆત કરતાં કેટલાક કિસ્સામાં તો એક પરિવારના જુદા જુદા સભ્યોના અલગ ઘર દર્શાવીને શૌચાલય દર્શાવાયા છે. જેમાં મોટા પાયે ખાયકી આચરાઇ હોવાના જાણવા મળ્યું છે.