છ કલાક્માં સાત ઇંચ જેટલો વરસાદ પડતા પાટણ જળબંબાકાર

Published By : B.K.NEWS DAINIK
Published Date : 2019-09-28 17:37:21
Views : 486
Modified Date : 2019-09-28 17:37:21

પાટણ જીલ્લામાં શનિવારે વહેલી સવારથી જ વરસાદની ધમાકેદાર બેટીંગ શરૂ થઈ ગઈ હતી. શહેરમાં વહેલી સવારના ચાર વાગ્યાથી વરસાદે ધમાકેદાર એન્ટ્રી કરતાં 10 વાગ્યા સુધીમાં છ ઇંચ વરસાદ પડતા સમગ્ર પાટણ જળબંબાકાર થઈ ગયું છે. ખાસ કરીને પાટણ-ડીસા હાઇવે, પાટણ-ચાણસ્મા હાઇવે તેમજ નવજીવન ચોકડી વગેરે વિસ્તારોમાં ઘુંટણ સુધીના પાણી ભરાઇ ગયા છે. આ ઉપરાંત રેલ્વેના તમામ નાળાઓ પાણીથી ભરાઇ જતા લોકોને ભારે મુશ્કેલીનો સામનો કરવો પડી રહ્યો છે. જ્યારે આનંદ સરોવરની આજુબાજુના વિસ્તારમાં પણ રસ્તા ઉપર ઘુંટણ સુધીના પાણી ભરાઇ જતા લોકોને હાલાકીનો સામનો કરવો પડી રહ્યો છે. ભારે વરસાદ અને ભરાઈ ગયેલા પાણીના કારણે વાહન વહેવહાર પણ ઠપ થઈ ગયો છે. પાટણના વોર્ડ નં-1માં આવતા ધનાવાડા, ગોદરુ જેવા પરા વિસ્તારમાં પણ મકાનોમાં પાણી ભરાઇ ગયા છે. ત્યારે બીજી તરફ આ પાણીના નિકાલ માટે પાલિકા દ્વારા કોઇ પણ પ્રકારની વ્યવસ્થા ન હોવાના કારણે સમસ્યા વણસી ગઈ છે. ત્યારે બીજી તરફ સમગ્ર જીલ્લામાં પણ ભારે વરસાદના કારણે ખેડુતોના પાકને ભારે નુકસાનીના અહેવાલ મળી રહ્યા છે. કેટલાક વિસ્તારોમાં વહીવટી તંત્ર દ્વારા આ બાબતે કામગીરી હાથ ધરવામાં આવી છે અને નિચાણવાળા વિસ્તારના લોકોને સ્થળાંતર કરવાની કામગીરી પણ શરૂ કરવામાં આવી હોવાના અહેવાલ સરકારી તંત્રએ આપ્યા છે. ત્યારે પાટણના આનંદ સરોવરમાં આખા પાટણની ગંધકી આવતા આ સરોવર ખુદ ગંધકીથી ખદબદી રહેલુ જોવા મળ્યુ હતુ.