મહારાષ્ટ્ર : સ્પીકરની સાથે ગાળાગાળી કરવાના આરોપમાં ભાજપના 12 ધારાસભ્યો એક વર્ષ માટે સસ્પેન્ડ, ગૃહમાં સત્તાપક્ષના MLA સાથે ધક્કામુક્કીનો પણ આરોપ

Published By : B.K.NEWS DAINIK
Published Date : 2021-07-05 16:29:37
Views : 289
Modified Date : 2021-07-05 16:29:37

મહારાષ્ટ્ર વિધાનસભાના મોનસૂન સત્ર દરમિયાન OBC અનામતના મુદ્દે સ્પીકરની ખુરસી પર બેઠેલા ભાસ્કર જાધવની સાથે ગેરવતર્ણૂંક કરવાના આરોપમાં ભાજપના 12 ધારાસભ્યોને સસ્પેન્ડ કરવામાં આવ્યા છે.

કાર્યવાહક સ્પીકર ભાસ્કર જાધવે આક્ષેપ કર્યા કે જ્યારે ગૃહ સ્થગિત થયું, તે બાદ ભાજપના નેતા મારી કેબિનમાં આવ્યા અને વિપક્ષના નેતા દેવેન્દ્ર ફડણવીસ અને વરિષ્ઠ નેતા ચંદ્રકાંત પાટિલે મને ગાળો આપી. કાર્યવાહક સ્પીકર ભાસ્કર જાધવે સંસદીય મામલોના મંત્રીને આ મુદ્દે તપાસ કરવાનું કહ્યું છે.તો વિપક્ષના નેતાએ પણ આરોપ લગાવ્યો કે કાર્યવાહક સ્પીકર ભાસ્કર જાધવે વિપક્ષી દળોના નેતાને ગાળો આપી. બે દિવસ સુધીના ચાલનારા મોનસૂન સત્રના પહેલાં દિવસે OBC અનામતના મુદ્દે વિપક્ષે ગૃહમાં હોબાળો કર્યો. વિપક્ષનો આરોપ છે કે કાર્યવાહક સ્પીકર ભાસ્કર જાધવે ગૃહમાં પોતાની વાત રજૂ કરવા માટે પૂરતો સમય ન આપ્યો. વિપક્ષે કાર્યવાહીનો બહિષ્કાર કર્યો.

વિધાનસભાએ સોમવારે એક પ્રસ્તાવ પસાર કર્યો જેમાં કેન્દ્રને 2011ની જનગણનાના આંકડા ઉપલબ્ધ કરાવવાનો અનુરોધ કર્યો કે જેથી રાજ્ય પછાત વર્ગ આયોગને ઓબીસીની વસ્તીનો ડેટા તૈયાર કરવામાં સક્ષમ બનાવી શકાય, કે જેથી સ્થાનિક સ્વરાજ્યની ચૂંટણીમાં અનામત લાગુ કરી શકાય.

NCP નેતા અને રાજ્યના ખાદ્ય તેમજ નાગરિક આપૂર્તિ મંત્રી છગન ભુજબલે રજૂ કરેલા પ્રસ્તાવને ભાજપના સભ્યોના હોબાળા વચ્ચે ધ્વનિ મતથી પસાર કરી દેવાયો. આ દરમિયાન ભાજપના સભ્ય વેલમાં ધસી આવ્યા હતા અને રાજ્ય સરકાર વિરૂદ્ધ સૂત્રોચ્ચાર કર્યા હતા. વિપક્ષના નેતા દેવેન્દ્ર ફડણવીસે કહ્યું કે પ્રસ્તાવ રાજનીતિથી પ્રેરિત છે.શિવસેનાના નેતા સુનિલ પ્રભુ અને NCP નેતા નવાબ મલિકે આરોપ લગાવ્યો કે ભાજપના સભ્યોએ કાર્યવાહક સ્પીકરની સાથે દુર્વ્યવહાર કર્યો અને અધ્યક્ષા રૂમમાં તેમની સાથે મારામારી કરી. તેઓએ ભાજપના નેતાઓ વિરૂદ્ધ કાર્યવાહીની પણ માગ કરી. જે બાદ ડેપ્યુટી સ્પીકર નરહરિ જિરવાલે ગૃહને 15 મિનિટ સુધી સ્થગિત કર્યું હતું.

Download Our B K News Today App

Related News

Recent Posts

Environment

Women Special

Tweets by BkNewsToday

Follow Us

About us

Head Office (B.K. News)

Quick Links